..بس في آيطـــآليــآ ..}~

[همس الذكريات]

آلـسلآم عليكــم
....

كان في واحد يتمشى في مدينة روما الإيطاليه من شارع الى شارع ومن محل الى محل وكان الجو جميل وبراااد <<<يقهركم... اسولف مع هذا واسأل ذاك

وشوي اشرب قهوه وارجع اكل عسكريم (ايس كريم) <<< مايحس له طعم الا اذا قال عسكريم.... ومره اوقف اتفرج
على اللي يشحذون و يسوون حركات استعراضيه (طراره راقيه وممتعه في نفس الوقت يعني تدفع بنفس راضيه)

الحلو في الموضوع ان كل واحد في حاله ماحد له دخل في الثاني سو اللي تبي لكن لاتغلط على احد
(طبعاً انا يمنعني ديني واخلاقي اني اسوي مثلهم) ...
الشعب كله تقريباً يمشي وكل واحد منهم كلبه معه اعزكم الله كل واحد منهم يجر الثاني مادري وش حادهم على الشقى..
يمكن لانهم ماينجبون اطفال صاروا يفرغون الحنان المتراكم في كلابهم..
المهم وانا اتمشى مريت على هذي البوابه الكبيره



http://www.image.gostshare.com/files/n06asl6kmqn2sobwvyzc.jpg

اعجبني منظرها وقلت يالله ندخل ونشوف وش وراها, صارت هذي البوابه تودي لجسر للمشاة

http://img527.imageshack.us/img527/1821/dsc00304smallmv0.jpg

وهذا الجسر يمر على نهر

http://img527.imageshack.us/img527/9189/dsc00284smalldx0.jpg

الجهه المقابله من النهر

http://img366.imageshack.us/img366/7114/dsc00286smalldz7.jpg

المهم ماعليكم نرجع لموضوعنا
وانا جالس ادربي راسي لفت نظري وجود شي غريب على هذا الجسر المفروض مايكون هذا مكانه ابداً لكن وش جاب هذا الشي هنا؟!!!
شفتلي بنت عندها طاوله عليها عشرات الاقفال اللي هي موضوعنا!!!

http://img368.imageshack.us/img368/2603/dsc00287smallfd1.jpg

وش جاب هذي الاقفال على جسر مافيه ولا باب عشان يتقفل؟؟!!
في العاده اشوف ناس يبيعون ورد او نظارات وشنط يدويه او عده ومفكات لكن اقفال غريييبه!!!
رجعت التفت للجهه الثانيه شفتلي وجه مألوف لي !! بنقالي عنده طاوله ثانيه لكن اكبر وعليها بعد اقفال ...

http://img368.imageshack.us/img368/166/dsc00350smallul5.jpg

وجع!! ::لا
وش يسوون هذولي؟
وشهيله هذي الاقفال؟
هذا وش جابه هنا؟!
لكن قلت يمكن هذا البنقالي سمع ان الراجحي في بداية حياته كان يبيع اقفال وصار الحين مليونير وناوي يسوي مثله
رحت للبنقالي, على قولتهم وجه تعرفه ولا وجه تنكره
سلمت عليه
وكنت مستحي اسأله عن هذي الاقفال لانه كان وضعها طبيعي بالنسبه لهم ولا فيه احد مستنكر الوضع
قلت له انت عايش هنا من زمان
قال لي 15 سنه وكان يتكلم لغه البلد بطلاقه
قالي انت سعودي (طلع ذهين)
قلت ايه
قال انا اشتغلت في السعوديه قبل 15 سنه لكن الحين نسيت اللغه العربيه
المهم قلت وش تشتغل الحين
قال ابيع اقفال
تمام وصلت للي ابي
قلت له ليش تبيع اقفال؟
قال عشان اي واحد يحب وحده او يبغى يهدي زوجته هديه!!!
قلت له يهدي حبيبته او زوجته قفل؟!
قال لا.. يشترونه مني ويكتبون اساميهم عليه ويحطون التاريخ وبعدين يقفلونه في المواسير المنتشره على الجسر وبعدين يرمون المفتاح في النهر
قلت ليش هذا كله؟
قال علشان يبقون يحبون بعض ولا ينفصلون عن بعض طول ماهذا القفل في مكانه ومقفل
بعدين قالي انت ماتشوف المواسير اللي على الجسر كيف مليانه من الاقفال واشر لها
انا طالعت للمواسير وذهلت من المنظر شي مهول اعداد هائله من الاقفال على كل ماصوره وكل عمود
وكل زاويه وفي اي مكان يصل له القفل
طلعت الكمره وصرت اصور العمدان والمواسير في كل مكان الين تعبت
.

http://img300.imageshack.us/img300/5797/dsc00283smallpv5.jpg


http://img300.imageshack.us/img300/9273/dsc00285smalljz4.jpg

http://img527.imageshack.us/img527/3727/dsc00295smallqf9.jpg

http://img527.imageshack.us/img527/4412/dsc00291smallrf5.jpg

http://img242.imageshack.us/img242/2931/dsc00288smallav8.jpg

http://img242.imageshack.us/img242/5231/dsc00293smalljq6.jpg

http://img300.imageshack.us/img300/7133/dsc00292smallas3.jpg

خرابيط
http://www.wansah.com/vb/images/smilies/h15.gif وبعد شهر ينفلصلووون هذ حياتهم


http://www.wansah.com/vb/images/smilies/h15.gif منقول

[الجريح]

الله المستعاااان اعتقادات وهميه يقفل على حياته الزوجيه

[طااال السكوووت]

خرابيط
http://www.wansah.com/vb/images/smilies/h15.gif وبعد شهر ينفلصلووون هذ حياتهم
هههههههههههههههه>>> من خراااابيط

الف الف شكر همس على الصور الحلوه


طال السكوت

[همس الذكريات]

{..قمممة آلآعتقــآدآت
الله يسلمكم يــآرب~
سعيدهـ لتوآجدكــم وتشريفكم موضوعي
لآعدمنــآ طلتكـــم ..}

[ابو خالد]

هرااااااااااااااااااااااااء:-
تسآؤلات أجتاحتني لما رأيت منك
فقد أحكمت ربااط قفل قلبي وجعلته أسير بين يديك
فبات قلبي الحنون لا يعرف الحنان منك
وأصبح قاسٍ كالصخر