12-08-2012, 10:48 PM
|
#1
|
|
فرصه وراحت لكن نقـول ( خيـره )
ياما خسرنا والبقـى بـراس الأيـام
مافيه كسـر إلا خِلـق لـه جبيـره
مير البلى وش يجبر اكسور الأحلام ؟
طآل السفر والميد ما رحـت ديـره
ما غير اقول: الوعد يا نفـس قـدام
متى على الله الحظ يصحى ضميـره
مليت اعيش العمر في طرد الأوهـام
أكبـر دليـل إن ارضنـا مستديـره
العام طبق الأصل للـي قبـل عـام
الحلـم نفسـه والأمانـي كثـيـره
نفس الحزن نفس القهر نفـس الالام
مـع إنهـا أحـلام جـدا ً صغيـره
في مهدها وشلون تحكم بالإعـدام ؟
يعني على الله يـا عيـون ٍ سهيـره
مكتوب اسامر نجمة الليل مـا انـام
ما دام سيف الحـظ مـات بجفيـره
احسن يعيش الحلم في ( دار الأيتـام
|
|
|
|