01-30-2008, 03:27 AM
|
#1
|
|
[align=center]فقط إقرأ القصيدة كاملة :
إليكم القصيده يا جماهيري وهي خطره
وخلوا هالرقابه تسجن الشاعر وجمهوره
هدوءً أيها الساده حضور الحفل والسهره
مساء الخير عالصاحي وأشوف الناس مخموره
أنا أسف على الإزعاج ولكن طارت السكره
ذكرت إني قبل ساعات أصيل وعزوتي نوره
على فكره ... الكرفته عجزت أفكها عسره
أبي واحد ينزلها أو أي وحده ومشكوره
وأبي ثوبي جيبوا لي ثوبي الأشهب مع الغتره
قبل والله لا أطربقها على هالحفل بحضوره
ولا واحد يتكلم قبل ما أخلص ... النشره
ومن يحكي قسم بالله لأدوس برجلي حنجوره
تراها قفلت يا سادة بلادي ... ويا ستره
أنا بحكي من أول يوم جيت لدنياً قذره
وتكرم عن قذارتها بيوت الله ومعموره
أنا مولود في ليلة شِتاء مع بردها مطره
بخيمه وسط صحراء ما بها سستر ودكتوره
أنا يا حضرة الساده غريب وضاع من صغره
لعن جدي زماني بين مدهوره ومهجوره
حملت من الشقى ما لا يطاق وجايكم بذكره
ولاني عاجز أتحمل وأموت بنفس مقهوره
وأنا أدري يذبح الرجال كثر الصبر في قهره
وعن قهر الرجال المصطفى حذر ومذكوره
وهم قالوا : مفاتيح الفرج للحي في صبره
وأنا أشوف الصبر مفتاح ضاع وزاد طابوره
تعبت ألملم أيامي بيدين ... الهم والحسره
تعبت ألمع البرواز وأمسح غبرة الصوره
تعبت أبوس كف الجوع وخشم الفقر طال عمره
تعبت أكذب على الحاجه وأقول الحال ميسوره
تعبت أحمس من القهوه وأحط السمن والتمره
تعبت ودلتي وحده وكل شوي ... منثوره
أحسب العز بالدله وبيت النذل به ... عشره
دلاله أكثر ال***** ... ومليانه ومصطوره
أنا بحكم البداوه ... إنزرع في داخلي بذره
عن علوم المراجل ألف بذره فيني مبذوره
تربينا على الدين ... ونطيع الله مع شكره
تعلمنا نصلي ونحفظ القران ... وكل سوره
تعلمنا نحب الضيف ... وفينا الكرم فطره
تعلمنا نقول الصدق ... لا لفه ولا دوره
تعلمنا نحلب النوق ونعرف وش هي البكره
تعلمنا الضمى وحنا بإيدنا البير محفوره
تعلمنا ... وكثير ألي تعلمناه وش كثره
أخذنا درس بالدنيا بدون دفتر وسبوره
وأنتم يا سكارى الحفل عفواً أيها الزمره
من هو فيكم عرف قهر الزمان وظلمه وزوره
من هو فيكم وطاه الجوع وذله وإصفقه فقره
من هو فيكم عرف يحتاج القمه ونشف زوره
من هو فيكم من الضيقه حفر بإصابعه قبره
من هو فيكم رقد ليله وسط أجساد مقبوره
من هو فيكم مشى حافي برمضىً كنه الجمره
من هو فيكم سهر ليل الظلام بدون أباجوره
من هو فيكم ما طاح ألفين مره وسلمت الجره
وأنا من قبل أطيح وجرتي بيديني مكسوره
لكم الماء والوجه الحسن والمال والخضره
ولنا حنا الضمى والجوع وفقر وشيفةً عوره
ولا مره حظي ضحك بوجهي وأشكره مره
وغيري مبتسم حظه وكل أيامه مسروره
كتبت الشعر من صغري وبيوتي ما بها كسره
وأنتم تبرزون ألي كتب بيتين ... مكسوره
أنا يا حضرة الساده فقيرٍ ما إغتنى بشعره
مدام المومس ألي تشري الأشعار مشهوره
وأنا يا حضرة الساده هنا الليله وعلى فكره
ترى هالبدله مسروقه ورجلي بجزمه محشوره
ولكن قلت أبحضر هالحفل والعمر بأختصره
وأبي أبدع معاكم وسط ليله أنس ومحذوره
وإذا كانت رجولتكم ... بكاسة ثلج والخمره
أنا بشرب بدون الكاس وثلجه ألف قاروره
أبويه قال لي مره دسم شاربك ... بالغبره
ما يدري بالشنب محلوق وجابر فاقد شعوره
أنا بأمشي مدام الليل ودع وإبتدى فجره
بروح أرد هالبدله على هالمعلاق مزروره
وأنا أدري يا كلاب الحفل أني بالسجن بكره
مدام الليله جبت العيد بهذا الحفل وحضوره
م
ن
ق
و
ل
لعيون منتديات جرووح[/align]
|
|
|
|