|
قهــوة الشعــــرآء
مــدخــل .{ http://www.alassaf.net/products/BagdadeyahG.gif قـم قهـونـي .. قبــل آصلك وآتقهــوآك .. وآوزنــك هيــل .. ويرتبـك زعـفــرآنـــك . كل همسات الحب والمودة .. وكل لحظآآت الحب والحنين .. ومشآعر الشووق التي تح ــطينــآآ .. اسمحو لي أن آطرح هــذه المشـآركـــة . رآج ـيـــآ من الله آن آجـد صـدآهــآ وآن لآ تـذهب خــلــف الريــآإآح . .. نلتقــي ســويــآ فـي " قهــوة الشعــــرآء "... لنتعرف سويـآ ونستزيـــد بالمعلــومـــآإآت حــول شـآعـرنــآ المفضــــل ... .. سنـطــرح كل يــوم " خميس" نبـذهـ عن شـآعــرنــآ المفضـــل ونتســآمـــر بقيــة الأسـبــوع حــول هذآ الشـــآعـــر وحـول مانثـــرهـ من إبــدآعـــآإآت ... .. أتمنـــى أن ينـــآإآل المــوضـــوع على رضـــآكـــم .. دمـتـــم بــــــــــود اخوكم// امير الذوق |
شـــآعرنــآ لهـذا الاسبـوع هــو http://images.abunawaf.com/2006/05/Famous7.jpg الشاعر : عبدالرحمن بن مســـآعــد : ونسلم المــآيــك له للتعريـــف بنفســـه .}ْ~ ^_^ http://www.vp.rghh.com/imgcache/up/34345.imgcache.jpg أنـا فـرحـي لمِن حـولي وأيـامي فـدا الأصحـاب .. قـصيـدي بـلسـم المجـروح ونبض النـاس أبياتـي .. من الدنيـا أنـا مابـي سوى عـفـو العلي التـواب .. ويحسـن خـاتمـة فعـلي ويغـفـر لـي ضـلالاتـي .. " أبمـلا العمر "بالتوبة" و "نوح" و "هود" و"الأحـزاب .. متى كـانت سنيـني عمـر انـا عمري في ركعاتـي http://www.al-jazirah.com.sa/830070/sp10.jpg أنا عبدالرحمن بن مساعد بن عبدالعزيز ال سعود ..ولدت في 18-8-1967م الموافق 12-6-1387ه - ولدت في باريس ..رجعت إلى الرياض ثم ذهبت إلى لبنان ودرست إلى أن بلغ عمري ثماني سنوات.. وعلى فكرة كنت أعيش طفولة عادية ولكن الظروف جعلت طفولتي لا تحس بإحساس الأمير..كنت أعيش في شقة في بيروت عيشة عادية كمعيشة أي طفل عربي إلى أن أصبح عمري ثماني سنوات وهذه مرحلة مهمة في تكوين الإنسان. - هل تصدقون...أنا لم أعرف أنني أمير إلا بعد أن عدت بعدها إلى الرياض وعمري ثمان سنوات..درست بعدها في الفيصلية ثم مدارس الرياض..ثم درست في كلية الهندسة أربع سنوات.. - والدي له فضل كبير علي في كل حياتي..بفضله حفظت القران كاملا في سن مبكرة..كنت أقرأ كثيرا والسبب والدي..وأمي كان لها فضل كبير علي أيضا وأخي عبدالله كان له فضل كبير علي أيضا.. - متزوج من ابنة عمي ..البندري بنت هذلول بن عبدالعزيز ..وعندي بنتان الجوهرة ونورة.. - الحمد لله مبسوط في حياتي ..مبسوط أنني سعودي..مبسوط أن جدي عبدالعزيز ووالدي هو مساعد..مبسوط بإخواني وأصدقائي.. - أطمح لان أخرج من هذه الدنيا بأقل خسائر ممكنة لكن بدون أن أمشي بجانب الجدار.. - بس ..هذا كل شيء ،، ------- عرفت أنني ولدت في باريس . وباريس مازال لها مكانة خاصة لدى عبدالرحمن بن مساعد . في السنة الأولى من الولادة (بعد شهرين تقريبا) .. انتقلت مع العائلة إلى بيروت . وفي هذا المكان اختزنت الكثير من الذكريات . أذكر جيدا أننا سكنا أنا و أبي و أمي و أخوتي في شقة متوسطة المستوى والحجم . هذا المكان يشحن الذاكرة بالكثير من البدايات وأطياف الطفولة . بدأت المرحلة الدراسية * انتظمت في مدرسة تعتمد في تعليمها الأساسي على الجانب الإسلامي * والدي كان ومازال يهمه هذا الجانب * يهمه أن ينمي فينا الجانب الديني * ويعتبره عمود العلم . ولم يكتف والدي أطال الله في عمره بالاعتماد على المدرسة * بل أخذ يدرسنا الدين الإسلامي بكثافة * من خلال حلقات دورية ولم يكن وجودنا في الخارج فقط هو الذي دفعه إلى هذا الحرص * بل لإن منهج حياته قائم على هذا الجانب. كان والدي يدرسنا بحزم * ولكن بلا قسوة * ويعلمنا بشدة لكن بلا ضرب * كان مثلا لا يقبل الخطأ اللغوي * وأي خطأ في التشكيل يعتبره جريمة كبرى تستحق العقاب * خاصة وأنه فصيح اللسان * ويمكن أن يلقي خطبة كاملة مدتها نصف ساعة دون أن يلحن . حفظت القران صغيرا * وأفادني ذلك كثير * في ثقافتي وفي تربيتي * ولغتي وكذلك أخوتي . بعد ثلاث سنوات تقريبا من دراستي في بيروت * قرر الوالد العودة بنا إلى الرياض * وكان الرحيل لأفارق ما يسمونها (مرابع الطفولة) .. وأعود إلى الوطن . وأكبر تحول حدث في حياتي بعد الانتقال هو اكتشافي أنني (أمير) * لم يخطر في بالي يوما من قبل أن أكون في مثل هذه المكانة الاجتماعية * فالحياة التي عشتها سابقا تخلو من المميزات . ولكن طريقة الاستقبال * ثم المعاملة بعد ذلك أوحت إلي أنني أتمتع بمكانة خاصة * ثم علمت تدريجيا ماذا تعني كلمة (أمير) .. ما هي تبعاتها الاجتماعية ومسؤولياتها ؟ .. وعرفت بعد ذلك أن لي جدا عظيما تتحدث عنه أقاصي الدنيا هو الملك (عبدالعزيز) - طيب الله ثراه- الذي سمعت ودرست سيرته العظيمة * وسكنت تتردد في عقلي .. ولم أستطع ترجمتها حتى أتيحت لي فرصة كتابة أوبريت الجنادرية * فوضعت الكثير من أفكاري في (كتاب مجد بلادنا) . ولكن اكتشافي أنني أمير لم يخل باتزاني * ولم يدفعني لاستخدام صلاحيات لم تكن متوفرة لدي * فأنا أساسا عشت حياة بسيطة لم أحب أن أفرط بها * ولم أضغط على نفسي لأتعامل مع الآخرين برسمية أو تكلف * تمسكت بحياتي السابقة* وتعلمت الاندماج بالآخرين أفضل من الابتعاد عنهم بحجة الوجاهة أو الاحتفاظ بالمنصب* أو القيمة الاجتماعية .. فالقيمة وجدتها ترتفع وتزداد كلما اقتربت من الناس* وفي الرياض كان الاحترام واضحا لمكانة الإنسان الاجتماعية. علاقتي بأخوتي .. عميقة إلى درجة تستعصي علي التعبير* وفي الوقت نفسه هي وطيدة إلى درجة لا تحتاج إلى تعبير* فكل منا يعرف مشاعر الآخر تجاهه دون أن يقول* إذا رجع أخي عبدالله من السفر .. لا أسلم عليه بالأحضان والقبل .. فقط (يمسيك بالخير يا عبدالله ويعرف هو من دون أن أعبر له أنني افتقدته في الأيام الماضية واشتقت لوجوده بيننا* فالعلاقة ثابتة ولا تحتاج إلى تصنع . بانتقالي إلى الرياض وجدت وتيرة الحياة تسير بشكل أفضل وأعطتني الإحساس بالاستقرار والثبات* رغم أنني افتقدت وتيرة حياة عشتها* لكنني لم أتحسر عليها* الرياض أعطتني الإحساس بالأمان والقوة* وبيروت أعطتني الإحساس بالاختلاف* وحفزت مشاعري* وضختني بالمشاغبة. كنت في المدرسة متفوقا * ولكنني أهوى المقالب. أتذكر أنني لا أحب حصة الرسم* لأنني لا أجيد هذا الفن * وفي إحدى الحصص فشلت في رسم ما طلبته منا المدرسة فقمت بسكب المحبرة على ورقتي * لكي أخفي رسمي السيئ . ثم أخبرت المدرسة أن زميلتي (أمل) التي تجلس بجانبي سكبت المحبرة على ورقتي* فنالت (أمل) العقاب .. ونفذت أنا !! كنت متفوقا في دراستي* واستمر التفوق عندما كبرت ولكن بتقدير أقل* فالتفوق لم يصبح هدفا بقدر هدف الاستمتاع بالحياة. في بداية دراستي في الرياض واجهت صعوبة في التأقلم وتغيرت أجواء الدراسة لدي خاصة وأنني كنت في بيروت ادرس في مكان مختلط .. أما فقدت فيها ذلك الاختلاط بين الطرفين. ولكنني تأقلمت بسرعة* لأنني كما أعتقد إنسان اجتماعي بطبيعتي. لذلك أقول أقول أنني عشت طفولة طبيعية جدا* استمتعت بكل ما فيها على قدر ما سمحت به الظروف* وتفوقت وكونت علاقات جيدة* وكان أخي عبدالله يمثل قدوة لي* في قراءته* وشخصيته* كذلك أمي التي لعبت دورا مهما في تكوين شخصيتي .. فقد كانت تعاملنا بلطف وحزم في الوقت ذاته* تدللنا ولكنها لا تتساهل معنا* سواء في الدراسة أو التصرفات اليومية. في طفولتي أحببت القراءة* قرأت ديوان المتنبي* وأبي كان حريصا على تنمية هذا الجانب* درسنا القرآن وحفظته* كذلك تفسير ابن كثير والتاج والأحاديث .. هذه مسلمات في القراءة لابد منها* ويكون التنويع في المجالات الأخرى. وفي رمضان خاصة تزداد قراءة القران بتشجيع من الوالد. وبعد القرآن* بدأ اهتمامي الشديد بالشعر* بدءا بالمتنبي الذي حفظت الكثير من أشعاره فأصبحت أقرأ كل ما يقع تحت يدي. وعندما بلغ عمري السابعة عشر* بدأت القصائد الشعبية تشدني. عرفتها من خلال الأغاني* كانت ثقافتي عربية أكثر منها خليجية* في الأغنية لا أسمع إلا أم كلثوم وعبدالوهاب وفيروز .. ولكن قصائد بدر بن عبدالمحسن شدتني* فبدأت أتابع له بكثافة* لم يكن له ديوان ولكنني أقرأ كل ما ينشره. بدر بن عبدالمحسن بالنسبة لي شيء عظيم* وهو الذي دفعني للكتابة* رغم أنني كنت أكتب بالفصحى* وأول قصيدة كتبتها بالفصحى عرضتها على مدرس العربي* فقال لي : إن معانيها جيدة* لكنها غير موزونة. كان الوزن عائقا أمامي* لكنني تجاوزته* لأنني أملك أذنا موسيقية تكشف الخلل* فالموسيقى موجودة في حياتي بشكل أو بآخر* فأي وزن أحفظه أتمكن منه* وإن كان عندي قناعة أن الشعر هو فكر أكثر من وزن* لذلك لم يعد الوزن هو همي في الكتابة. أتذكر أن التحول من كتابة الفصيح إلى العامي بدأ عندما أحببت لأول مرة* أحسست أن التي أحبها لن تفهم الفصيح .. لكن هناك شيئا غريبا .. هو أنني لا أذكر متى خفق قلبي لأول مرة* ولمن ؟ لا أعرف من هي أول حبيبة في حياتي .. تخيلوا ؟! ربما لأنني كنت أحب الحالة نفسها* وليس المرأة* ربما كنت أرغب أن أكون معذبا* فكانت البداية من هذا المنطق* وشعرت أنني يوما سأكون شاعرا جيدا. استمريت في كتابة القصائد العامية .. حتى عرفني الجمهور من خلاله .. يتبع...{ |
أمير الذوق الف شكر
على الموشاااركه ونتظر المزيد |
الجريح منوووووور يالغالي
لككل الغلا والود |
فكرة اكثر من رائعه اخي امير الذوق
ستثري المنتدى بروائعهم الشعريه وبداية واختيار موفق للشاعر عبدالرحمن بن مساعد يعطيك العافية على الطرح ويستحق التقييم ولي عودة للموضوع |
مشكورر ياامير الذوق
على طرحك المميز والرائع رربي يعطيك الف عااافيه على طرحك الرائع والله لا يحرمني من ابدعااتك المميزه والرائع تقبل طلتي |
سارونه اسعدني تواجد يالغاليه
منوره بطلتك ياقمر لك كل الغلا والود |
دلووعه منوره بطلتك ياقمر فديتك
اسعدني تواجدك في متصفحي لك كل الغلا والود |
اسمح لي
ابدي اعجابي بقلمك وتميزك واسلوبك ا لراقي وتالقك |
تسلم اخي الكريم على طرحك الرائع والمميز كما تعودنا منك
|
الشقراء اسعدني تواجدك يالغلا
منوره الصفحه لك ودي |
ابداع يتلوه ابداع
وتميز يتلوه تميز اخي أمير الذوق مبدع ومميز ورائع بطرحك سلمت يداك والله يعطيك العافيه موضوع جدا جميل تقبل مروري |
الله يعطيك العافيه بانتظار جديدك دائمااا بكل شوق دمت بحفظ الرحمن http://www.al-wed.com/pic-vb/858.gif |
|
http://www.rooyl.com/files/sho-37.jpg تعتبر أمسية الأمير عبدالرحمن بن مساعد والتي أقامها في دولة البحرين عام 1995م هي الانطلاقة الحقيقة له في عالم كتابة الشعر . فكان الجمهور قبل هذه الأمسية يعرف الأمير عبدالرحمن من خلال قصائده المغناة فقط .. فقد لفت سموه أسماع الجمهور إلى قصائده الإنسانية والاجتماعية .. وقد برع سموه في هذا النوع من الكتابة .. حتى لقب بشاعر الأنسانية. أقام سمو الأمير عبدالرحمن العديد من الأمسيات في أماكن مختلفة من الوطن العربي .. فبعد أمسية البحرين .. أقام سموه أمسيات في كل من الكويت*قطر*السعودية.مصر*الامارات .... وكانت تحظى جميع هذه الأمسيات بإقبال جماهيري منقطع النظير . من أهم أعمال سموه أوبريت (كتاب مجد بلادنا) الذي كتبه بمناسبة مهرجان الجنادرية الثالث عشر .. ويعتبر هذا العمل محطة هامة في تاريخ سموه .. ويعتبر أوبريت كتاب مجد بلادنا من أنجع الأوبريتات التي أقيمت بهذه المناسبة .. بل من أنجح الأوبريتات العربية . يعتبر الأمير عبدالرحمن بن مساعد الشاعر الأول في المنطقة الذي جعل جل قصائده تخدم قضايانا الإنسانية والاجتماعية مهما كانت تلك القضايا صغيرة أو مهمشة .. كما خدم سموه الأغنية بقصائده التي أصبحت وسام على صدر الأغنية العربية .. عبد الرحمن بن مساعد ... تاريخ سيمتد من أقصى ال هناك إلى أقصى ال هنا .. !! يتبع>>> |
