04-12-2008, 06:16 PM
|
#1
|
|
((وش يدريك !))
قلت:وش يدريك؟
قال:ناس وناس تحكي في الغياب
بعضهم فرجت غمه
وبعضهم أحرقت دمه
وبعضهم ياكبر همه..
لو حضر طاريك؟!
قلت:وش يدريك؟
قال:شفتك في هروج أهل الملامه
حرقةجروح وفضوح
تفضح احساس الغمامه
وكل شوق يعتريك.
وبالسلامه لوتروح..
ولوتجي الله معاك وبالسلامه..
والله مهنيك!
قلت وش يدريك؟
قال:بين البوح والروح المشاعر
من قهرها صار طين..
ومن نصرها صار شاعر
ومن ملك عين اليقين
ماعليه من النجوم..
ولا عليه من المظاهر
يسهرون العالمين..
ويرقد،ولا فيه غير القلب ساهر!
ياولد: شب المباخر من عطر ماضيك..
قلت وش يدريك؟!
ل /د.صالح الشاري
|
|
|
|