الموضوع: x؟هل تؤيدون تدريس الثقافه الجنسيه بالمدارس... تفضل وناقشني؟x
عرض مشاركة واحدة
قديم 04-27-2008, 12:45 AM   #2

افتراضي
مشكور يالاسطوره على هذا الموضوع الجدير..ولكنني وبكل بساطه لاأأيد تدريس الثقافه الجنسيه في مدارسنا بالشكل المتوسع..لأنو وبكل صراحه مو متعودين على شيء زي كدا وأحب أعلق على هذا
((تبلغ الفتاة وتكبر .. تلاحظ تغيرات طرأت عليها .. تتفاجأ .. تنطوي

عن الناس خجولة لما حدث لها .. وقد تصاب بداء الوحدة والعزلة

عن الناس ))..!

أولا في مدارس البنات في الصف السادس بيدرسونا البلوغ وبيفهمونا الأشياء المهمه في درس البلوغ ،والجماع ، والاغتسال من الجنابه والدوره الشهريه ((كويس اني لسى فاكره الدرووس)) هههههههههه

وبعدين مو شرط انهم يخلوه منهج أساسي في مدارسنا لأنو وبكل صراحه راح تصير أكبر مصخره ومو شرط يتعلمو في المدارس واذا كان الشخص يبغى يتثقف جنسيا ، الكتب يامكثرها في المكتبات صح ولا لا

أنواع الكتب تقدر تتعلم وتثقف نفسك بدون ماتنحرج من أحد أو تحرج أي أحد بسؤالك مثلا.......

أفتكر صار موقف بالصف وأنا بالأول المتوسط ((كانت الحصه الأولى عندنا مادة الفقه أخذنا فيها درس عن الجماع، وشرحت المعلمه الدرس وكان في طالبه من أعز صديقاتي ماسألت المدرسه ايش يعني الجماع مع انها كانت فاهمه بس كدا عباطه، المهم جات الحصه التانيه وكانت تاريخ قامت البنت التانيه تسأل المدرسه
ياأبلا تقول فلانه ايش يعني الجماع؟؟؟ ردت عليها المعله السؤال هذا أسأليه لوالدتك !!! شفت كيف المسخره طيب ليش ما سألتي معلمة الماده نفسها ليش تحطي نفسك في موقف انتي في غنى عنو))

المهم ياالأسطوره.. أتمنى انك تكون فهمت أنا أيش أقصد انو الواحد يقدر يثقف نفسه بالكتب ويامكثرها والله اني كنت أقراها بالدس لكن في وقتنا الحالي أصبح الوضع منفتح يعني الي يبغى يدور مصلحتو راح يعرف كيف بدون أي أغلاط ولا كلامي غلط

والله كلامي كتير لكن بصراحه موضوع بجد يثير الجدل والحوار والنقاش وأتمنى اني أكون وصلت المعلومه


ويالله سلام طولت عليكم لا تدعون علي

واكرر شكري لك أخوي الأسطوره





  رد مع اقتباس