[frame="1 98"]
شفتها ياسعود صدفه بعد ماغـابت سنيــن *** عند قسم المختبر وسط مشفى الجامعـه
جيتـها ثم قلت ممكن في سـؤالي تسمحيـن *** ناظرت فيني بدهشه نظـره متواضعـه
قالت انته تـحسـبني من بنات صايـعيـن *** تحسبني في زماني عن طريقي ضايعـه
قلت انا ماراح اطـول كلـبوهـا كلمتـيـن *** وابعدت عني شويه ثـم جتنـي راجعـه
قالت اسأل واضـح انك من رجـال طيـبين *** بس هرجك يالسنافي كان وشهو دافعـه
قلت انا حبيت وحـده يوم كنـا صـغيريــن *** ومن ثمان اسنين راحـت للمواصل قاطعه
عقبها ماذقـت نـوم يهتنـيبـه النايميــن *** ساهر في طول ليلي لين شمسي طالعـه
اذكر انـه فيه حبه فوق ثـغـره مـن يميـن *** واذكر انه لاجـرينا كـن شعـره تابعـه
واذكر انه عاشـق فالـورود الياسمـيـن *** صار قلبي بالورود الـلي عشقها زارعـه
طابعا اسمه بقلبي فيه سين وفيـه عيـن *** وفيه الف وفيه دال وسط قلبـي طابعـه
قاطعتني بقولها سبحـان رب العالميـن *** كررتهـا مـره ومرتـيـن ورابـعـه
قلت وشفيك وشبـلاك يابنيـه ترجفيـن *** ليش عينك يابنيه مـن كلامـي دامعـه
قالت الموقف وقلبي والمحبـه والحنيـن *** كيف اشوفك بعد ماكنـت عنـك قانعـه
قلت انابسألـك انكانـك انتـي تذكريـن *** عن مواثيق ثمنها مـن حياتـي دافعـه
قالت ظروف الزمان ماتطيع العاشقيـن *** بيعوني غصب حبك لوهو ماني بايعـه
انا في دنياي حالي كنها حـال السجيـن *** حتى لوفكوا سراحه فيـه شـى مانعـه
زوجوني غصب واحد وحرموني حاجتين *** السعاده في زمانـي والحيـاة الرائعـه
والحين انا أم لثلاثه عندي ريم وياسميـن *** والولد اسمه على اسمك والمشاعر جايعه
[/frame]
هذي القيصدة حافظها ولا أدري لمين أتنمى أن تعجبكم
منقول
طال السكوت
|