اتمنى ان ترقى لمستوى اذواقكم
ماجمل الضحكة على وجه الغريـر
وما اكذب النظرات في الوجه الغبر
لا تذكـرت النهايـه والمصـيـر
قلـت ياجبـار كسـر ماجـبـر
كبرت الحمله على ظهـر البعيـر
مضرب الامثال في طول الصبـر
الله اكبـر ماعلـى الدنيـا كبيـر
كل شـيء ينتهـي مهمـا كبـر
والهموم الي تخاوت في الضميـر
جـات بالعلـم المؤكـد والخبـر
نحسب الساعات ونحث المسيـر
للطريـق الـي يـودي للقـبـر
الله اعلم بعدهـا يـاوش يصيـر
الحظيظ الي علـى السكـة عبـر
من هـداه الله يتـوب ويستخيـر
ومن تزايد فـي غـروره ينثبـر
لو تكون ابن المعالـي والوزيـر
ولو تكون ابـن الكـرام المعتبـر
في البدايـة والنهايـة والاخيـر
مسكنك طوله وعرضـه بالشبـر
التجـارب خلـت الجاهـل خبيـر
والليالـي تعطـي دروس وعبـر
خاص بي