الشـاعــر الأول قــرّر التـاجـر يـكـون الـشـاعـــر الأول افرحـوا يـا اهـل القصيـد وجهـزّوا السـاحـه سـهـلـّوا الأوزان لـ اجـل المـبـدع الأفضـل بـعـد إرهـاق الـعـمـل يـحتـاج لـه راحـه فـاضـي هـو يـوزن ؟ .. كـلامـه كامـل مـكـمّـل يكـفـي انّـه لـ اجـلنـا يكـتـب عـن جـراحـه الكـسـر فـاسـمـاعـكم وادراكـكـم يجـهـل عـبقـريـه فـرحتـه والـفـن فـي نـواحــه جـدّدي لـه يـا صحـافـه عـهـدك الأمـثـل وارسـمـي الأشعـار صـحـرا وشعـره الواحـه واكـتـبـي عـنـه العظـيـم الشـامـل الأشـمـل كـان يـحـتـاج الشـعـر جـهـده واصـلاحـه واسـألـي كـيـف ومـتـى وهـل كـان أو يعـقـل ! عـمـرنـا مـن غـيـره فكـره تكـمـل افـراحـه ؟ ويـن "نـوبـل" عـن قـلـم مـن أشـرق واشـعـل ظـلـمـةٍ كـنـّا بـهـا أفـنـاهـا مـصبـاحـه مـن يـقـول إن الشـعـر فـي وقـتنـا مـبـهـذل سـعـرنـا عـقـب الـخسـايـر زادت اربـاحــه لحّـنـوا الشـعـر البـديـع الأصعـب الأسـهـل واعـرضـوه بكـل شـاشـه ليـل واصبـاحــه وادفـعــوا للـي شـدا للـشـاعــر الأجـزل مـبلـغ وقـدره "كـذا" يستـاهـل صيـاحــه ابـشـروا يـا مطـربيـن الدفـتـر الأجـمـل يكـفـي عـن مُـرّ السـؤال وذل إلحـاحــه دفـتـرٍ فيـه القصـايـد تشتـري الأخـطـل وعنتـر يضحّـي بعبلـه ويـرمـي سـلاحــه دفـتـرٍ فيـه المـعـاني فـي الـيميـن اسـفـل !! أقـوى أبيـاته : فـقـط لا غيـري فـي السـاحــه مساء الخير مساء الخير والاحسـاس والطيبة مسـاءٍ مـا يـليق إلا بأحبـابي مساءٍ غير غصن لطير يحكي بـه عن اللي مـسكنه جفني وأهـدابي هلا باللي أحـبه كثـر تعذيـبه وكثر ما هـو يغيب وكثر ترحابي حبيبي هـو ولو ما قصّـر الغيبة ولـو عن بسمتي قد طـوّل غيابي أعـرفه زيـن وأعيتني أسـاليبه عدوي يوم ويوم أقرب من أصحابي مـلكني بين تـرغيبه وتـرهيبه يفـارقني وهـو واقف على بـابي به الصادق به الغـارق بأكاذيبـه يبي بعـدي ودمعـه بـلّل ثـيابي به القسـوة به الرقـة به الهيبـة به الضعف القوي به نشوة إغضابي هلا باللي يصيب العطـر بالريب يقول العطـر أنا زايـل ويبقى بي هلا باللي يقول الورد وش لي به؟ من المهـدى؟ أنـا أو هو لأطيابي هلا باللي علي يقسى وأمـاريبه هلا باللي أبـد مـا لان لعتـابي هلا باللي عجـزت ألقى عذاريبه هلا بـاللي تـحبه كل أسـبابي مسـاءٍ فاق كل الشعـر ترحيبه بجيّة مـن سـكن قلبي وأهـدابي مساءٍ فاض بالاحسـاس والطيبه مسـاءٍ مـا يليـق إلا بأحبـابي لجل أوصلك بافارق فراقك وبأخنق عبرتي واجرح اضمادي وأسافر لك معك بشد للماضي وأقدم ساعتي وأعاند اعنادي وأقودك واتبعك باجامل أحزاني وأجافي فرحتي وأعادي خلاني واحبك وأخدعك بصير أنا طبعك وأنتي طيبتي وبيحزنك ضحكي..وأهلي بمدمعك بسامر دموعي واعزي ضحكتي وبهدي أنا ضلالي..ضلال ياسعك بلبس أنا ِذلك.. وقيسي عزتي وبتصيري ذنوبي وخيري بيطبعك باحارب في ضعفي وافر في قوتي والى رضختي لي لموتي بدفعك ولجل القاء بارحل وتمضي رحلتي والى حصل شوفك بكون مودعك أببعد وأوصلك وبسبق خطوتي وبنثرك فيني وأنسى أجمعك بضم أنا هجرك في قربك وحدتي وتدلك عيوني وقلبي مضيعك وإذا اضلمت دنياي بطفي شمعتي وإذا كثر زادي بجوع وبشبعك شردتي رقادي وسمعتي نظرتي وغمضت أنا عيوني لجل ما أسمعك صرخت في سكوتي ولمستي صرختي وقربتي وجهك لي لجل ما أصفعك عند الحزن تثقل خطاكي دنيتي وعند الفرح قالت خطاكي مسرعك قصيدتي يكفي..غبية كذبتي حبيبتي آسف بخونك ..بس معك سيد جروحي سيد جروحي شمس عمري وظلي البعد طول والخطأ منك واضح اذا غرورك يمنعك تعتذرلي تعال جنبي وابتسم لي واسامح تدري احبك لكن الموت ذلي ادوس انا قلبي لو الشوق جامح الله عطاك الحظ واصبحت خلي والله عطاني اياك طاغى ملامح سألتني يا ياسميني وفلــــــي ياكيف يشفى الورد..والشوك جارح مثل العيون اللي لها كل كلي زايد حلاها لكن الدمع مالح وش تنتظر يكفي دلال وتغلي الوقت ماهو للوصل دوم سانح مادمت ترحالك ومادمت حلي ان صرت انا خسران ماصرت رابح لا تعطي الفرصة لعذالنا اللي لكل ماهو يهدم الحب طامح مالك صبر عني ومالي تسلي والوقت خيل صوب الاجال رامح سيد جروحي شمس عمري وظلي الحب بعد وقرب ..مخطي وصافح اذا غرورك يمنعك تعتذرلي لاتعتذرلي قول اسمي واسامح البرواز قلتيلي إنسى ومن يومها وأنا كل ليلة قدامي البرواز حبر العيون ودمع القلم في دفتري وصورتك رغم الألم ورغم إنها خذت من أطباعك كثير وخانت البرواز أشوفها في خاطري حبيبتي ما بيدي حيلة لا صرتي الصورة وعيوني البرواز وشلون ابنسى أتعبتي الصورة مشاوير وتعبت أنا بلقى لغدرك معاذير وصورتك اللي سجنت بروازها طول السنين كانت جسد وبروازها الروح ويوم نزعت منه الجسد تجرحت أطرافها وبجروحها راحت لمين .. لبروازها الثاني مسكين .. بيسجنك ويبقى سجين تشبه لك أقداره خانته وصورتك يجي يوم وتخونه حبيبتي .. أو للأسف حبيبته لا صرتي الصورة وجفونه البرواز وشلون ينسى حبيبتي لأجل أنسى جرحك واستريح بابكي .. وبعد البكى بابكي واكيد في لحظة بتجي وبيجف دمعي وعندها صورتك اللي في عيوني بتعاف برواز الضمى بتصير صحرا وهو سما بتمرني الدمعة الأخيرة تاخذ معاها صورتك وتطيح وكني بهالدمعة سكين جرحها وجهي وكني بالمسافة تطول ما بين عيني ودمعتي وخدي وكني بقلب الحاير المسكين نبضه يقول لا تودع الفرقى .. الدمع ما يرقى وعندها لا نزلت الدمعة من الجرح الأخير وفارقت وجهي أنا بغمض عيوني وأكسر البرواز وأكيد ابنسى الحرامي احترامي.. للحرامي صاحب المجد العصامي صبر مع حنكة وحيطة وابتدا بسرقة بسيطة وبعدها سرقة بسيطة وبعدها تَعدى محيطه وصار في الصف الأمامي احترامي.. للحرامي احترامي.. للحرامي صاحب المجد العصامي صاحب النفس العفيفة صاحب اليد النظيفة جاب هالثروة المخيفة من معاشه في الوظيفة وصار في الصف الأمامي احترامي.. للحرامي احترامي.. للحرامي صاحب المجد العصامي يولي تطبيق النظام أولوية واهتمام ما يقرب للحرام إلا في جنح الظلام صار في الصف الأمامي احترامي.. للحرامي احترامي.. للحرامي صاحب المجد العصامي يسرق بهمة دؤوبة يكدح ويملي جيوبه يعرق ويرجي المثوبة ما يخاف من العقوبة صار في الصف الأمامي احترامي.. للحرامي احترامي.. للحرامي صاحب المجد العصامي صار يحكي في الفضا عن نزاهة ما مضى وكيف آمن بالقضا وغير حقه ما ارتضى صار في الصف الأمامي احترامي.. للحرامي احترامي للنكوص عن قوانين ونصوص احترامي للفساد وأكل أموال العباد والجشع والازدياد والتحول في البلاد من عمومي للخصوص احترامي للصوص مساعد أخطيت أنا مدري وش أحساسك ومدري وش تظنيني انا الصادق في عينك كنت صرت الكاذب الخوان انا اخطيت ما انكر ولافي عذر يكفيني سوء اني احبك حيل واني دايماً انسان انا ادري بمدى جرحك وادري الحظ جافيني يطول الوقت ما أخطي واذا اخطيت كل شي بان انا شفت الزهر مايل وظنيته يناديني قطفته يوم ضميته لقيته للأسف ذبــلان عرفت انك زهر عمري عرفت انك بساتيني وغيرك قيظ مايروى سراب يشقي العطشان انا لو ماحصل ماكان وشو الى يدريني بأنك ماسواك أنتى سكنتى القلب والوجدان انا اسف على اعذاري عجزت القي عذر فيني يليق بغلطتي في حقك ويرجع كل شي كان احبك كثر أخطائي وادري انك تحبيني وادري لو تفارقنا فلانقدر على النسيان اذا تقوي على فراقي وبعدي عنك خليني انا مليت من دور الكراره ولعبت الغفران قليل العمر يالي انتي دموعك ماتساويني حرام انه يضيع فراق هي من قلها الإحزان فقير فقير وعندي المال الكثير فقير وملبسي غالي حرير وياصاحبي الحافي الفقير ابنشدك ابسئلك وشهو الحصير وابسئلك وشلون انا امر وانهي واذا حكيت قبل انتهي من كلمتي يقاللي سم ويصير ولاشكيت من غفلتي طول زمنها يقاللي لاتشتكي ماخلقت الشكوى لأمير وابسئلك وشلون انا مع كل ذا !!!اقول عن نفسي فقير؟؟؟ ياصاحبي لاصار لضحكه ثمن وصارو اصحابي كثيربس بثمن والوفاء مابه وفاء الا بثمن ابسئلك ماني فقير ؟؟؟ ولاصارت اقوالي حكم ولاقالها غيري غدت .. حكي قديم ابسئلك ماني فقير؟؟ ولاصرت انا مانيب انا ولاغلطت قالو صحيح وكل شي اعمله يصبح عظيم ابسئلك ياصاحبي ماني فقير؟ وياصاحبي ابنشدك لمن جفتني دنيتي وابتدا الدرب الطويل الى ابد ماينتهي وانتهي العز القديم وماكنت اظنه ينتهي والموت بدد فرحتي .. وحطوني في قبر صغير وحزنو علي وبكو هلي وناس من ربعي قليل وارتاح من وجهي كثير وبقيت وحدي في حيرتي مابه احد لاطال عمرك ولاتحت امرك ماغير انا وخوف ولحد وحساب قدامي عسير وقتها ذكرت اني من زمان يوم انه امهلني الزمان هذا ظلمت هذا جرحت ياما كذبت وذنوبي ماتحصي كثير وقتها الا ندمت ونفسي كرهت عرفت ان الله كبير وان الهلاك اصبح اكيد واني انا مالي رجاء..ولاهروب من الدجاء من الجحيم الا بأمل عندي وحيد ان الله غفار ورحيم ابسئلك ياصاحبي عني في وقتها ماني فقير؟؟؟ اسئل الاعمى اسئل الاعمى .. ان كان في نومه يشوف ليه يصحى واسئل الى مادرت عنه الهموم الى درا ان العمر محدود وان الفرح مهما اختفى.. موجود اسئله ليه ينوم؟ وان جاوبوك اسئلني ليه حنا افترقنا ياصاحبي مابه سبب لفراقنا غير اننا جينا بزمن ماهو زمنا ياصاحبي مابه سبب لفراقنا غير اننا في حبنا عشنا الصدق وفي وقتنا وشهو الصدق في وقتنا لجل القاء تكذب ولجل تاصل ماتبي تكذب ياصاحبي خذها من جرحي نصيحه كانك تبي تاصل ؟ اكذب .. اكذب .. اكذب الصدق في وقتنا اصبح فضيحه في وقتنا دايم تهيم في شي ماتعرف مداه دايم تهيم فلي بعد عن سكتك والي زهد في محبتك والي فيدك ومتحمل جروحك معك مايهمك تنساه ولو تقتله مايالمك وبقدامك تاطاء على دماه ياصاحبي وقتنا في اوله ضيعنا اولا القبلتين وفي آخره الله اعلم وش بيبقى في وقتنا صار الغدر شيٍ عظيم والوفاء ماظنتي ان كان بتدور بتلقى ياصاحبي في وقتنا اطول مسافه ممكنه تمشيها بين النقطتين الخط المستقيم ياصاحبي في وقتنا وقت الالم من يسمعك مهما حكيت من ينصفك مهما شكيت منهو الى مايضحك اذا ذلتك دنياك وبكيت ياصاحبي في وقتنا ماللمشاعر ناس ياصاحبي في وقتنا لبعض القلوب احساس ياصاحبي في وقتنا وقت الكلام وقل الفعل لامات احد وانتقل لعلا رفيق من طيبنا نحزن عليه نصلي عليه ناصل معه للمقبره وفي المقبره غير الدعاء وقولت الله يرحمه مابه كلام وندفنه .. ولادفناه نبكي بدون دموع او بدموع المهم بعد مانبكي نتركه ونروح وتلقانا نقول مسكين يافلان مسكين من دنيتك وش الى خذيت؟ وبعد باب المقبره بشبرين واقل من الدقيقه لامن دخل فينا الزحام من طيبنا نضحك ونسمع اغنيه لجل نتسلي في الطريق بين المقبره والبيت ياربي سبحانك يالي تجير من العذاب قلوبنا وش صابها ؟ في وقت غدا بين الحياه والموت وبين البكاء والضحك شبرين ودقيقه وباب ويدنا الي قد حثت في وجه ميتنا التراب هي نفسها الى بعد شبرين واقل من الدقيقه اختارت شريط وحطته لجل تقتل طول المسافه بين المقبره والبيت ياصاحبي في وقتنا احسن كثير من بعضنا في المقبره على الاقل ميت وندري المشكله متنا ولالحين ماندري ياصاحبي في وقتنا ضاع احترام الموت في وقتنا حكينا ما اكثره وللأسف كل الحكي من غير صوت وان كان به فم صدق وسمحو يحكي بصوت مانسمعه ياصاحبي قدامنا كان اختيارين يانجاري وقتنا ونكذب ونخدع نفسنا يانفترق لان الفراق في وقتنا هـــو الـــصــدق افــتــرقــنــا ياصاحبي كانك تشك في اسباب الفراق دور لك اعمى واذا صحى اسئله ان كان في نومه يشوف ليه صحي وليه أفترقنا سألتها سألتها ليه البحر ساكن عيونك جاوبتني للغرق سألتها ليه السواد اللي في عيونك قالت للأرق سألتها ليه الخدود قالت عبق سألتها هي رقتك مثل النسايم و الورود قالت لي لأ يمكن أرق سألتها عن حسنها كنه يقول ماللشعر فيني حدود قالت صدق سألتها يا اغلى الأنام .. وشو الغرام ؟؟ قالت لي انك ما تنام .. و أوهام و تنتظر شمس اللقا و ما تجي شمس اللقا ومشوار ما يعرف وصول و لحظه بها كل الفصول و قلب واحد يحترق و بعض الصدق و وقت عصيب و يتبعه وقت عصيب و لين يتعدى الصباح و جراح تدمى لو تطيب و في الأخير .. خل عن خل افترق و في الأخير كل النهايات الفراق ما في فرص مافي نهايات بلقا إلا في خيالات القصص سألتها وش هو الوفا ؟؟ قالت كفى .. النور من ضيي اختفى و الليل في عيوني غفى اترك كثير الأسئله .. اسأل عن عيوني و كفى اسألني ليه البحر ساكن عيونك ؟؟ ليه السواد اللي في عيونك ؟؟ سألتها جاوبتني للغرق .. للأرق سألتا عن حسنها كنه يقول ماللألم فيني حدود قالت صدق ... رساله إلى حبيبته انـه امـامـي..الـعـاشـق الاصـدق في صـمـتـه الـمـدوي.. يـبـثـنـي شـكـواه انـه يـحـب .. وحـبـه في هـذه الـدنـيـا هــو الأصـــدق انـه امـامـي .. يـالـهـا من نـظـرة حـزيـنـه تـحـجـب الـنـهـار.. تـطـل من عـيـنـيـه يـا لـهـا من وجـنـت في دمـعـتـه يـقـرأ في مـلامـحـها الـضـيـاع كـأنـها بـحـار قـد انـسـي الـعـوم ومن حـولـه تـنـهـد الـمـوج ولايـرى مــرســاه انـه امـامـي سـأت في طـبـاعـه.. الطـباع لا يـقـبل اللـوم .. يـبـكي على ليلاه انـه امـامـي يـالـهـا من قـصـةٍ حـزيـنـه تـطـل من عـيـنـيـه تـطـل من عـيــنـه تـلـك.. سـنـيـنـه الـعـجـاف والــذكــرى وتـلـك الـتي احـبـها.. سـنـيـن تـلـك الـتي رمـت بـه في الـبـحر ومـع غـيـره ركـبـت سـفـيـنـه وتـركـت لـه الـمـجـداف للـذكــرى أحــمـــق يـالـه من احـمـق هـذا الـذي امـامـي الـعـاشـق الاصــداق لـها هـذه الـرسـالـه لـمـن عـلـمـتـه الـصـبـر والـغضـب لـها لـعـلها تـلـقى من الاحـساس مايكـفي لـكــي تـرثـي حــالــه لـهـا لـعـلـها تـعـلـم انـه ان ادبرت او اقـبـلـت هـالك .. هــالــك لامـحــالـــه لمن علمته الصبر كتبت هذه الرساله كتبتها القيتها في ماء هذا الغاضب الازرق في الـــبـــحــر كتبتها كي انقذ الاصدق هذا الذى امامي العاشق الاصدق كتبت في الرساله. تحياتي حبيبته سلامي انه امامي .. لهو من المتاعب مايكفي لكي يعشق فأجرحيه بأن تريحيها .. لهو روحٍ ابت الا على يديك ان تزهق فقتليه بالرحيل .. او تعالي وازهقيها لمن يحب كتبت هذه الرساله فعلت ماعلي كتبتها.. القيتها في ماء هذا الغاصب الازرق في البحر كتبتها كي انقذ الاصدق هذا الذي امامي العاشق الاصدق ياصاحب لا اعرفه في الشاطئ الاخر لربما ستلقي ماكتبت لربما ستقرأ الرساله اقرأ من الاخر .. ان كنت تعرف من يحب خذها لها .. وقل لها ان الذي امامي لا.. لا.. لا ياصاحباً لااعرفه مزق الرساله مزق الرساله واضحك على المأساة اضحك على المأساة عرفت من امامي .. انها المرأه عجب عجاب عجب عجاب .. طيبة قلبها أبيض سحاب أخلاقها مامثلها .. أخلاقها أخلاقها تنتظر عشاقها ومايجون ياهي جريحه طيبه .. لكن جريحه عجب عجاب وسيم أنيق شاب .. كسبه حلال مشروع ماجرب الجوع ناجح مركزه مرموق ورغم هذا الحزن ساكن عيونه ماتت امه .. وحبيبته كانت تــخـــونـــه عجب عجاب كثر الفقر ماله كلاً يبي قربه ورضاه رغباته قوانين وزلاته صواب الناس حوله من شمال ومن يمين يأمر يــطــاع الدول تحسب حسابه والكل يخشاه ويهابه لاكن مريض ياعذابه ممنوع يأكل لو أكل جايز يموت عجب عجاب مرتاح الضمير لاسرق لاظلم لاحسد عنده قليل أصحاب قلبه كبير بيته صغير والمرض عن صحته بعيد عنده ثلاث اطفال أحمد وايمان ويزيد وامهم وكثر السماء يحبهم لاكن فقير مالقاء لصوته مسامع مايملك الا طيبته وملح المدامع ولو مادفع مبلغ حقير ينطرد هو والعيال وامهم في الشوارع عجب عجاب عبقري في الطب ملحد عجب عجاب شاعر عظيم داخله فارغ عجب عجاب أمير كذاب عجب عجاب ملايين البشر تعبد بقر عجب عجاب ماتصلي فرضها وتلبس حجاب ياصاحبي عطني يقينك والظنون ؟..من ودك تكون أمي اسألو دمي ..وسعادتي وهمي اسألو التوفيق..والكدر والضيق اسألو الطيب في صفاتي..والدعاء اللي في صلاتي واسألو شهودي..الدموع اللي في سجودي اسألوهم..واسألو دمي ..عن غلا أمي تدرين وادري تدرين وادري بنفترق وتدرين قلبي بيحترق حنا اتفقنا بكل شي .. الا الزمن عيا الزمن لانتفق ولاتزعل .. لو نفترق قلبك خلي .. وقلبي انا اللي بيحترق ياوردة في كل الفصول .. يافرح عيا ل يطوال قولي واقول ان كان عندك لي حلول يافرحة القلب الحزين .. الوقت يمر ومالك عذر كأنك تبن ننسى العمر ..ننسى السنين.. ونذوب في حب وحنين تدرين وش سر الحكايه؟ الوقت يمر ولكل شي لابد نهايه وحنا قربنا من النهايه ومالك عذر .. يابسمه الثغر الخجول ان كان عندك لي حلول وان كان ودك نتفق والا ترانا بنفترق ولا تزعلي لو نفترق قلبك خلي .. وقلبي انا اللي بيحترق ياحب يادنيا جديدة يااحلى ابيات القصيدة ان كان جرحي ماكفى .. انزف لك جروح جديده وان كان شعري ماوفى .. انسى الحكي وانسى القصيدة يااحلى ايام العمر .. كثر الحكي وش بيفيد مابقى عندي صبر .. والجرح في قلبي يزيد مالك عذر..يابسمة الثغر الخجول ماأظن عندك لي حلول وماأظن ودك نتفق واحنا ترانا بنفترق ولا تزعلي لو نفترق قلبك خلي .. وقلبي انا اللي بيحترق يتبع>>> |
يعطيك العافيه روعة ع المروور العطر
اسعدني تواجدك يالغلا بطلتك القمر لك كل الغلا والود |
ذبوحه اسعدني تواجدك يالغلا
منوره بطلتك يا قمر لك كل الغلا والود |
دحومي منووووووور يالغالي
لك كل الغلا والود والاحترام |
دخون ضيعتى عدلك.. هو فيه مثلك..ياللي الحسن ظلك ليه العطر وانتي انفاسك دخون وليه الكحل وانتي ماغيرك عيون وليه تفكيرك يكون انك تكوني دايم اجمل انتي اجمل من جمالك من دلالك من خيالك ياللي كل افراح قلبي والحزن في المسافة بين فرقاك ووصالك وليه يالقلب الحنون تاخذك فيني الظنون ضيعتي عدلك..هو فيه مثلك..انتي ماغيرك عيون وانا احبك .. وانتي انفاسك دخون ياللي احبك..ليه احبك؟ او ليه ماحبك..وانتي علمتيني ان الحب كله اسئله ما تنتهي ليه ما احبك وانتي علمتيني ان الحب لا غدا لمثلك ابد ماينتهي ياللي علمتك عذابي والهجر..ليه ما احبك ياللي علمتك تكوني..في ضعف ضعفك..اقوى مني يا انتي ضحكاتك تغني..وابتساماتك شعر يانتي ضحكاتك تغني..وكل ما شفتك اصر انك اجمل من جمالك..من خيالك..من دلالك على حبك انا..بقفل ابوابي وبطيوفك انا..باسقي اهدابي يا انتي..يا انتي احبابي تصدقين..تصدقين..صدقي قلبي لكي وحدك..صدقي ماقوى على بعدك دقايق..بس دقايق ياظلي .. يا داري يا اجمل..افكاري..تظلمني لوتقولي اني عاشق..بس عاشق ياللي وحدك تسمعي صمتي وكلامي ياللي ضيك..اتعب همومي وظلامي..صدقي اللي في قلبي لكي اكبر افكار من القصيد والحكي تصدقي انك اجمل في عيوني من جمالك من خيالك من دلالك لا يالقلب الحنون لا تاخذك فيني الظنون ما يقول الشعر مايقول الشعر.. من باله خلي ومن نساه الهم لايطري القصيد ماكتبت الشعر قصدي تزعلي وان فرحتي فيه ما اقصد اكيد حس يشعرني .. وضيقه تنجلي ودار تسكني وانا عنها بعيد واوصف العله لعاشق مبتلي لاكساه الليل يلقابي عضيد لالفوك الغيد عني اسئلي تجري حروفي بهم مجري الوريد من هوى هذاك وفلان وعلي الوكاد انه عن اشعاري بعيد أخطيت أنا ما أدري وش أحساسك وما أدري وش تظني أنا الصادق في عينك كنت وصرت الكاذب الخوان أنا أخطيت ما أنكر ولا في عذر يكفيني سوى أني احبك حيل وأني دائما أنسان انا أدري بمدى جرحك و أدري الحظ جافيني يطول الوقت ما أخطي واذا أخطيت كل شيٍ بان أنا شفت الزهر مايل وظنيته يناديني قطفته يوم ضميته لقيته لللأسف ذبلان عرفت أنك زهر عمري عرفت انك بساتيني وغيرك قيظ ما يروي سراب يشقي العطشان أنا لو ما حصل ما كان وش اللي يدريني بأنك ما سواك انتي سكنتي القلب والوجدان؟ أنا آسف على أعذاري عجزت القى عذر فيني يليق بغلطتي في حقك و يرجع كل شئ كان أحبك كثر أخطائي و أدري أنك تحبيني و أدري لو تفارقنا فلا نقدر على النسيان اذا تقوي على فراقي وبعدي عنك خليني انا ملّيت من دور الكرامه و لعبة الغفران قليل العمر ياللي انتي دموعك ماتساويني حرام انه يضيع فراق هي من قلها الأحزان بهو فندق بهـو فنـدق .. بلد غربـي .. في فصل الصيف .. على ميعـاد أو صـدفـة .. جمـع أجـنـاس مخـتلفه .. ولا فيهـم أحد وافـق .. أحد ثاني على تعريـف للمنطـق .. بهـو فنـدق .. فيـه النـاس مكـتظـّه .. فـخـامـة تكـسـي الجَنبـات .. نـادل يحمـل الطـلبـات .. على أوانـي من فضـه .. هنـا تجـّار يحكـوا أسهـم وسنـدات .. هنـا سمـسـار .. هنـا شـاعـر .. هنـا بنيـّات .. هنـا فلكـي .. هنـا لاعـب كـره بـارع .. هنـا فنـان .. هنـا مـتعهـد السهـرات .. هنـا يحكوا عن الأوضـه .. هنـا يحكوا عن المـوضـه !! .. هنـا يحكـوا عن السـادات .. وبركـنٍ ماهـو للصـفـوة .. بجـنب البـاب .. كرسييـن .. حـوار يدور بين اثنيـن حيـل اصحـاب .. مـلامـحهـم تودي يـم شـرق أوسـط .. وهيئتهـم وحالتهـم .. بسيطـه أو بعد أبسـط شـفّ سـايـح من اليابان .. يداعـب آلة التصوير .. يغـازل آلة التصوير .. سـايـح هذا يـا غلبـان ؟ .. هذا السـايـح البارح .. كانت صورته تحكـي .. في صـدر الصفحـة الأولـى .. يقولوا خـامس أغنـى شخص في العالـم .. وأظـن إنه .. وربـي وحـده العالـم .. جمـع هالمـال والثروة .. من استيـراد أو تصديـر .. نسى الكاميرا على الكرسـي .. لا يـا شيـخ .. مثل هـذول .. ما ينسـوا صدّقنـي نسى الكاميرا على الكرسـي .. لا والله .. رجـع خذهـا ظـنـك وينهـو رايـح ؟ .. أكيـد يـزور لـه متحـف سخيـف .. وهـوايتـه أسخـف .. شـفـه مسـتنـي يـمّ البـاب .. وش ينتظـر ؟ ! ... أظـنـه ينتظـر تكسـي ! .. ركـب تكسـي أقـول عدنان : فاخـر حيـل هـالفنـجـان .. خـذ شـايـك قبـل يبـرد أقـول أحمـد : هـذاك هنـاك .. هـو منهـو؟ أي واحـد ؟ .. هـذاك اللي معه واجـد .. تخطـرف إنت أو عميـان .. هـذاك فـلان .. هـذاك اللي كـلامـه منتـهى الحكمـه .. وجـوده مثل غيـث السـحـب .. هـذاك اللي لأجـله ترخـص أيامـك .. وتقـضـي النـحـب .. هـذاك اللي يهينـك وانت تتلقـى إهـانات بصـدر ٍ رحـب هـذاك اللي شـعـورك نحـوه مبيّـن .. مـزيـج من الـولا والحـب .. هـذاك اللي اذا لا قـدّر الله راح .. يغطـي حـزنـك الدنيـا !!............. وتهـمـس .. راح ابـن الـ كـذا يـا أحمـد .. ؟ - شـايفنـي أنـا منـافـق .. انـا مسـمـع ولا أوافـق تظـن إني بقـلـب أسـود .. كـذا يـا أحمـد ؟ .. لا تزعـل أنـا آسـف .. أنـا آسـف .. تـرى الدعـوه سـوالـف .. شـف هـذا خفيـف دم .. ويعطـونـه ! يعطـونـه .. يعطـونـه .. ويـرجـع باكـر لهذا .. يقـطـّع ذاك .. ويشـرشـح أصـله وفصـله .. بخـفّـة دم ويعطـونـه ؟ .. يعطـونـه .. ويرجـع الأخيـر .. ضـاحـك على هـذا وعلى هـذا ! أقـول أحمـد : ظنـك هـو رصيـده كـم .. دقيـقـة صـمـت .. فرضهـا جيّـة النـادل .. يشـيـل الشـاي .. ويقـول إن العصـير اللي يبـونـه لحظتيـن وجـاي .. شـفّ الشـاعـر .. هـذيك الحـلـوه تضـحـك لـه ..؟أي واحـد .. شـفـه واقـف .. يوقـع دفـتر لطـفـلـه .. تخيّـل يـاخي يقـولـوا .. بإنه يشتـري شـعـره من الشـاعـر !.. اللي الشـاعـر المشهـور يكـتب لـه .. يـا حـظـه .. وسيـم ومشهـور .. يـاليتنـي أكـون مثلـه .. قـوم نتصـور معـه ! نقـوم نتصـور معـه ؟ مـابـاقـي سـوى هـذي .. نكبّـر راس هـالمـغـرور .. خـفيـف انـت .. وغبـي أحمـد .. ودايـم فيـك هـالعـلـّه .. أقـول عدنـان .. ترى صايـر طـويـل لسـان .. أحمـد يـاخـي لا تـزعـل .. ترانـا اخـوان .. تعـوّذ بـس مـن الشيـطـان .. وانـا آسـف .. وتـرى الـدعـوه سـوالـف .. فخـمـه حيـل هـالكـيـسـان .. اشـرب .. لا تـزوّدهـا .. ترى يبـيـن عليـك تعبـان .. شـف مـو هـذي صـاحبتـك ؟ .. هـلا والله .. إلا والله صـاحبتـي .. تـدري ..؟ تـمـوت هـي فينـي .. يـا رجـال .. خـلـّينـي .. خـادعـتـك .. تراهـا والله خـادعـتـك .. أقـول أحمـد : عشـان انسـرقـت فـلـوسـك .. مـن زبـيـدة .. صـرت تشـوف كـل وحـده .. هـي زبـيـدة .. يـا عدنـان .. خـادعـتـك .. أنـا قصـدي لمـصـلحتـك .. شـفهـا تكـلم الـرجـال .. أي رجـال ! .. أخـوهـا ذاك .. يـا عـدنـان .. خـادعـتـك .. أقـولك مـاتبـي غيـري .. يـا عـدنـان .. طـع شـوري .. مشـاعـرهـا .. وهـم .. كـذبـه .. أحمـد .. احتـرم نـفسـك .. أفـا عـدنـان .. تـمـد يـدك علي .. وهـذي السبّـه .. صـفـعـه دوّت بـركـنٍ .. قـريـبٍ مـن هـل الـصـفـوه .. عـراك في بهـو فـنـدق .. جـمـع أجـنـاس مخـتلفـه .. مـافيهـم أحـد وافـق أحـد ثـاني .. عـلى تعريـف للمنطـق خـارج صـالـة الـفنـدق .. شـرطيّيـن .. يقـودوا بالحديـد اثنيـن مـلامحهـم تـودي .. يـم شـرق أوسـط .. وهـيئتهـم .. بسيطـه أو بعـد أبسـط .. كـانـوا أصحـاب .. في داخـل بهـو فنـدق .. بـلـد غربـي .. فـي فصـل الـصيـف تجاعيد تجاعيد في وجه الزمن صاروا تجاعبد رماهم حزنهم اوراق خريف وعاث بالعاشق عطاهم الأمل لحظات ورسم أوقات الآلام وللذكرى مواعيد وتجاعيد في وجه الزمن صاروا تجاعيد جروح تؤلم الإيلام عذاب يضج باستفهام متى قد كانت الدنيا مع العاشق؟ متى قد كانت أعظم خاتمة للحب ماهي افراق هذا طبها الأيام كذوبة كانت الأحلام بالتأكيد تفاؤل زاد في الإغراق وصدق بهجته عشاق خذلهم..بدل ضحكهم تنهيد وتجاعيد في وجه الزمن صاروا تجاعيد الصبر الصبر...مالي انا الا الصبر الغدر...وشلون جاء منها الغدر ياقلب ابي منك العذر انا ما هقيت ان الفجر يقدر يخون وقت الفجر وان السنين تقدر تمر ابلا عمر لا ماهقيت ان الوفاء في قلبها ماله قدر واني انا محتاج مني الصبر ياقلب ابي منك العذر..وان مارضيت مالي جدى كود الصبر ياجرحي في كل الدهر فارقت انا الدنيا ياطعنة وسط الظهر لابد انا انساك بنسى ان كل اللي راح..بنسى الفرح لجل الجراح بنسى قصيدي والشعر..بنسى سنيني والعمر مع الهجر يمكن في يوم اسلى وان ماسليت او ما نسيت منك العذر..مالي جدوى كود الصبر ياللي خذلتي مدمعي..ان كان ودك ترجعي عندي طلب..لاترجعي ياللي خذلتي مدمعي ..وتنسي السعادة والفرح وتتعذبي وبعد العذاب تتعذري قالوا ترى قالوا ترى مالك امل في قربها لو يوم ابعد وجنب دربها ..هذا هو المقسوم قلت اتركوني واسكتوا..خلو العتب واللوم قدني غرقت في بحرها..ولاعاد يفيد العوم قالوا ترى في حبها ويل ..واسى..واهموم قلت ان قتلني حبها ..حسبي تقول مرحوم قالوا انسى ذكرها..منتب بها ملزوم قلت ابشروا ياعذلين..بنسى لذيذ النوم قالوا بتلقى غيرها..واترك هواها اليوم قلت العفو ياحسدين ..ما ابدل القمر بنجوم قالوا لغيرك حبها..قلت الجواب مفهوم دام انها متهنيه..وشلون اصير محروم بقضي الليالي انتظر..صابر على المقسوم متعلق بطرف الأمل .. يمكن يجيني نوم قالوا ترى مالك امل ..في حبها لو يوم ابعد وجنب دربها..وهذا هو المقسوم مردخاي سمعتوا قصة مرخاي من زمان قالوا لأخوكم مردخاي "مردخاي هذا زمانك جاي" شفت هالخوان قاتلهم..خذ أرضهم..اهدم منازل بعضهم..وشردهم غير معالم ارضهم..واطمس ملامحهم ..فرقهم وتصير سيدهم وامسك بتلمودك ودينك..وبعثر مبادئهم وبعد ماتزرع بذور الحقد فيما بينهم..وتحصد مشاعرهم قد ماتقدر حيد اكبرهم..رد له كامل حقوقه واعزف على اوتار فرقتهم واضرب أغناهم بافقرهم حاربهم بهم..واشعل معاركهم وبعد مايستنزفوا قوة بعض خذ مابقى منهم ..وفاوضهم فاوضهم على الفتات واذا عطوك حق الفتات..رجع لهم ربعه وســــــالمـــهم هذي قصة مردخاي سيد الزمان الجاي عــــاجبــــكـم رحل رحـل أشـتـاق لـجـراحـه رحــل أشــتـاق لـجـراحـي... رحــل يـحـق لـه طـيـبـتـي مـاتـحـتـمـل قـلـيـلـه في وقـت الـهـمـوم مـاكنت اعـتـب او الـوم يـحـق لـه مـايـحـتـمـل .. هـذا الـمـلـل اسـدلت أيـام لـعـنـاده حـبـيـتـه في قـربـه .. وبـعـاده مـتـعـبـه هـذي الـسـعـاده رحـل أشـتـاق لـجـراحـه رحــــل تحضنه تحضنه لجل تضحك للي وراه وماهمها لو شافها .. غايته اسمى كثير من العتاب ومن الغضب تحضنه وفي بالها .. ذاك الى اعطاها الرقم في ليلهٍ كان النهار.. فيها بقايا سكرته وللأسف انه نسي يكتب لها كم غرفته تحضنه وفي يدها ساعه ذهب كان اشترها لها البارحه لجل تعرف كم مساحه غرفته أنا شاعر رغم أنف الحسد والحقد والأحباب وأنا ياحسدي المسكين بعيد العيب عن ذاتي أنا مازادني شعري ولا زادتني الألقاب تجي دنياي أو تدبر عزيز في كل حالاتي أنا فرحي لمن حولي وأيامي فدى الأصحاب قصيدي بلسم المجروح ونبض الناس أبيات |
قصيدة عبدالرحمن بن مساعد في اعدام صدام حسين يا مَن مَلَكتَ ثرى العراقِ بِلا شريكْ أنا لا أُحبـُّـكَ قَدْر كُرهي قاتليكْ قد ألصَقُوا بِك وَصفَ سفّـاك الدِّما واليومَ سفكُ دماءِ قومِك يرتجيك من بدّل الأحوالَ يا حامي الحمى هل أَسْقَطَ التمثالَ صفوةُ تابعيك هي هكذا الدنيا تبدِّلُ جلدَها كعدوِّك الغازي وكلِّ منافقيك يا صاحب السلطانِ كيف أضعتَهُ؟ وعلامَ أَصْبَحْتَ الـمُطَارَدَ والدَّريك من ذا نصِّدقُ عقلَنا أم قلبَنا من ذا نصدّق كرهَنا أم كارهيك هل أوقعوكَ و أوثقوكَ بحفرةٍ ؟ هل لم تجد أحداً هناك ليفتديك ؟ قد أظهروكَ مهَلْهَلاً و مشتـَّتاً كي لا يدورَ بِخُلدنا أن نقتفيك قد أعدموك بيومِ نحرٍ عنوةً كي يَخنُقَ التفكِيرُ بَعْضَ مُماثليك ويحَ العراقِ مُلازماً حجَّاجَهُ مُذْ بدءِ نَشْأتهِ إلى أن يلتقيك هُوَ للطغاةِ على مدى تاريخِهِ شرطُ الغزاةِ طُغاتُهُ : سَلْ سَابِقِيك لَهَفَي عَليه تَقطّعَت أَوصَاُلهُ والحقدُ مَزّقهُ بِرغبَةِ خَالعيك جاءَ الغُزاةُ مُعَنْوِنِينَ قُدومَهم بإزالةِ الخطرِ المؤكَّدِ و الوَشِيك فدمارُ هذا الكونِ حُزتَ سِلاحهُ وجَميعُ شَرِّ الأرضِ قد وَجَدُوهُ فِيك أخفيت أسْلحةَ الدمارِ لِتَعْتَدي ولتبتديِ بالأقربين مُجاوريك لَهَفَي على هذا الدَّمارِ و وهمِهِ الآن بِتنَا نَرتَضِيه و نَرتَضِيك لَهَفَي على الشَّرِ الذي بِكَ كُلُّهُ الخيرُ شرُّك إذْ يُقاسُ بِشَانِقِيك جاءَ الغُزَاةُ ليَصْنَعُوا أُنموذجاً للعدلِ و الأخلاق ِ: كُلْ مِمَّا يَلِيك ! يا مَن جَلَبت لأمّةِ العُرْب الأسى يا مَن أَتيتَ بِمُسقِطِيكَ و مُهْلِكِيك هُم قَد رأَو فينا رؤوساً أينعَتْ حَان القِطَافُ لَها : تـَرقّب لاحِقِيك ! |
(البحر)
على مدى الأيام .. كان البحر بالنسبه لي هو البحر رمل .. امواج..صخر كان البحر بالنسبه لي بس البحر وعلى مدى الايام ماقد لمس فيني المشاعر الا ذاك اليوم.. يوم انك معي يومها كان الوداع وكان البحر دفتر والموج بيت من شعر وبيتٍ ورا بيت وموجه ورا موجه تكتب قصيده حبنا وتمحي الجراح بجراح ومثل الفرح في دنيتي كان الفجر عمره قصير .. وبكل حب اهدى نسيمه وراح وتشرق الشمس ..لجل الخلايق كلها تقرا قصيده حبنا ويومها ماكان للشمس اي نور وبعض السبب كان الوداع وباقي السبب انتي خذيتي .. من سماها النور ولجل الصدق .. يومها كنت انتي الشمس وكان البحر عينك .. ودموعك امواج الشعر وخدك الدفتر آه يالقى ماخذت من طبع البحر ..ماللبحر آخر آه يالفراق .. ماخذت من ذوق الفجر يمرنا عابر وآه يالعيون الى انا منها عرفت ان البحر دفتر وان القصيد امواج وان الغرام شاعر0 عبدالرحمن بن مساعـد |
(عيونك آخر أمالي)
عيونك آخر آمالي وليلي اطول من اليم كيف ألقى كلامٍ عذب يوصف دافي احساسي عشقتك قبل ما اشوفك وشفتك صرت كلي حلم ابي رمشك يغطيني وابيك اقرب من انفاسي يهمك تعرفي انك قتلتي في سنيني الهم قتلني ضحكك وجدك قتلني لينك القاسي رميت اقداري في دربك وصرتي في عروقي الدم احبك كثر ماسالت دموع وما نسى ناسي يجول الحزن في ضلوعي بردت وذاب فيني العظم و يا كثر الحطب حولي وعندك انكسر فاسي سألتك بالذي زانك تحبي فيني حتى الظلم تحبي عيوبي وغدري تحبي المر في كاسي انا من كثر ما احبك ابيك كثر رمل اليم وابيك فوق الناس وابي ماينحني راسي عبدالرحمن بن مساعد |
(تعاريف)
الشوارع مستقبل الماضي المضارع الكراسي مصدر افراح ومآسي لا هي تبارك لجالسها الجديد ولا هي لأهل تاركها تواسي. الكراسي عامدة تهزأ بنا وهي جامدة الصرير اللي من قوائمها يقول: ما في احد منكم أساسي المواطن شخص تخفاه البواطن شخص ما هو لمصلحة مستقبله فاطن المواطن في جميع الأزمنة و الأماكن دومه ماكل و شارب وساكن ما يبي غير الذي يقدر يفكر له يبين له يقرر له وش الفاتح من الألوان و وش الداكن المواطن كفء عاقل محترم لكنه شخص جاهل بالبواطن. الذكاء انك تلاقي مكانك بين اكوام الغباء. الجود العطا بحدود او بمعنى آخر انك تعطي اكثر من الموجود. الحياة الممر الكهل بين الولادة والممات او بمعنى آخر نقول المسافة بين جبهة متجه صوب السجود وبين سجادة صلاة . السياسة السياسة فن والدنيا ومسارح ولأجل تحقيق المصالح تقدر انك تكرهه في داخلك وتلعن الطيب في ساسه .. لكن ان شفته عليك تقوم له وتحضنه وتبوس راسه. الاقتصاد ناس تزرع من فجر ربي لين الشمس تغرب وناس تصحا في العشا تتولى تقسيم الحصاد . السجون هي مكان العزل من يخرج على القانون وإن غدا القانون جائر تصبح القضبان دنيا وتعزل الخارج عن المسجون. النفاق رغم اختلافك تبقى آرائك وآراء الذي تخشاه دايم في (اتفاق) أو نقول هو انتماءك كل فترة لانتماء أو نقول هو ارتماء أو بمعنى آخر هرولة صوب اليهود، وبكا على أطفال العراق . السراب وهم .. ما هو ماء لكن يعطي للضامي أمل واحساس مفعم بالأمل والسراب ينادي يا ضامي تعال ما تبقى الا خطوتين وتنعم برشف الشراب أو بمعنى آخر نقول السراب الوعود اللي قطعها المرشِّح للمرشَّح في انتخاب. الطواغيت ناس تتعلق صورها فكل قرنة وفكل بيت ناس تلقى في دولها العيون ما هي عيون والعقل مثل الجنون وأصغر الذنب أكبره والحديث ذو سجون والعفو عند (المقبرة) البخل تقتير مع وفرة دخل أو بمعنى آخر ووصف وجيز عكسه المطلق فعل سلطان بن عبد العزيز الحداثة الرضوض الناتجة عن ارتطام الشهب باسراب البعوض ما هي طلاسم او غموض او بمعنى آخر نقول الحداثة : واحد زائد واحد يساوي ثلاثة العبث تمنع دخول كتاب أو تخفي حدث أو اعتقادك أن لك تأثير وإن هالعالم برأيك أكترث أو بمعنى آخر نقول العبث حاكم يرسل كل صبح لمعركة وفي المسا من زود تقديره لهم يحرص على رجوع الجثث الصفر الصفر كشف جليل من اكتشافات العرب يظل برهان ودليل على الشروق اللي غرب نقدر نقول إن الصفر انجاز تعدى وقته في وقت غابر أوجدوه ومن يومها وهم تحته الفقر الفقر هو غنى فاحش هناك ومستقر الفقر مطلب ضروري لأجل تتسوق شعارات القناعة والصبر لأجل يطلب صاحبه انصاف ما بعد القبر =.=.=.=.=.=.=.=.=.=.=.=.=.=.= الاقتصاد ناس تزرع من فجر ربي إلين الشمس تغرب وناس تصحى في العشا تتولى تقسيم الحصاد بغداد حضارة شاهقة وأمجاد أقدار صلفة وشعب يفاخر بنزفه وتحتاج الحكاية لص يصير الأقوى بالصدفة ويكون القاضي والجلاد وبحسن إعداد وقدرة فائقة في البطش والتنظيم وبداعي خوفه الأطماع والتقسيم والأنواء يقسّم شعبه لأجزاء جزء يعيش في المنفى وجزء في عيشته منفى ومواطنين معززين مكرمين مقرنين في الأصفاد بغداد خبر لو أنها أنداد مدينة .. بائها بوابة التاريخ ودالها دنيا من الأمجاد سنين صلفة وشعب يفاخر بنزفه وتحتاج الحكاية لص يصير الأقوى بالصدفة ويوطد حكمة الأوغاد السجون هي مكان لعزل من يخرج على القانون وان غدا القانون جائر تصبح القضبان دنيا تعزل الخارج عن المسجون النفاق رغم اختلافك تبقى آرائك وآراء الذي تخشاه دايم في اتفاق أو نقول : هو انتمائك كل فتره لانتماء أو نقول : هو ارتماء أو بمعنى آخر نقول : النفاق هروله صوب اليهود وبكى على أطفال العراق السراب وهم ما هو ماء لكن يعطي للظامي أمل وإحساس مفعم بالرجاء والسراب ينادي : يا ظامي تعال ما بقى الا خطوتين وتنعم برشف الشراب أو بمعنى آخر نقول : السراب الوعود اللي قطعها المرشح للمرشح في انتخاب الجزيرة الجزيرة من قديم الوقت تُعرف : بالمكان اللي يحيطه ماء من كل الجهات وفي جديد الوقت دولة ما عجبها وضعها وسط الخريطة قالت اتعدى حدودي .. و اثبت لغيري وجودي .. في الحياة .. و هكذا نقدر نقول ان الجزيرة : دولة مغمورة صغيرة .. كبرت وصارت قنااة التطبيع التطبيع .. ربط المصالح للجميع .. يبغى عدوك يشتري .. ليه ماتبيع ؟! ليه مايكون الراعي هو ؟! ليه ماتصير انت القطيع ! وش يمنع ان الذئب يصبح حارس الحمل الوديع ؟! الإرهاب تدبير إجرامي .. قتل مدنيين .. ترويع أبريا .. تطبيق شرع الغاب هدم البيوت العامرة .. سفك الدماء الطاهرة .. قتل الكهل والشاب وان قلنا اسرائيل تفعل كذا دوما ً !! تقول أمريكا : مايعتبر إرهاب ! كي يعتبر إرهاب .. في شرط إلزامي .. يكون إسلامي .. ومدعوم من أعراب مؤسسة خيرية مشروع يعُنى .. بتخفيف الألم والمرض .. والكمد .. يعنى بتعمير المساجد .. والمساكن .. والمدارس .. والمشافي .. داخل وخارج البلد .. يُعنى بفك الدين .. تفريج الكرب .. رفع المشقة والكبد .. يُعنى بتقريب المسافة للرغد .. مؤسسة خيرية .. فرقها عن غيرها .. كونها سرية .. تعطي ولا يعلم أحد مؤسسة خيرية عبدالعزيز بن فهد |
ســآبـدأ أول وسـآفتتح قهــوتنـــآ لهذا الاسبوع .
بالحديث عن شــآإآعــر كبير . أقف له وقفة احتـــرآإآم وتقدير . فهو بجد نموذج يحتذى في الشعـــر . آنــــــــــه الشـــآإآعـــــــــر .. http://www.alnayfat.net/vb/imgcache/2/2386alsh3er.jpg الرسام والشاعر الامير بدر بن عبدالمحسن بن عبدالعزيز ,, مدرسة شعرية ظخمه ذات أسلوب خاص ,, تخرج منها رواد من الشعراء . http://www.elbader.net/gallery/big/2000_16.jpg البدر شاعر لا ينافس إلا نفسه ,, شاعر يكتب الشعر ليس فقط للقراءة إنما أيضا للتأمل ... من منا لم يرتوي من أشعار مهندس الكلمة البدر ...!؟؟ شاعر تحدث في قصائدة عن الحياة والزمن والأمل والحب ,, عند تأملك لأشعار البدر تجد انها اقتبست من حياتك تجد نفسك فيها تذهب بك إلى عالم آخر لم تعيش فيه من قبل ,, أيــن ولد البدر ...؟؟!! ولد شاعرنا صاحب السمو الملكي الأمير بدر بن عبدالمحسن بن عبدالعزيز ال سعود بمدينة الرياض بحي الفوطة في الثاني من ابريل عام 1949 م , وهو الابن الثاني من الأخوة بعد سمو الأمير سعود بن عبدالمحسن ... والد البدر .. عبدالمحسن بن عبدالعزيز. ( كان ولد البدر , عبدالمحسن بن عبدالعزيز حريص كل الحرص على نشأت أولاده وتعليمهم كان محب للعلم والأدب وكما انه شاعر مبدع , وكان مجلسة يظم وملئ بالعلماء والأدباء و كبار المفكرين في ذالك الوقت ,, وأثر ذالك على البدر بعد الله في حبه للشعر والأدب .... تولى والد البدر أمارة المدينة المنورة في ربيع الثاني عام 1385ه , وكان له الأثر واضح في التوسع والتقدم العمراني , ومعروف بلين الجانب لأهل المدينة على لقاءهم ومجالستهم ,, وطوال مدته كان حريصا على متابعة الأمور في موقعها ..... وفي عام 1402ه داهمه المرض وأشتد عليه ونقل إلى مستشفى الملك خالد ب الرياض , حيث صارع المرض لمدة سنتين ووافاه الأجل عام 1405ه - رحمة الله – وقد أرثا فيه البدر بقصيده غزوك يا شيخ انكف ,, ووالدة البدر هي : الأميرة وضحى الحمود الرشيد – رحمها الله - ) درس البدر المرحلة الابتدائية بين الممكلة ومصر , والمتوسطة في مصر بمدرسة الملكة فيكتوريا بالإسكندرية ,, ومرحلته الثانوية في الممكلة وكما درس أيضا في لندن وأمريكا واستفاد من وجوده في بعض الدول من مقابلة بعض اكبر المفكرين والأدباء , وفي مطلع السبعينات أصبح أبو خالد رئيس للجمعية السعودية للثقافة الفنون . http://www.messengerw.net/vb/uploadf...er_picture.jpg نبذة عن حياة البدر بلسان البدر : فوضى من ذكريات الطفولة ... ليست بداية لسيرة ولا نواح على ماضي ، وإنما هي رغبة دفينة في أن أبوح برجعيتي .. وبأنني إنسان قديم . (الفوطة ) .. أبنية طينية .. مشبع طينها من الخارج بالتبن .. وداخلها مطلي (بالجص) الأبيض .. أتذكرها جيدا إننا كنا نقضم هذا الكلاء بأسناننا ونحن أطفال . ولدت هناك .. في الفوطة... وفي الدور العلوي تقول أمي رحمها الله ... أن العديد من الأمهات فارقن الحياة أثناء الوضع في السنة التي ولدت فيها ... وأنها كانت قلقة .. لكن ولادتي كانت يسيرة وعيت على أشياء كنت اعتقد انني وعيت عليها .. ولكن التواريخ تثبت استحالة ذلك . اعتقدت أنني أذكر جيدا الملك عبدالعزيز وقد توفي رحمه الله وعمري أربع سنوات .. ولكن يبدو أنني كنت اتخيل هذا الرجل الكبير بسبب وجوده بيننا بعد وفاته . ووعيت على نفسي .. وأنا طفل يتعثر في كلامه .. وعلى ملامحه شيء من البلادة والخجل . كان أبو سعد يشتري ما يلزم البيت من مواد غذائية .. وصويلحة تطهو طعامنا ، وبجانب القرب الضخمة التي يوضع فيها الماء ليبرد ، كانت سلامة تغسل شعري بالسدر وتدهن وجهي بالفازلين لتخفف من الشقوق الصغيرة التي يتركها البرد والجفاف على جلدي . ومازلت أتحسس أثر كي عتيق في عنقي من الخلف ، لا أذكر حادثة الكي ولا سببها ، كان عمري سنة أو أقل .. ويبدو أنني كنت مريضا ليضعو ذلك المعدن الملتهب على لحمي . في ربيع معشب ها جمتنا آلاف الأسراب من الحشرات ، لم يكن الأمر عاديا .. بل كان سريعا ، وما زلت اتخيل الساحة الواسعة داخل منزلنا وقد تحولت إلى بساط أسود من الحشرات . كانوا يحشون فتحات الأبواب السفلية بالخيش كي لا تلج أمواج الحشرات داخل الغرف .. كنا في سلام مع الظلام والشمس الحارقة والجن والغبار وكنا قد بدأنا نكتشف البنسلين كمضاد حيوي وحيد يشفى كل شيء وكنا نموت من أمراض تعد على الأصابع كانت القصائد قد أخذت تغفل الغزل والجمل وتتحدث عن العربة وستائرها المخملية التي خلفها النواعس السود وكانت كل قصيدة تعرف في من قيلت دون أن يغصب أحد وكم تمنيت أن أكبر وأحب وأكتب قصيدة جميلة في الحبيبة . كبرت وكتبت قصائد كثيرة ومازلت اصر أن قصائدي لم تكتب لأحد ! كنت أسمع الكبار يناقشون أشياء كثيرة ، ويتطرقون للسياسة ، ولا يخفون حماسهم لكل حركة تحررية تحدث في العالم العربي وفرحهم بها . كنا نحس أن كل من قال : أنا عربي ، هو منا ، إلى أن صدمنا أن هناك عرب .. وعرب ! مازلت اتذكر حماسي منقطع النظير عندما حدث العدوان الثلاثي على مصر بعد تأميم قناة السويس ، وكيف كنت أسمع الأخبار والأناشيد الحماسية من المذياع الذي في غرفة صالح العنبر .. ثم أذهب لأقص كل ما سمعته على العجائز أو أمهاتي اللواتي يرافقن والدتي رحمها الله وهن يجلسن في ظلال البيت في الصباح ، وكان ولدي عادة غير جيدة حين ينشغلن عن حديثي في أمر آخر ، وهي إنني اضع إصبعي على ذقن من تواليني منهن وأجذب وجهها ناحيتي كي أكمل موضوعي الذي لا ينتهي ، هذه مرحلة ما بعد البلادة والتعثر في الكلام . وأنا في الفوطه وعيت على كوني (ابن سعود ) ولاحظت أن الأطفال في الشارع لم يضعوا ذلك في حسبانهم كان أسلوبهم الفظ يشملني ونحن نلعب ربما تكون أول مره اعرف فيها معنى أن تكون ( ابن سعود).. ذهبت في العيد للسلام على الشيوخ وأعطيت جنيهين من الذهب وضعتهما في جيب ثوبي العلوي ... وحين خرجت استقبلني مرافقنا ( ناصر) وقال ( الحذيه ) وهي تعني انه يطلب مني أن أعطيه الجنيهين ، أو أحدهما على الأقل واشرت إلى جيبي العلوي فاخذ ( ناصر ) عيديتي ... وقد أدركت بعد تلك الحادثة أن من حقي أن احصل على أشياء مادية اكثر بكثير من أي طفل عادي ... ولكن لم يكن لي الحق في أن احتفظ بها ... الشيخة ( بكسر الشين ) سيف ومنسف ... لا ادري إن كان هذا متل عند أهل نجد أو شرط ... ولكن الأكيد آن المشهورين من الرجال في الجزيرة العربية كانوا إما كرماء أو شجعان ... كان من حقي وأنا طفل أن أتخيل أنني الإمام تركي بن عبدالله ... أو عبيد العلي الرشيد ... وحين أضع رأسي على الوسادة احمل سيفي ( الأجرب ) وافتح المدن ... واحرر القرى ... أو أن امتطي صهوة ( كروش ) واخوض المعارك وأنا أشدو بأجمل ( حداء ) في الدنيا ... كان بالإمكان أن يستمر ذلك الحلم لولا تدخل ... هتلر ... ومونت جمري ... وماك أرثر ... ومعرفتي المفاجئة ( بالايس كريم ) واكسفورد ستريت ... رومانسيتي بدأت بعد أن تخطيت الثانية عشرة من عمري ... أما قبلها فلم يكن لي أي علاقة بالرومانسية ... كنت طفلا قاسيا ودمويا في بعض الأحيان اذكر إننا كنا نربي ( الحمام ) أو بالأصح أخواتي يربون الحمام وأنا أحاول أن اشوي بعضها حيا .. وفي العاشرة من عمري امتلكت بندقية وكان هذا أمر مؤسف لكل أنواع الطيور و الحيوانات إنما بعد الثانية عشرة تغيرت الأشياء وتحولت إلى فتى حالم وعاشق يمتلك شفافية كبيرة ... يخيل لي أنني ولدت في مرحلة انتقالية وتغيرت الدنيا بعد ولادتي بسرعة رهيبة ( ليس لولادتي بالطبع دخل في هذا ) وان كنت ولدت في بيت من الطين ففي التاسعة من عمري كنت ادرس في مدينة الإسكندرية في مصر .. وفي الثامنة عشرة من عمري كنت في فرانسيسكو في أمريكا .. http://65.17.227.80/elaphweb/Resourc...c957264c41.jpg احد هوايات البدر منذ نعومة اضافرة الرسم وقال عن نفسه أنا أرسم قبل أن أكون شاعرا و أرسم منذ الصغر , ورسمي يشبه قصائدي و الظاهر أني لا أجيد غير الشعر ولو ما كتبت الشعر لأصبحت رساما ... ومن هواياته بعد القنص وصيد الحباري ,, وسناويا يقوم البدر برحلة صيد في احد مناطق المملكة ...... يتبـــع ...>>> |
http://www.rooyl.com/files/sho-9.jpg
