(( كــانــت ... واصبحــــت ))
 

لما مراتك تبقى #بطلت تتناقش معاك وتحاورك ..
ده مش تسليم للأمر الواقع لكن هى إتأكدت إنك مش هتسمعها..

لما مراتك تكون بطلت تكلمك عن #يومها وعن اهلها..
مش معناها لاجديد عندها ..لكن ده تأكيد إنك مابتعملش حاجة غير انك تنقدها وبس..

لما مراتك اللى كانت زمان #بتعيط لما تجرحها ودلوقتى إنت بنفس إسلوبك ,
لكن هى بطلت حتى تدمع..
ده مش نضج..لكن هى فقدت فيك الأمل #بتقديرها...

لما مراتك تبقى بطلت تكلمك إلا للضرورة
ده مش إنشغال لكن حست إنها #عبء عليك بكلامها فملوش داعى الإزعاج...

لما مراتك سيادتك تستفذها بالكلام عن غيرها #وتقارنها فى الرايحة والجاية وهى ولا أى إندهاش ..
ده مش لامبالاه لكن #هروب من كسرتها اللى إنت مصمم عليه...

لما مراتك اللى كانت بتترجى فيك تقعد معاها شوية زمان بقت تاخد الولاد وتدخل تنيمهم وتسييييبك على راحتك
ده مش بتريح سعادتك ..لكن #الإهتمام مش محتاج شحاتة....

لما مراتك تبطل #تسألك عن يومك مش إهمال
لكن هى زمان كنت بتفتكرها زنانة لو.قالتلك عملت إيه بس...

لما مراتك بطلت تتكلم عن تفاصيل ملهاش لازمة بس كانت بتقولها بإندماج ..
ده مش خير الكلام ماقل ودل إنت مش مدير شركة ومطالب تسمع جنونها..إنت المفروض #الطبطبة اللى بتسمع لها افكارها ..ده معناه إنها مش لاقية نفسها معاك....

فى فرق كبييييير اوى بين #واحدة كانت فى الاول كده وواحدة #بطلت تعمل كده
الاولى دى تركبيتها كيان والتانية إحساسها مهان...
فركز فى التفاصيل وإرخى الحبل ..
الانثى لو قلبها كبر عليها بيبان..مراتك مش عبء مراتك #سكن حافظ عليه
#مودة_ورحمة
#رفقا_بالقواااارير
#فلنرتقي

ان الوعي الذي يفترض أن يكون عليه الزوج
أن يجنب مملكته كل ما يكدر صفوها
شكرا قطوره دائما لأطروحاتك فلك خاص
فهنا اجتمع فن الانتقاء وفن روعة العقليه
سلمت يمينك
ولك احترامي وتقديري

يا سلام كلام جميل ورائع

هناك أشياء لا يمكن إصلاحها بعد ان تنكسر
لا تجعل علاقتك بزوجتك تكون فاتره وبارده وبلا معنى

طرح رائع وهادف وجميل كعادتك

تقبلي مروري

منوورين يسعدني تواجدكم الراقي
خالص ودي واحترامي

طرح رائع
يعطيك العافية يـ الغلا
لك باقات ودي