بسم الله الرحمن الرحيم
ياعيـن مـن حطيـت عينـي بعينـه
وابطيت واقف فـي بحـر عينـك امـوج
ابحـرت فـي عيـنـه بلـيـا سفيـنـه
سجيـت فيهـا ليـن ضيعـنـي الـمـوج
حاولـت الـد الشـوف عمـا يهيـنـه
ولا انتـبـهـت الا وانـــا فـيــه مـلـبـوج
شفت الفتن في ملتقى حاجبينه
والسحر في عينه مع الزيـن مدمـوج
اسـود سـواده لابستـه السكيـنـه
وابيض بياضـه طايـش اللـون مرجـوج
زاويـــه طـــرفٍ حـاجــزٍ دمعتـيـنـه
لـولاه كــان الـخـد بالكـحـل مـمـزوج
كاسيـه رمــشٍ زاد ملـحـه وزيـنـه
من فوق متكحل ومن تحـت مدعـوج
بين الرموش السود شفت الغبينه
واللـي رمـاه الرمـش ماعـاد لـه بـوج
مـرت ثوانـي مـن حياتـي ثمينـه .
وانـا اتـهـادى بـيـن الاشــواق وادوج
مـرت وانـا قابـض عـلـى راحتيـنـه
واقـف مقابـل لـه سـاهـي ومـدلـوج
مدري وش اللي صار بيني وبينـه
والقـلـب مـاردنـه اضلـوعـي الـعــوج
ولا انتبـهـت الا بسحـبـت ايديـنـه
قال انت تبغى الناس تلحقني بهروج
قلت اعذر اللي شافـك الله يعينـه
يبطـي ودمعـه بعـد فـرقـاك مـزعـوج
عينـك بنـظـرات الـغـلا مستهيـنـه
قال الغلا في داخـل القلـب منسـوج
قلت الوعد قـال ايـه كلـش بحينـه
الله يفتـح لــك مــن الضيـقـه فـجـوج
قلت آآآه طيب شفلي الدرب وينه
قـال انتبـه باقـي علـى شفـتـك روج
قلـت لهـا ادري بـس لاتمسحينـه
ابـقـهـر بـلـونـه مـطـافـيـق وعــلــوج
آسف لعدم ذكر اسم الشااعر
لاني صرااحه حافظها بس مااعرف من قائلها
اتمنى تعجبكم ..
مــالــي شبيــه