|
بنت الشرف
هذه قصيده من اشعاري كتبتها في انسانه عزيزه على قلبي لكن على ماقيل من المحال دوام الحال انتهت العلاقه بخيرها وشرها مع تمنياتي لها بالتوفيق اتمنى ان تنال اعجابكم وشكرا بنت الشرف بنت الترف بنت الدلال الناهيه لاقيل وين الناهيه تقول للعاشق كذا روح 00وتعال وتحرك افواه العباد الفاهيه نقطة تواصل للقصار 00وللطوال باوصافها متباهيه متباهيه الله واكبر يالتغطرس والجمال والله واكبر يالخدود الزاهيه نو(ن)كشخ برقه ورى سود الجبال وبله يزيل البغض والكراهيه وخصر(ن)تثنى لادقاق ولاجلال وردف(ن)يجيب اعذار لكن واهيه وثغر(ن)حسب ماشفت لو اضرب مثال علاج يستخدم لفتح الشاهيه والعين من طالع بها دنق وقال ياناعسه ياخادره ياساهيه ولاوقفت بين البنات بدون شال تقول مابه فالحضور الا هيه رمح(ن)يهابونه مطانيخ الرجال حتى الشجيع ابن الشجيع الداهيه الواقع الي ماوراه الا الخيال والمعبر الي سكته متناهيه اشفق لها شفق الفقارا للريال وشفق العطاشا للعدود الراهيه ومن شانها ابرك مباريك الجمال وارضى بما تطلب واسوق الجاهيه جواب مابعده جواب ولا سؤال لكن عسى كل الاوادم لاهيه عن دلة(ن)مامثلها بين الدلال وعن مهرة(ن)بوصافها متباهيه بنت الشرف بنت الترف بنت الدلال الناهيه لاقيل وين الناهيه (خاص فيني جدااااااا) |
بنت الشرف بنت الترف بنت الدلال
الناهيه لاقيل وين الناهيه تقول للعاشق كذا روح 00وتعال وتحرك افواه العباد الفاهيه نقطة تواصل للقصار 00وللطوال باوصافها متباهيه متباهيه واااو كلماات في منتهي الابداع فقلمي يعجز يعبر علي احرفك يالجميله يالغلا تسسلم الايادي ياسكر ولآ تحرمني من ابداع قلمك الراائع يالغلااا مودتى حكاية قلب |
كل الحلا في طلتك
يعني غدى كله حلااا كثير زينك قلتك قل الحكي من هالغلااا حكيونه اشكرك على اطرائك هلا وغلا |
3 ابيات رد على قصيدتك اسمحلي على قصرها :
مزيان يالغالي .. حرام انه محال محال يرجف بالقلوب الساهيه هذا هو النايف ليامن قال قال كنه لتح ارقى شراب الماحية فيها الغنج مابين صال وبين جال قصيدةٍ باحلى الاساور زاهية لله درك نااااايف اقف لك تعظيم سلاااام واصل يابطل فنحن خلفك |
كلمات في منتهى الجمال
سلمت اناملك ودام نبضك |
آحساس نايف
أبيات أنسل منها عسل الروعه لنتذوق معاً طعم أبياتك الرائعه التي أتحفتنا في أحاسيسها النادره لوجود المصداقيه بين زواياها دمت كما انت |
ابوخالد
شكرا على مرورك تحياتي لك يالغالي |
بسمة خجل
الاروع مرورك وكلماتك الرائعه اطرائك وسام على صدري ونورن يضيء صفحتي لاهنتي يالغلا |
محمد
وش،،،،،،،اقول طلتك تسعدني مع انك في وجهي اربعه وعشرين ساعه منك نتعلم اصول الشعر والنقد يافيلسوف زمانك وعدنا الاسبوع القادم على ارض المغرب نتبادل الشعر والنقد البناء لازلت اقول(مزيان ياحمودي) |
احسـ نايف ــاس قصيده تتوغل في عمق الابداع وتأخذنا الى ابعد حدود الجزاله كلمات وتعابير ومفردات جداً متناسقه سلمت اناملك الثائره التي نثرت هذه الابيات التي تستحق التصفيق الحار والوقوف احتراماً وتبجيلا تقبل فائق تقديري http://www.r-mbd3.com/vb/uploaded/13371_21197198971.gif |
| الساعة الآن 03:26 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas