‏-

‏لي حبيبٍ ديرته نجد العذيه
‏من عرفته احتضن هالعمر ريعه

‏لو وطت رجله قفر ارضٍ خليّـه
‏من مواطيّـه لبس ظله ربيعه

‏ليتُه يعرف شكُثر هَالقلبّ تواق لُه
‏ليتُه يقدر حنينّ هَالقلبّ ويعشقُه .

‏جعل ضيعاتي بحبك حبيبي كثار
‏ياللي اسرفت في حبك وأحس بقصور

‏ضمتك ضمّة معزّي لنجد القفار
‏خضّرت بعد ماهي ريح دم وقبور

‏في خلا قلبي المليان هم ودمار
‏ربّع الحب وطارت في سماه الطيور

‏ماقلط فيه غيرك من طوال العمار
‏كنك اللي محاوط به عن الناس سور

‏على إتساع؛ المدى، والدرب، والديرة!
‏صدري ملاذ الطعون، ووجهك مْحبِّي

‏عطيني الجرح، مدري وين هي الخيرة
‏ما تعطي إيدينك ـــــ إلّا ما كتب ربي!

‏الصبح يضحك لك إذا الليل بكاك
‏ربي على كسرة عبيده يراعي

‏لاتلوي ذراعي ولا ابكي لفرقاك
‏كبرت عن حزني ولوية ذراعي