منتديات جروح - عرض مشاركة واحدة

عرض مشاركة واحدة

09-04-2010, 09:35 AM	#1
	سؤال محيرني للرجال السلام عليكم ورحمة الله وبركاته كيف حالكم جميعًا بدون مقدامات ليش أنتم يالرجال ما تطيقون أحد ولا يسلم عليكم وأنتم صايمين سواء كبير ولا صغير أبوي معصب وهو صايم أخوي الصغير أخوي الكبير خوالي أعمامي ووووووووووو لا وقرادة حظ الوحدة إن كانت مع أخوها ولا أبوها ووووووو ألخ في نهار رمضان بالسيارة كل شوي تقول اليوم منيتي شكلها تشهد تجلس ساكتة صماء تقل بحصة رياضيات تخاف تقول حرف يرميها من الدريشة يتهاوشون وهم صايمين مع ذبان وجيههم حشا ليش كل ذا ياستر ولسألتهم شفيكم ياساتر قال الواحد منهم صايم وليش إحنا يالبنات والحريم مو صايمين مثلكم !!!!؟؟؟؟؟ والأمر بعد نكرف ونطبخ وإحنا صايمات تعالوا حسوا وأنت تقلب كشنة ولا شىء على النار وأنت صايم ريحتها تصقع بالرأس خصوصًا شم الصايم دائمًا ماشاء الله و في اللحظات الأخيرة قبل المغرب أوف ماودك تشوفين واحد منهم الواحد بيصور له قتيل ياساتر وليش بسرعة إحنا صايمين خلصننا أوف وووووووووووووو ألخ والعام الماضي سالفة مافارقت عيوني من صلاة العصر بهالحر على قدم وساق بهالمطبخ ننوع بالطبخ المفيد يوم مدت سفرة الفطور كل شىء سويناه إلا السمبوسا لأن فيه فطاير ووووووو قلنا مليناها مالها داعي إلا أخوي على السفرة وين الفطور الله يهديك وذا وشو أثاريه يقصد السمبوسا وأخرتها يقول بعصبية حرام عليكن إحنا صيام ولا سويتن فطور بصراخ ليش وكل ذا مايعتبر فطور إلا بسمبوسا زعل ما أفطر إلا تمر وقهوة وطلع مختصر سؤالي يا آدم لما كل هالعصبية بحجة إنك صائم ونحن مثلكم نصوم ونطبخ ونكرف وساكتين والمفروض الرجل أقوى من المرأة بكل شىء ليش عن الحرمان من الأكل لا والأهم ذا صيام طلب للأجر ورضاء الله مو لجمع الذنوب بهالعصبية أنتظر رأيكم وبكل صراحة أفيدوناااااااااااااا