المكونات
1-دقيق
2-ملح
3-بهارات
4-مكرونه
5-حليب
6-زيت
7-بصل
8-لحمه مفرومه
9- فرامه بصل
[BIMG]http://www.cars-club.com/up/8-2-1/carsclub_24378303.JPG[/BIMG]
تجهيز اللحم المفروم:
قبل مانحط اللحم في الصاج نحطو في صفايه بس ماتكون فتحاتها كبيره والا بتروح اللحمه فيها ونشطفو على خفيف وبعدين نظيفه الى الصاج ومايحتاج نحط زيت
[BIMG]http://www.cars-club.com/up/8-2-1/carsclub_65938302.JPG[/BIMG]
نخليه شويا على النار الين مانفرم البصل وبعدين نضيفو للحم مع البهارات والملح
[BIMG]http://www.cars-club.com/up/8-2-1/carsclub_89255432.JPG[/BIMG]
طبعا راح نلاحظ انو المويه اللي بتطلع من اللحمه كثيره لاكن هيا بتجف بعدين مع التقليب وهيا اللي راح تكون العلامه لنا انو خلاص جهزت
تجهيز المكرونه:
هذا اسهل جزء لانو كل اللي علينا انو نكسر المكرونه ونحطها في القدر مع المويه طبعا واضافه زيت وملح على حسب الرغبه وتشيك عليها كل شويا الين ما تنضج يعني كانك تسوي رز بالزبط
[BIMG]http://www.cars-club.com/up/8-2-1/carsclub_52498951.JPG[/BIMG]
تجهيز البشاميل:
نقدر نقول انو هذا الجزء المتعب لانو يتطلب تقليب مستمر وتضيف المكونات حبه حبه وهي كالتالي:
1-ربع كاسه زيت
2- ثلاثه ملاعق حليب
3- ثلاثه ارباع كاسه دقيق
4- ثلاثه كاسات مويه تضاف بالتدريج يعني نحط المكونات اللي فوق ونضيف عليها كاسه مويه وحده ونقعد نقلب وبعدين نضيف الثانيه ونقلب وبعدين الثالثه ونقلب وبعدها الخامسه والسادسه<<<تحمس
نخلط كل المكونات على نار هاديه الين ماتبدا تجمد بعدها نطفي النار ونحطها على جمب
كذا خلاص الشغل تقريبا انتهى بنسبه كبيره مابقي الا شي بسيط بعدها ناخد المكرونه ونحطها في صفايه عشان نصفيها من المويه قبل ما نضيفها للصينيه
[BIMG]http://www.cars-club.com/up/8-2-1/carsclub_15233278.JPG[/BIMG]
بعد كذا نجيب صينيه وندهنها بشويه زيت عشان ماتلصق المكرونه مع حراره الفرن ونضيف طبقه من المكرونه ويفضل اضافه 3 او 4 ملاعق من البشاميل عشان تتماسك الكرونه مع بعضها لانو راح نضيف اللحمه فوقهم وبيطلع عندنا زي كذا
[BIMG]http://www.cars-club.com/up/8-2-1/carsclub_38775610.JPG[/BIMG]
بعدين نضيف الطبقه الثانيه من المكرونه ونضيف البشاميل فوقها ونغطي جمبع المكرونه بيه
[BIMG]http://www.cars-club.com/up/8-2-1/carsclub_86176912.JPG[/BIMG]
اخر شي نحط الصينيه في الفرن لمده 10 الى 15 دقيقه تقريبا بدون مانشغل الطبقه العليا من الفرن وبعدها نشغلها وهنا لاااااااازم تكون قدام الفرن ولاتتحرك لانو لو غفلت عنها شويا ممكن تحرق عليك الطبقه اللي فوق ويخرب شغلك كلو ويضيع تعبك ببلاش المهم نجلس نلاحظها الين ماتكتسب لون ذهبي ونطلعها من الفرن وبتكون بالشكل التاالي
[BIMG]http://www.cars-club.com/up/8-2-1/carsclub_39339496.JPG[/BIMG]
اخيرا انتهينا
الله يحيكم
بالعافيه عليكم