أهم أعمال البدر – وأول أمسياته .}ْ~ من أهم أعمال مهندس الكلمة الأمير بدر بن عبدالمحسن أوبريت فارس التوحيد لمهرجان الجنادرية 14 السنوي حيث حصل الاوبريت على جائزة مهرجان القاهرة للإذاعة والتلفزيون ,, وابريت الجنادرية أل 7 عام 1412ه بأسم وقفة حق ,, وايضا أبريت ذهب الملوك بمناسبة مرور عشرين عام على تولي الملك فهد حفظة الله مقاليد الحكم ,, ويتكون الاوبريت من ثلاث لوح ... ومطلعها : جيت .. من حر وبراد.. جيت من جوع وظمى .. جيت من فتح وجهاد .. جيت من ازكى دمى .. وعاظني رب العباد .. عاظني خير ونما .. واجتمع سيف وحصا .. انما كيف اقول انك بلاد .. وانت يا ارضي سما .. عشرين عام للفهد .. عشرين مجد للوطن .. كف بنت هذي البلد .. وكف ابعدت عنها المحن .. عشرين عام كلها .. إصرار وأعمار وعمل .. المملكة في ظلها .. يضرب بها أجمل مثل .. كانت أول أمسيات مهندس الكلمة التي قام بها في مدينة جدة بنادي الاتحاد , وبعد ذلك تتابعت الأمسيات لسموه في البحرين عام 1988م – ودولة الكويت عام 1987م امسية نادي الفتاة وكانت عريفة الأمسية منى طالب , وامسية ما بعد التحرير عام 1992م وألقى بها العديد من القصائد الوطنية والعاطفية .... شملت مدرسة البدر العديد من الجوانب الشعرية من اوبريتات وقصائد وطنية ومرثيات .. طبعا ومغناه بعد . http://www.mbrfoundation.ae/Press%20...bdulmehsin.jpg ومن أهم وطنيات البدر : قصيدة الله أحد .. ومن اهم مرثيات البدر : قصيدة صار الحكي كنه سكوت في الملك خالد طيب الله ثراه .. وقصيدة مشعل الدين في سماحة الشيخ عبدالعزيز بن باز – رحمة الله ما ينقش العصفور في تمرة العذق ... هذا هو الديوان الأول لسمو الأمير بدر و الطبعة الأولى صدرت في عام 1409 ه الموافق 1989 م ، و يحتوي على 159 صفحة من الورق الفاخر ، ولقد كتب مقدمته الدكتور فهد العرابي الحارثي ، و يحتوي على مجموعة من القصائد النبطية و العامودية و الحرة، كما انه يحتوي على العديد من اللوحات التي رسمها البدر .. رسالة من بدوي ... هذا الديوان الثاني لسمو الأمير بدر و الطبعة الأولى صدرت في عام 1410 ه الموافق 1990 م ، ويحتوي على 101 صفحة من القصائد النبطية فقط ، و قد اهداه سموالأمير بدر الى والده الأمير عبد المحسن بن عبد العزيز- رحمه الله - و كتبت قصائد هذا الديوان بين عامي 1388 و 1410 ه و تصميم الغلاف و خلفية القصائد بريشة الأمير بدر بن عبد المحسن .. لوحة ربما قصيدة ... هذا الديوان الثالث لسمو الأمير بدر بن عبد المحسن وهو ديوان يحتوي على العديد من القصائد الجميلة و التي كتبت بخط يده وزينتها لوحات رسمها البدر بريشته، يحتوي على 72 صفحة من النوع الفاخر ما بين قصيدة و لوحة، طبع في عام 1416 ه و خصص ريعه لصالح الأعمال الخيرية .. يتبع .}ْ~ http://www.rooyl.com/files/sho-9.jpg أهم أعمال البدر – وأول أمسياته .}ْ~ من أهم أعمال مهندس الكلمة الأمير بدر بن عبدالمحسن أوبريت فارس التوحيد لمهرجان الجنادرية 14 السنوي حيث حصل الاوبريت على جائزة مهرجان القاهرة للإذاعة والتلفزيون ,, وابريت الجنادرية أل 7 عام 1412ه بأسم وقفة حق ,, وايضا أبريت ذهب الملوك بمناسبة مرور عشرين عام على تولي الملك فهد حفظة الله مقاليد الحكم ,, ويتكون الاوبريت من ثلاث لوح ... ومطلعها : جيت .. من حر وبراد.. جيت من جوع وظمى .. جيت من فتح وجهاد .. جيت من ازكى دمى .. وعاظني رب العباد .. عاظني خير ونما .. واجتمع سيف وحصا .. انما كيف اقول انك بلاد .. وانت يا ارضي سما .. عشرين عام للفهد .. عشرين مجد للوطن .. كف بنت هذي البلد .. وكف ابعدت عنها المحن .. عشرين عام كلها .. إصرار وأعمار وعمل .. المملكة في ظلها .. يضرب بها أجمل مثل .. كانت أول أمسيات مهندس الكلمة التي قام بها في مدينة جدة بنادي الاتحاد , وبعد ذلك تتابعت الأمسيات لسموه في البحرين عام 1988م – ودولة الكويت عام 1987م امسية نادي الفتاة وكانت عريفة الأمسية منى طالب , وامسية ما بعد التحرير عام 1992م وألقى بها العديد من القصائد الوطنية والعاطفية .... شملت مدرسة البدر العديد من الجوانب الشعرية من اوبريتات وقصائد وطنية ومرثيات .. طبعا ومغناه بعد . http://www.mbrfoundation.ae/Press%20...bdulmehsin.jpg ومن أهم وطنيات البدر : قصيدة الله أحد .. ومن اهم مرثيات البدر : قصيدة صار الحكي كنه سكوت في الملك خالد طيب الله ثراه .. وقصيدة مشعل الدين في سماحة الشيخ عبدالعزيز بن باز – رحمة الله ما ينقش العصفور في تمرة العذق ... هذا هو الديوان الأول لسمو الأمير بدر و الطبعة الأولى صدرت في عام 1409 ه الموافق 1989 م ، و يحتوي على 159 صفحة من الورق الفاخر ، ولقد كتب مقدمته الدكتور فهد العرابي الحارثي ، و يحتوي على مجموعة من القصائد النبطية و العامودية و الحرة، كما انه يحتوي على العديد من اللوحات التي رسمها البدر .. رسالة من بدوي ... هذا الديوان الثاني لسمو الأمير بدر و الطبعة الأولى صدرت في عام 1410 ه الموافق 1990 م ، ويحتوي على 101 صفحة من القصائد النبطية فقط ، و قد اهداه سموالأمير بدر الى والده الأمير عبد المحسن بن عبد العزيز- رحمه الله - و كتبت قصائد هذا الديوان بين عامي 1388 و 1410 ه و تصميم الغلاف و خلفية القصائد بريشة الأمير بدر بن عبد المحسن .. لوحة ربما قصيدة ... هذا الديوان الثالث لسمو الأمير بدر بن عبد المحسن وهو ديوان يحتوي على العديد من القصائد الجميلة و التي كتبت بخط يده وزينتها لوحات رسمها البدر بريشته، يحتوي على 72 صفحة من النوع الفاخر ما بين قصيدة و لوحة، طبع في عام 1416 ه و خصص ريعه لصالح الأعمال الخيرية .. يتبع .}ْ~ |
لازلت تتميز اخي امير في اختيارك للشخصيات
الامير بدر بن عبد المحسن شاعر كبير استمتعنا معك وبأنتظار المزيد تحيتي |
ساااااااره
يعطيك العافيه يالغلا ع الحضووور واتمنى من الجميع يشاااااااارك بنقل قصائد الشاعر الامير بدر بن عبد المحسن لك كل الغلا والود |
http://www.angelwinks.net/images/roseln2.gif اميـر الـذوق أشكرك على طرحك ... يسلمووو اختيار موفق ويعطيك الف عافيه وهذي قصيدة لشاعر الامير بدر بن عبد المحسن اه يا لجراح لا جيت أنا بــ سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أبـ ارضى الصلح .. فصل الخريف حبي ..حزن وورق أصفر.. ...ودعني يا قلبي..وخل العذاب أقصر.. آه يا الجراح .. راح اللي راح.. وراحتي .. من يا ترى بيردها .. |
http://www.elbader.net/bpoems/newima...ader_poems.jpg جرحي بخير ومرت سنه .. على فراقك على صوتك .. واشواقك غريب كيف االزمن يرحل واحلام العمر .. تذبل .. سنه مرت .. وانا أول .. حبيبٍ يوقد الشمعه لجرحه في يوم ميلاده هلا .. بالحب .. واعياده وكل عامٍ .. وجرحي بخير مشيت دروبنا .. خطاوي قلوبنا ومريت الوعد .. وعدنا العام ماكان الوعد .. ولا الأيام .. هي الايام وما ادري ليه هالشارع .. نسوه الناس ومتى هالمقعد الخالي .. يجوه الناس حبيبي .. ليه فـ غيابك .. يغيبوا الناس حبيبي .. ايه والله حبيبي .. ايه والله نساني العمر.. لو انساه نساني الفرح .. لو انساه احبه .. ما ظهر نجم .. ونبت عشب .. وسرى براق أحبه .. لا زمن يشقي جروحي .. لا جفا .. وفراق أنا هذا الهوى كله .. وقلبي آخر العشاق &&& حســآيـف التفت ... وتوها ... توها ما اختفت ... ماكساها الليل ... باللون الحزين ... التفت ... وتعالت صرخته ... في نظرته ... صاح ... لكن بالنظر ... وانكسر .... شوفه عثر ... حسايف .. تذبل الضحكه وهى بين الشفايف .. تذبل الفرحه وتضيع ... ويصبح الكون الوسيع ... مايكفي خطوتين .. لاكساه الليل بااللون الحزين .. يوم مدلها يده .. كانت الرجفه لقا .. ودعت فيها الشقا .. وتركت بين الاصابع .. عطــرهــا .. وعمرها ... ما جت على وقت الوعد ... إلا ذاك اليوم ... و عمرها ... ما بكت .. و ما ضحكت ... ما حكت له .. واسكتت مثل ذاك اليوم ... كانت أجمل من خياله ... كانت انضر ... كانت أكثر ... من أماني عمره الظامي حنين .. و اختفت ... من كساها الليل باللون الحزين اختفت في الطريق اللي معه ... كانت تجيه ... كيف دربٍ جمعه معها ... خذاه ... ليتها اختارت سواه ... تزرع القرقا لياليها ... عليه ... وحسايف ... حسايف ... &&& شـعــآع شعاع ٍ .. يدخل الغرفة .. بعد العصر .. يزحف فوق سجادة .. ويطلع فوق هالكرسي ويمكن يلمس وسادة .. ولحظة ما لمحته خاف تراجع .. طاح من الكرسي .. وركض قبل النهار يمسي .. ورجع للشمس كالعادة .. يذكرني شعاع العصر .. عيونك .. تدخل ضلوعي في غفلة من عيون الناس .. وتمد اهدابها احساس .. وتاخذ قلبي من قلبي .. تضيق بصدري الانفاس .. ولما ينتبه واحد من الجلاس .. بسرعة تركض النظرة .. على السجاد والكرسي .. احس ان النهار يمسي .. وتغيب الشمس كالعادة .. |
ردي على الصـوت .}ْ~ ردي علي الصوت .. ردي حياتي صمتك على شكوى حنيني .. مذله اما اقطعي حبل الوصل بالنجاتي والا عطيني باقي الود .. كله لا توعديني .. عذب الصبر ذاتي والبعد حالي مع عنا الوجد سله اشكي الجفا لك .. ما شفيتي شكاتي الوعد الأول للقا .. فات حله يرضيك يصبح شملنا للشتاتي يرضيك نرضي كل نفسٍ مغله يرضيك لا فرحوا بهمي عداتي واقفوا يقولون .. الغضي عاف خله ردي علي الصوت .. يكفي السكاتي قولي لغيرك ماهفا القلب للّه &&& رسالة من بدوي .{ْ~ يا بنت أنا للشمس في جلدي حروق وعـلى سموم القيظ تزهر حياتي أطرد سراب اللال في مرتع النوق ومن الظما يجرح لساني لهاتي عاري جسد والليل هتّان وبروق دفاي أنا والبرد سمل العباتي إن عذربوني بعض خلانك .. صدوق يا بنت أنا عشق الخلا من صفاتي وشمٍ على رمال( المتاييه) مدقوق لاشك من منهم يسوي سواتي أنا بدوي .. ثوبي علىالمتن مشقوق ومثل الجبال السمر صبري ثباتي ومثل النخيل خلقت أنا و هامتي فوق ما عتدت أنا احني قامتي إلا فصلاتي وإلىإفتخر بأفعال يمناه مخلوق يا بنت انا فعلي شهوده اعداتي الله خلقني وكلمة الحق بوفوق وملكت الأرض .. ( وراس مالي .. عاصاتي ) &&& قلبي سجد لك .}ْ~ قلبي سجد لك قبل لا يسجد حجاجي على الثرى اللي تسامى بالنبي أحمد قصدت مسجد نبيك ..نادم... لاجي عن كل جرح.. وحزن...وهاجس..أسود قدست نورك... وغيره مظلم.. وداجي واخلصت في عبادتك.. ياخالقي فـ اشهد اشعلت شمسي.. وغيضك يطفي سراجي وأنت الوحيد الذي على الضرر تحمد ان تبت عن مدخلي... يا طيب مخراجي أموت وولد... وموت برحمتك... وولد لوخضت بحر و أنا في عزتك ناجي ولو كنت أنا البحر... مالي عزتك بنفد خمسين حولٍ مريض الطرف وعلاجي في ركعتين تداوي قلبي الأرمد نزت عن خاطري خزي وديباجي شوك... وكستني المحبة ثوب من عسجد يا هل المدينة سلام كثر ما هاجي نسيم صبح وناح الراعبي وغرد على الذي له في عالي الفلك معراجي نبينا اللي اصطفاه الخالق الأوحد لاجيب طيبه تهدم برجي العاجي ظهرت من مثل قبري عاري أجرد وقلبي سجد له قبل لا يسجد حجاجي على الثرى اللي تسامى بالنبي أحمد &&& كـفـآك غرور .}ْ~ صحيح ان السحاب انتي .. واعشاب الربيع انتي .. وأجمل من على هذا التراب .. انتي وفـ عز الليل لو بنتي يطير الصبح .. من كف الربى عصفور .. ولكن الليالي تدور .. كفاك .. غرور سقاني صوتك البارح .. مرار الحزن والترحال صحيح ان البحر مالح .. ولكن العطش قتال سألتك يا ظماي .. أمطار سألتك عن هواي .. أخبار سألتك كلمتين أعذار .. ولكن ما تعذرتي .. وحقك لو تكبرتي .. صحيح ان السحاب انتي .. واعشاب الربيع انتي .. وأجمل من على هذا التراب انتي .. انا جرح .. وحنين وهمس وقلبٍ ينبض بصدري .. ولا ادري من حبيبي .. الشمس ولا ودي بعد ادري .. يكفيني دفى انسان .. يشاركني فرح واحزان .. ونورك فـ السما لو بان .. أشوفه مثل كل الناس وأحسه .. مثل كل الناس وصحيح ان السحاب انتي .. واعشاب الربيع انتي .. وأجمل من على هذا التراب انتي .. وفـ عز الليل لو بنتي .. يطير الصبح .. من كف الربى عصفور .. ولكن الليالي تدور كفاك .. غرور &&& الفتــآة الغـآئبــة .