قصيدة تطوير الذات
 

يقول الشاعر محمد الجذع العتيبي

يامطورين الذات بحثاً عن الذات..
انا بعد طورت ذاتي بذاتي

لأنني غيرت روتين الاوقات
ولها السبب قدرت اغير حياتي

ماعاد افكر بالسنين القديمات
ولااشيل هم سنيني المقبلاتي

اللي مضى ماهوب راجع بعد فات..
والجاي يمكن قبله الموت ياتي..!!

يعني اعيش اليوم واليوم ساعات
واللي يبي الراحه يسوي سواتي

العمر رحله والليالي محطات
والموت رمحه مثل رمح الزناتي

اثري من أول عايش في متاهات
ومقزر ن عمري على ذكرياتي

لكن بلا تعقيد.. واحزان واهات
قررت ألملم مابقى من شتاتي

وعملت في نفسي شوية اصلاحات
واصلاحي لنفسي على نحو اتي :

بنيت في صدري مساجد وروضات..
وقمت اتهجد يوم غيري يباتي

وحفظت من فضل الولي عدة ايات
وجلت غبار الحزن والاغنياتي

وسويت فلتر للهواجيس بالذات
والحزن داخل سلة المهملاتي

ورتبت بالترتيب بعض الملفات
وحطيت بالرف القريب امنياتي

وركزت في وقتي على الأولويات
والأول الأهم ...عندي صلاتي

واثنين - بالاثنين بر ومرضات
بابوي وامي سلوتي مع غناتي

والثالث الاحسان مع المساواة
لعيالي الغالين وايا بناتي

والرابع امشي ماحسبت المسافات
لان السفر القابه اجمل صفاتي

والخامسه حرمت بعض الملذات
والاتزان اصبح سمه من سماتي

والحمدلله عايش في سهالات
متريح بالي... ولاعاد احاتي

يعني كذا ماني بحاجه لدورات
في عقلي الباطن أو إيحاء ذاتي

انا فقط محتاج رب السموات
يغفر لي ذنوبي.. بساعة وفاتي

رااائعه جداااا
سلمت الايادي .. وصح لسان كاتبها

ذائقه جميله وطرح مميز
ننتظر جديدك

خالص ودي

الله يسعدكك عزيزتي نورتي صفحتي
يسعدني انها نالت ع رضاك واعجابك

لا حرمنا لله جمال مرورك

نقل يعتلي قمم الجمال
وإبداع وتميز هو متصفحك
كلناشوق لتذوق عذوبة إلإبداع
وإنتظار كل جديد
لروحك جنان الورد

تسلم الايادي على روعة الاختيار
لا حرمنا هالابداع والتميز

شكرًا لجمال حضورك ولطافة كلماتكم

لا عدمنا تواجدكم