المتميز
03-19-2011, 09:01 PM
في سنة من السنين كان هناك شخصين اصدقاء واحد اسمه محمد والثاني عبدالله متواجدون في ديار نجد ذهبو للبحث عن عمل لكسب الرزق فلم يجدو فقال واحد عبدالله وش رايك ياخويي نروح للعراق هناك خير كثير وتجارة قال محمد لاوالله اسمحلي ماني برايح لديار الاجانيب بجلس في نجد لين يفرجها ربك قال عبدالله اجل انا بمشي مع طلعة الفجر ان عينت رزق وخير برسلك مرسال اوانا بجيك توادعو وسافر عبدالله للعراق وجلس هناك وتعرف على تجار وتعلم منهم وساعدوه الين صار اكبر التجار في العراق . وجلس محمد ماحصل لاشغل ولاشيء ذبحه الجوع وعبدالله قد ارسلة رسالة انه لازم يزوره في العراق فعزم انه يروح عند عبدالله يشتغل عندة وروح محمد للعراق يوم جاء لاوالله ان عبدالله عنده ذاك البيت والمحلات الرجال بخير ونعمة وكان عبدالله متملك على بنت جارهم جلس محمد وبدى في الشغل مع عبدالله يوم جاء يوم من الايام لوالله ان عين محمد طاحت على خطيبت عبدالله طبعا محمد مايدري عن الخطبة راح مسرع عند عبدالله قاله تكفى ياخوك ابيك تخطبلي بنت جارك قال عبدالله ابشر ياخوي مالك الا اللي يرضيك راح عند الجير ان لحالة وقال ياعم انا ابيك تزوج بنتك خويي قال الشايب ياولدي انت قد خطبتها وعطيتك اياها . قال خويي شافها واعجبته وانا راضي . قالو اهل البنت منت بجايب الا رجال طيب وصار العرس واغتنى محمد وجاء عند عبدالله قال يخوي انت اقصرت معي اليوم قد معي زوجة ودراهم وابك تسمحلي ابي ارجع لنجد قال عبدالله الله يستر عليك دارة السنين وخسر عبدالله في اتجارة وعاد له الفقر من جديد و فكر في اللجوء لخوية محمد في نجد وذهب لنجد وحصل محمد مغتني في التجارة ذا بيت الشعر المبني يعني حالته زينه جاه عبدالله واستقبلة محمد بفرح وقالة عشاك الليلة عندي وقبل العشاء ورد عبدالله علية وخبره انة خسر كل حلالة وقال ابيك يامحمد تفزعلي تعطيني قروش امشي حالي في التجارة لين يفرجها اللة قال محمد ماني بمعطيك تبي صدقة عطيتك حق اكلك وشربك وغيره ماعندي شي زعل عبدالله وقام قبل مايتعشاء وسرء في عز البرد ضايقة به الدنيا لان خوية جحدة راح منهم مسافة ال ذاك بيت الطين مهدوم وجاء ونام فية يوم جاء في نص الليل اذا ذاك الرجالين يشلون صندوق ودخلو داخل علية وشافوه قالو وش عندك قال عابر سبيل قالولة اسمع حنا حرامية وسارقين صندوق ذهب خلة عندك وحنا بنروح نجيب الصندوق الثاني اذا اصبح الصبح ماجينا اخذ الصندوق وانحش المهم جاء الصبح ماجاه احد وقعد في محلة ثلاث ايام ولاجاه احد قام ودفن الصندوق بعد ماخذ حاجتة منه وراح لسوق وقام يبيع ذا المجوهرات اللي معه اللين صار من اكبر التجار وشراء له بيت يوم جاء مع الصبح اذ ذيك الحرمة وبنتها واقفين عند بابة يبون يشتغلون عنده وماقصر شغلهم يكنسون البيت يطبخون .المهم صار عبدالله من اكبر تجار نجد قال لازم انتقم من محمد اللي جحدني . راح وسوء عبدالله عزيمه كبيرة وعزم جميع التجار في البلدة ومن ضمنهم محمد يوم اجتمهو الناس في العزيمة قام عبدالله وتكلم من بين الحضور في العزيمة قال ياناس وش رايكم برجال جاني في العراق ميت من الجوع وعطيتة وشغلتة وزوجتة المراءه اللي كنت انا خاطبها ويوم ضاقت بي الدني وخسرت حلالي جيتة وبغيت من المساعدة رفض وكانة مايعرفني قال الناس هذا المفروض مايساقلة الفنجال تكفى منهو الرجال ذا .قال عنوه محمد التاجر الكبير استغربو الناس . وقام محمد وتكلم قال ياعبداللة اسئلك بالله من اللي ارسلك الرجالين اللي معهم الصندوق فية الذهب هذا انا ومنهم الحرمة والبنت اللي يخدمونك هذي امي واختي وانا اخوك وتراني زوجتك اياها فـ انقلب الجو بالفرح والسعادة من هذان الصديقان .</b>