}ْ~ و سـلامـي .. لمن سـأل عـنـي .. أنـا من أشعـل .. عـيـون الفـتـاة الغـايبـه.. شـمـس بـكـلامي.. ليـن تـركـوني النـاس .. و راحـوا لضـي عـيـونهـا .. و رجـعـت نفـسـي طـايبـه.. أجـرّ ظـلـّي .. و كـان لي .. ظـل ثـقيـل .. تعـلق .. بعـود نحيـل .. و القـلـب رجـل عـايبـه .. ترقـا جـبـل .. ردوا ســلامـي .. لمـن سـأل .. يحـينـي الـكـلام .. قـولي .. قـولـي أعـرفـك .. انت من يحـمل جـذوع الـشـجـر للـماء.. ولنـور القمـر ظـلمـا.. أنت اللـي مـردت الـقــوافـل .. تطـلب التـرحـال .. و زيّـنـت الـشـمـال.. نجـمـه .. وعـلـّمـت الغــلام .. اســمـه .. ليـن انتـهـض .. رجـال .. يحـيني الـكـلام .. قـولـي .. في بعـض الـكـذب .. رحـمــه.. الوقـت يمضـي .. صـديـقتـي.. والنـاس تمـضـي .. وهـالحـراس باقيـن .. على ورق هـالـتيـن .. والكـوكـب الفضـي .. والبـوح بالأحـسـاس .. تتـغـيـر الألـوان .. الا الـسـواد .. متى الـسـواد يمـضـي .. تـوي رفـعـت الأرض .. سـجـده .. وســبّحـت لـه.. وحـده .. و صـار الـرمـاد .. ومـضـي .. و كـل الـذنـوب .. غـبـار .. و دمـوعـــي الأمـطــار .. صـديقـتـي .. يحـينـي الـكـلام .. قـولي .. لمـن سـأل .. أنا من اشـعـل عيون الفـتـاة الغـايبـه .. تيـه وخجـل .. ليـن تركـونـي الناس .. و رجـعـت نفــسـي .. تايبـه .. مـن كـل.. مـا في النـاس .. و كـل مـا فـينـي .. الا .. الكـلام .. أنا..الكـلام يحـيني .. يحـيني الكـلام .. قـولي .. لاجـل الفتاة الغايبـه .. من هالعــتيـم .. تعـود .. وردي سـلامـي لمن سـأل .. ان كـنت أنا مـوجـود.. مـوجـود.. و الحـلـم .. رجـل عـايبـه .. ترقـا جـبـل .. و سـلامـي للـفتـاة الغايبـه .. |
وش كثر إنتي جميلة
بتعلم حروفك 00 عن الشعر كله 00 وادخل كفوفك 00 عن البرد كله 00 واشهر سيوفك 00 في وجه الوقت كله 00 ( ياالله 00وش كثر انتي جميلة00 وش كثر انا احب00) واسند جروحي00 مثل جذع نخله00على هاالمدى00 واركض في صوتك00 وتحمل هبوبك رمالي00 سرابك00جبالي00 دروبك خيالي00 وتبقى جروحي00 عطش الف نخله00هجرها الندى00 واتمنى مره وانتي معايا00 اناظر ورايا00واناظر بعد00 وغير ابتسامك00ماالمح احد000 على هاالمدى000 الموعد الثاني خذاك .. الموعد الثاني .. نويت ... تغيب .. وتنساني .. مشت بك .. خطوتك لبعاد .. وتركت .. لدمعتي ميعاد .. مثل ذا الوقت تلقاني .. وخذاك ..الموعد الثاني .. أحبك .. كلها كلمه .. ونظرة شوق خداعة .. عطتني ..بالأمل دنيا .. غريبه .. يومها بساعه .. خذتني .. غصب عني لك .. حسبت إني قمر ليلك .. واثر شوفك تعداني .. وخذاك ..الموعد الثاني .. صديق الليل .. لو تندم .. على جرح تركته لي .. لا انسي قلبك المسكين .. حبيب جرحك قبلي .. ولكن سكتك تحتار .. ابد .. بين الندى والنار.. والى منه قضى المشوار.. بدا مشوارك الثاني .. يا حابس النور يا حابس النور فـ كفوفك سلم عسى ينجلي همك أنض الزعل خلنا نشوفك مد العتب نسبح فـ يمك صحيح ما ننطح حتوفك لاشك نوقف نزف دمك الناس ما همها ظروفك كود الذي يحزن لغمك وان شلت حملك على كتوفك بتموت ماحدٍ ترى يمك مجنونها لعيونها ... بس لعيونها قلبي سراب بدونها .. قلبي سراب ... وعيني سراب ما اقول أعشقها بعقل... مجنونها... البارحة مريت في أحلى الفصول صيف وشتاء.. وناظرتها.. وقلبي يقول هذي العيون إلى متى حبيبتي ياكثرها عيونك على هاالليل وين ما التفت اشوفها .. حبيبتي يازينها عيونك على هاالليل سحرني برق سيوفها.. ما أقول أعشقها بعقل.. مجنونها.. قمري .. يا شمس الذهب سفري وراء عيونك تعب قلبي تعب... وصبري تعب ومن الهدب لين الهدب... بحر ومراكب من لهب أمواج تبحر برضاه .. وأمواج تلعب بي غضب مالهم صوت مالهم صوت .. غربوا والزمان سكوت .. ليتهم ماقربوا وهقوني بالوصل .. علقوني بالأمل هذا شيء لايحتمل .. التجافي موت .. الهوى تيه.. غرني ضعت في واديه .. وانت طيفك مرني مرني ليل وفجر .. مرني باحلى العمر آه من يقوى الصبر .. التجافي موت .. طول صدود .. صاحبك يالعيون السود .. ماسمع من صاح بك صاح من هم وغضب .. ها الجفا ماله سبب .. وانت من خان وكذب .. ليه احبك موت .. ما عاد لي صاحب يا من نشدني علامك ناحلٍ شاحب اخترت مثلك صديقٍ وأخلف اظنوني البارحة واعذعب الضاحك الناحب من الليالي وأهلها شابت عيوني روحت من صاحبي ما عاد لي صاحب وأعداي وافين ما قد يوم خانوني هذا زمانٍ نصيبي منه وأنا أحب لا من حفظت العهد ازعلت مضنوني لو ما تحب العين لو ما تحب العين ما ضمت دموع يا عاذلي بالله جز عن عتبها اربع ليالي كلها سهد وولوع استغفر الله ما تلاقي هدبها تكاثرت من همها ساعة اهجوع الله حسيب اللي غدى هو سببها الجادل اللي لفتته ورد وشموع يا حيف قلبي اللي احترق في لهبها يمد لي حبلٍ من الود مقطوع غير السلام وبسمته ما عقبها يا قلب .. يا قلب الخطا دونك ضلوع يا شين قل لي راحتي هو نهبها ليتي معك دايم ليتي معك دايم .. روحي فـ هواك هايم واخفيك مع روحي .. آمالي وجروحي وانت السهر والليل .. وانت القمر وسهيل وانت سبب نوحي .. ومالي فـ هواك لايم .. ليتي معك دايم ليتي معك خطوة .. تمشي لهواك دروب ونسمة هوى حلوه .. تحيّي الأمل فـ قلوب ليتي معك وارتاح .. وانسى الضنى اللي راح واخفيك مع روحي .. آمالي وجروحي وانت السهر والليل .. وانت القمر وسهيل وانت سبب نوحي .. آه .. من الهوى والليل .. فـ عيونك السودا غربه ومالي دليل .. والخطوه معدودة والله الزمان غلاب .. والبسمه محسوده ونور الأمل كذاب .. والراحه مفقوده واخفيك مع روحي .. آمالي وجروحي وانت السهر والليل .. وانت القمر وسهيل وانت سبب نوحي .. .. يتبع |
الكلام الغريب من علم لسانى الكلام الغريب . . إلين قلت : ان الحليب . . رمل . . والمرضعه ريـح والصدر خيمة راعى في الجدب من علم الكذب لسانى الرسم . . الاغانى الطفل في الظلما الحـلوى في الدكان أو خيزران . . معلم معتوه من علم المشدوه . . بألوان العيون هذا الجنون . . الجنون من علمنى الحب غير الناس . . والكره غير الناس . . من كدس الإحساس . . في اجفانى وخلانى احلم . . احلم وانا من سنين . . انسانى وامحى مكاتيبى شوهت وجهى . . كثر ما حكيت . . ألواني وعلى الزمان الثانى رسمتنى . . مثل ما بغانى . . لكن على لسانى . . بقى كل الكلام الغريب أنا الغريب وكل شاعر في الناس غريب وفي الارض كهف . . من نيزكٍ مجهول لكن يعرف يقول . . يقول كل الكلام الصعب الحليب رمل والمرضعه ريح والصدر خيمة راعي في الجدب ----- لا لا .. لا .. هالكلمة المرة .. لا .. لا .. إسمعها مره .. جرب هالقلب القاسي .. حبك عذب إحساسي .. وتسأل باشوفك بكره .. لا ما هو هالمره .. ارجع .. واترك لي ليلي.. تجرح قلبي .. وتشكي لي .. نادم هذا منديلي .. وابكي .. بالمره وتسأل باشوفك بكره .. لا .. ما هو هالمره .. كيف بدا القمر الباكي .. عمري .. وردي واشواكي .. حبك .. أرضي وافلاكي .. وليتك تفهمني مره .. ----- صرخة بلا فم قالـــت قـصــــيدك ليـل .. ســودٍ مـعـــانـــيـه رويـانـــــةٍ بالــــدمـــع ... وامـــدادهـــا دم الى متـــى يـا شـاعـــر الـهـــــم تــخـفـــــيه والى متـــى .. تحنى ضلوعـــك على هم قلـــت الــبـــكـــا .. صـعـــبٍ عــليه وأنـــا بيه لا واهــــني الـــلي بـكــــى ومـــا تـنـــدم لي عبـرةٍ يلعــــب بهـا الــحــــزن والــــتــــيه ولي صرخــــةٍ .. واتعبـــت ابـلقــى لها فم لا مــا كــتـــبــت الــشعـــر .. لـحـدٍ بسليــه ولانــــيــب مــــداحٍ .. ولا بــاتــــرنــــــم احـــســــاس لابيــعــه ولانـــيــب شـــاريــه مـــرٍ يجـــي شـــهـــدٍ ومــــرات عـلــــقم الى لمحــــتي دم جـــوفــي .. افـــ خــــليه علــىالورق .. لا صـــار روحــــك تـــالـــــم قلـــت الـشـــعــر يوم إن لي .. راحـــةٍ فيه وحـــزين أنــا .. إلـى متـــى .. الله يعـــلم ----- العشره الحلوه العشره الحلوه .. على الراس والعين .. أحلى الليالي .. اللي مضت .. لكن مضت .. ويش رايك في هالحين .. دايم .. تذكرني .. اللي فات .. كل الحياة ماضي بعيد .. باكر تراه .. يومٍ جديد .. أحلى الليالي .. اللي مضت .. لكن مضت .. ويش رايك في هالحين .. بالله .. لا تخلي الوفا .. يصبح صبر .. لا تختصر .. كل العمر .. وتعيش امل .. عطني عمر .. أحلى الليالي .. اللي مضت .. لكن مضت .. ويش رايك في هالحين .. ----- العمر أحبك لليل احبك مابقى في السما نور والى ضواني الليل .. للصبح أحبك واللحظة اللي كلها عند وغرور أشوف قبري بين عينك .. وقلبك في صدري سراجٍٍ حزينٍٍ .. ومكسور رغم المطر والريح .. شلته في دربك والله مابه غير لوعاتي قصور وخوفي عليك الله ربي وربك ما بي جهد ابني على صمتك جسور لا حيرتني أسباب سلمك وحربك العمر أحبك .. مابقى فيني شعور والى جفاني العمر .. وشلون أحبك ----- عطش قلبي أرفض .. المسافة والسور .. والباب والحارس .. آه أنا الجالس ورى ظهر النهار .. ينفض أغبار .. ذكرى أرفض .. يكون الإنتظار .. بكرا أبسقي ..عطش قلبي اليابس.. على اشفاهي .. بقول أحبك .. أرفض إني أموت في قلبك مادرى بموتي أحد .. حتى أنا أرفض الصورة .. على الرف البعيد وجهك المحبوس في ورق وحديد أرفض احساس الحبر وجرح سكين السطر .. أرفض الليل ..الحصار حبنا خلف الجدار آه أنا الجالس ورى ظهر النهار .. أنفض أغبار ذكرى أرفض يكون الإنتظار .. بكرا مثل البكا .. حبيبتي تحتاجني ..تحت الظلام .. ومثل الفرح .. حبيبتي أحتاجها .. وسط الزحام الحب علمها السكوت .. والحب علمني الكلام .. أرفض الصمت .. الحوار بيننا .. خلف الجدار.. أبسقي عطش قلبي اليابس .. على شفاهي .. بقول أحبك .. أرفض إني أموت .. أموت في قلبك مادري بموتي أحد .. حتى أنا ----- صوتك يناديني تذكٌر .. صوتك يناديني ... تذكر ... تذكر ... تذكر الحلم الصَغير ... وجدار من طين وحصير ... وقمَرا ورا الليل الضرير ... على الغَدير ... لاهَبٌت النسمَة تكسر ... جيتي من النسيان ... ومن كل الزمان ... اللي مَضَى ... واللي تغٌير ... صوتك يناديني تذكٌر ... ناديتي ... خانتني السنين ... اللي مَضت راحت ناديت ... ماكن السنين ... اللي مضت راحت كنا افترقنا البارحة ... البارحة .... صارت عمر ... ليله ... أَبَدْ عيٌت تمرٌ ... ياجمرة الشوق الخَفي ... نسيت أنا وجرحك وفي ... يتذَكر الحلم الصغير ... ريانَة العُود ... نادي ... نادي الليَالي تعُود .. بشوق الهَوى ... بوعُود ... بوجهي اللي ضيعته زَمَان ... في عُيُونك السٌود ... ياالضحكة العَذبة ... عَنك الصٌبر ... كِذبه ... وفيك العُمر موعود ... اشتقت للحلم الصغير ... واشتقت لجدار وحصير ... وقمَرا ورا الليل الضرير ... على الغدير ... ان هبت النسمَة تكسر ... |
صار الحكي كنه سكوت
http://www.elbader.net/bpoems/mar_img/king_khalid.jpg في رثاء جلالة الملك خالد بن عبد العزيز طيب الله ثراه ياسيدي صار الحكي كنه سكوت وين القصيد .. وكيف أبا ألقى المعاني بغيرك حروفي من ذهب .. حص .. ياقوت أما أنت يعجز عن مقامك لساني فـ .. أقصى ضميري جاير الحزن مكبوت أبيه أنا لنفسي .. وحزنك عصاني واشيخنا اللي وإن خذاه القدر فوت عمره سنين .. وعمر غيره ثواني ما أحدٍ بنى لشعبه مشاريع وبيوت وأسكن بقلبه ساكنين المباني إلا أنت ياشمسٍ محت كل طاغوت يابو الوفاء .. والطيب .. بحر الحساني عذروبك إنك مثلنا .. تشيب .. وتموت وعذروبنا من حماك نلنا الأماني لا .. لو يموت الح .. للحب تابوت جفن المحب .. وخلجة ف المحاني ويا سيدي صار الحكي كنه اسكوت وين القصيد .. ووين أبا القى المعاني *** السيف والكرم http://www.elbader.net/bpoems/mar_img/p_mohammed.jpg في رثاء صاحب السمو الملكي الأمير محمد بن عبد العزيز يرحمه الله اظلم الطرس واحتار القلم ولبست الشمس ثوبٍ من عسام عزوا السيف في موت الكرم وعزوا الجود في موت الحسام الله أكبر إلى طاح العلم تبكي الحرب حزنه والسلام خليت الدار من راعي الشيم رابع الصيد من نسل الامام *** مات العزيز http://www.elbader.net/bpoems/mar_img/p_saad1.jpg قصيدة رثاء في صاحب السمو الملكي الأمير سعد بن عبدالعزيز ( رحمه الله ) الله من قلبٍ تخاطفه الاوجاع امسٍ طواه الحزن .. واليوم مفجوع يكفخ كما طيرٍ من الوكر نزاع ثنى الحبل راعيه ثم أهلكه جوع يا جايبين العلم هو حق ما شاع مات العزيز اللي له أنداده اخضوع وين العزا .. ماعاد في العمر مرباع الجذع يابس واخضر الغصن مقطوع وسود الليالي جرحها بين الاضلاع ما يندمل في عام .. في شهر فـ اسبوع اضياع يرميني على سكة ضياع فرحي شتات ودايم الهم مجموع والله مادري كيف فزيت مرتاع يرتاع من توه غشيمٍ .. ومخدوع دنيا تزخرف لك على كل الانواع كثيرها ياصاح زايف .. ومصنوع يا مسافرٍ قبل السفر ينهض شراع وغير الكواكب مالك اصحاب وربوع تعب الرحيل وضاقت بوسعها القاع وطاح التعب في موقع خطاك مصروع رضيت باللي يطعم الحي لي جاع وانت بيدك تملك من المال ينبوع وصديت عن كل الدنايا والاطماع ماكن في دنياك مشري ومبيوع يابو فهد ماني من الموت جزاع هذا قدر .. والناس تابع ومتبوع ياشيخ هاج الحزن في صدر ملتاع واللي كتبته دمع .. لا شك مسموع يرحمك من خلا المسا نور وابداع واللي خلق هالارض لسجود وركوع *** غزوك يا شيخ انكف http://www.elbader.net/bpoems/mar_img/p_mehsen.jpg في الأمير عبد المحسن بن عبد العزيز- رحمه الله- غزوك ياشيخ انكف .. تباريه الأعوام ستين كون ومَا بها قامةٍ يَوم قلت العلوم وبرزوا .. رمح .. لجام عِقر الجواد .. وصوب الشيخ بسهوم هَذي سواة السَيف في كف مقدام ضربٍ بحد السِيف يثر به ثلوم ودَرب الفخر يحتاج قلطات وزحَام وإلى ظهر فعلٍ ترى النصر مقسُوم إن وقفت في وداعك اليَوم الأيَام وتهايقت بتشوف وجهك مَع القوم فــ إنت الذي اتعبتها طيب وخصَام وقهرتها يا شيخ ظَالِم ومظلـــوم إن سَاعفت مَا ثمنت عندك حطام وإن عَاضبت ما شلت من همٌها هموم لين احتمى وقتك ورى غدر الاسقام خوف وَرماك بسَهم وَالسهم مَسمُوم يا بوي ليت الموت يرضى بالأسوام يقبل بأحد غيرك ونرضيه بالسَوُم ياخذ بدل يَومك من اعمَارنا عَام يفدي مطيحك خادمك كان بتقـــوم يا بوي انا ما في يدي كود الاوهام وش في يدي والموت حقٍ ومقسوم لا شك من يفنى على دين الاسلام وطِيب الذكر يكفيه لا قيل مرحوم مَرحوم يَا ريف الارامل والايتام يَاللي رفيقك دوم مكرم ومحشوم هَداج تيما .. وان زما الضد لطام ولا جا اللزوم الصّعب يقضيه زيزوم كلٍ يشيله بالعمر دم وعظام وانته تشيلك عزة النفس والزوم ومَا كل نصلٍ من ورى غمده حسَام وش عاد لو هو بـافخر الدر مرسُوم واعيني اللي في البكا قد لها عَام أنا أشهد ان الدمع ميعاده اليَوم حطي على خدّي كَمَا الكي ميسام إن كان لي في الدمع تفريج لغموم ولا صَار ما يطفي لهب نَار الآلام ولا موسّعٍ ضيقه ولا جَالبٍ نوم تبسّمي بَعض البكا فـ التبسَام وأقسى الحزن ما كان في النفس مكتوم |
مالنا فيك يالطيب نصيب مرثية في صاحب السمو الملكي الأمير/ فهد سلمان بن عبدالعزيز ( رحمه الله ) مالنا فيك ياالطيب نصيب الله اللي كتب هذا السفر جيت دار الفنا مثل الغريب ورحت عنها مراويح المطر كن ودك تغيب ولا تغيب صرت مثل السنابل والزهر يافهد وش نقول انك حبيب صافي الحب في قلبك نهر يافهد وش نقول انك قريب اسأل العين عن قرب النظر يافهد نكتبك لطفٍ وطيب أو نعزي بك رجال الفخر يافهد .. نندهك ليتك تجيب فاقدينك مثل شمس وقمر سهم الأقدار يقتل من يصيب يالله انا .. رضينا بالقدر بس في صدورنا دمع ونحيب لو نثرناه .. ذوب له صخر *** سلمى في رثاء سلمى السعود الرشيد جدة الأمير بدر رحمها الله ما نشدت الشمس عن حزن الغياب علمتنا الشمس نرضى بالرحيل كل يومٍ يغرق الضي افـ عباب ما سمعنا ناعي ٍ .. مابه عويل وما هقيت الموت يجرحني جواب لين شفتك في سما عمري اصيل علميني ياللي كفوفك سحاب وابتسامك غيث واهدابك نخيل وش أسوي لا دخل فصل الضباب وكفت عيوني وضيعني الدليل حاجتي والشيب بهديني الصواب حاجتي لك ما مضى افـ عمري حصيل آه يا سلمى مضى وقت العتاب والحديث اللي باقوله لك طويل اعتذر يمه حصل مني غياب واعتذر ازريت لا ارد الجميل من يجازيك وعطاياك الشباب والله العالم ترى ماني بخيل يوم انا عاري غديتي لي ثياب وان شكيت الضر شافيتي العليل ويوم كبر الطفل ولمتي الزهاب كل ما في الكون من طبعٍ جميل هي درت حايل وهذيك الهضاب عن غيابك هو درى الروض المسيل بنت من لا ثوروا فوق الركاب ما يباريهم سوى نصل وأصيل واخت من لا كسرت سمر الحراب من عنيف الطعن ردوا للصقيل وام من جدانهم مثل الشهاب كاسبين المجد من جيلٍ لجيل يالله المطلوب يا جزل الثواب تجعل الجنة لها ظلٍ ظليل *** بكا ريح على صدر ديجور قصيدة البدر في رثاء والدته الأميرة وضحى الحمود الرشيد - رحمها االله طيري عصافير السحر عن هدبها عينٍ تخم النور .. من قلة النور كود الظلام اللي علق في عصبها وعروقها تبكيه حسرات وغرور الله .. مااثقل جفنها وإن جذبها برقٍ لمحت فـ ضيه اكفان وقبور على الدروب اللي عشقنا تعبها لين اقفرت من كل حيٍ ومعمور كنه يلج بوسط سمعي صخبها أو هو بكا .. ريحٍ على صدر ديجور طيري عصافير الهوى اللي شربها غدير .. واسقاها من أوهامه بحور يكفي عن أحلام الحياة وطربها لو ساعةٍ ببكي على ساعة قصور أصيح شمسٍ ما تمن بذهبها تنثره قلبٍ صادق .. ودافي شعور والا النهار اللي عيوني حربها اقبالته لحظه.. وغيباته دهور أصيح عسبان الحياة ورطبها أو حبها اللي توَّه اليوم مبذور والا الضلوع اللي حنيني كتبها شعرٍٍ قراه الصبح غامض ومكسور اصيح من باصيح واغلى عربها شدوا زمان الشوك باعشاب وزهور يا حيف وضحى نور عيني جنبها وخذت غياب الشمس من مرتع الزور وخذت وعقرت مهرتي في طلبها وقفت .. ودمعي في محاجره .. مذعور ما غير أناظرها ويصغر لهبها لين إنطفت ناديت يا سعود ماجور خذها الذي من فيض جوده وهبها يوم لنا رحمة.. وظل .. وذرى سور ياعلها عنده بعالي رتبها عند الذي نزه مقامه عن الجور وطيري عصافير السحر عن هدبها عينٍ تخم النور .. من قلة النور *** سهيل العنود في رثاء صاحبة السمو الملكي الأمير العنود بنت عبد العزيز. رحمها الله و اسكنها فسيح جناته. ان بكى الليل والدمعات سود وسال كحل ٍ على قمرا الخدود أعرف انه هوى نجمٍ فريد مثل نوره سديم بلا حدود حسبي الله عدد ضي النجوم ورحمة الله على سهيل العنود عمتي يشهد الله عمتي هذا حق النسب وأغلى الجدود وعمتي في المحبة والعطا وعمة الناس يالقلب الودود والله أكبر خذت منك السنين كثر ما غيبت منك اللحود والله أكبر خذيتي من السنين كل ما يجعل الذكرى خلود وأكثر الناس حقٍٍ في البقا من إلى بخلت الدنيا يجود ويحمد الله على طول الحياة من قصَرها على تقوى وسجود ما على الزهر لومٍ لو بكى وذير الصوت غزلان النفود خلّ نجدٍ تبوح بحزنها قبل تنسى معــالمها النجود كل شي مرده للزوال وكل عبدٍ .. لخلاقـــه يعود *** مشعل الدين قصيدة في رثاء سماحة الشيخ عبدالعزيز بن باز ( رحمه الله ) ماد صرح السماحة وانهدم طبت حي .. وميتٍ يالعلم مشعل الدين يابحر التقى قلعة العلم يانهر الشيم مبصر القلب يخشاك الظلام كف شوفك وبصرت الأمم جتك الأيام بأغلى كنوزها رامك التبر واخترت القلم وجتك الأيام والفجر الخميس كنت روحٍ تصلي في الحرم سيد الزهد سلطان السماح طاغي اللطف مبذول الكرم والله ان لك من الفضل الغزير كثر مافي المقابر من رمم جود ربي وعطفه والفلاح للذي صانها قلبٍ وفم وخلده ربي وريفه والظلال للذي شال للإسلام هم ونور ربي وفضله والرضى للذي ما رضي سفكٍ لدم مات بن باز كل حيٍ يموت ووجه ربك هو الموجود تم ندعي الله بحسن المعاد طبت حيٍ وميت يالعلم |
وهذه قصـه معروفـــــــــــه لشـآعرنـآآ .}ْ~
أحببت ان أضعها بين يديـــــــــكم .}ْ~ في يوم من الايام جاء شاب اعمى ودخل على الشاعر الامير بدربن عبد المحسن وقاله قصته ... كان خالد و ساره يشكلان أحلى ثنائي على وجه الأرض وكانت السعاده تغمرهم من كل جهه ولاكن كما نعلم السعاده لاتدوم يقول الشاب انة يحب بنت عمة موت وراح خطبها من ابوها طلب منه مهر خرافي او ما ياخذ بنته وبما ان الشاب يحب بنت عمة راح وجمع دراهم الي يبيها عمة ورجع تقدم لها مررة ثانية رفض بشده بإحتجاج أن قبيلته لا تؤمن بالحب قبل الزواج (من النوع اللي مالك الا ولد عمك ) فعاد خالد با ئسا لايعرف ماذا يفعل ومانهاية هذا الحب وعندما علمت ساره عن رأي والدها أصيبت بخيبة أمل البنت من كثر ما تحب ولد عمها والاب حارمها جاها المرض الخبيث الله يكفينا شرررره جميعا فمرضت بعدها وعرضت على أكثر من طبيب ولاكن دون جدوى فكان علاجها يستوجب السفر إلى الخارج وفي هذي الحظة حس الاب انة ما لة حق وندم وقرر انة يعالجها بس البنت رفضت العلاج وقالت لية اعالج ولية اعيش من دون ما اخذ الي انا ابي ؟ الاب وعدها ان شفت انة يعطيها الي تبي فرحت البنت وخلاص تبي تسافر المفاجأة وفي الطائره توفت ساره وعندما علم خالدولدعمهاعن وفاتها لم تتوقف عيناه عن البكاء حتى إختفى لون عينه وصار اعمى؟ كتب الامير كلمات تشيب الراس صراحه وهي كلمات المسافر راح اسمعوها وخصوصا لما يقول يا الله يا قلبي سرينا ضاقت الدنيا علينا وبعد لما يقول هذا وجهك يالمسافر لما كانت لي عيون وينها عيوني حبيبي سافرت مثلك حبيبي يقصدعندما يتذكر خالد وجه محبوبته ساره أنه صار أعمى ************* وهذه الكلمات التي تمثلها ************** لا تلوح للمسافر المسافر راح ولا تنادي المسافر المسافر راح يا ضياع أصواتنا في المدى والريح القطار وفاتنا والمسافر راح يالله يا قلبي تعبنا من الوقوف ما بقى بالليل نجمة ولا طيوف ذبلت أنوار الشوارع وإنطفى ضيّ الحروف يالله يا قلبي سرينا ضاقت الدنيا علينا القطار وفاتنا والمسافر راح مادري باكر هالمدينة وشتكون النهار والورد الأصفر والغصون هذا وجهك يالمسافر لما كانت لي عيون وينها عيوني حبيبي سافرت مثلك حبيبي القطار وفاتنا والمسافر راح |
امير الذوق
دوماً تحمل الإبداع بين حروفك .. حتى أصاب حرفك الارتواء منه .. كنت هنا .. أسجل حضوري .. لطرح فاق الجمال بكثير .. |
انت نبع من الابداع بوح عذب بعطر الحب ينثر الغرام فوق سطور الحب |
مخاوي الليل اسعدني تواجدك يالغالي
منور بطلتك لك كل الغلا والاحتراااااااام |
| الساعة الآن 09:04 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas