يقـول المحبـه ويـش لوغابـوا الأحـبـاب؟
أقول الجسد..من غيـر نبـض وشعـور وروح
يقول النهار يغيـب! وش موقفـك لاغـاب؟
أقول أن رضيت أسكت..يصير السكوت..البوح
يقول الستر..سمعـه وذكـر وفعـل وثيـاب!
أقول المحب مـن الولـه والسهـر مفضـوح
يقول أنت قايل لي بسافـر بـدون عتـاب؟!
أقول أيه! قبل أضيع فـي وجهـك المملـوح!
قبل تبـدي الاعجـاب وأبادلـك الأعجـاب
قبل..تاخذ أحساسي وقلبـي عبـث وتـروح
قبل..ينفتح لـك بيـن عـوج الحنايـا بـاب
ويبقى على طاريـك طـول العمـر مفتـوح
قبل..لاتوهـق فيـك يالصادق..الـكـذاب
قبل..لاتحطـم مـنـك يالمخطى..المسـمـوح
قبل..لاتعلقنـي وترحـل بــدون اسـبـاب
قبل..لاتعلمنـي أعـد السنـيـن جــروح!
قبل..يتبعك وأنـت تمـادى جفـا وغيـاب:
قصيدي ودمـع عيونـي وصوتـي المبحـوح!
ياليت الزمن يرجع وأحسب لجفـاك حسـاب
وعد..ماتعلـق فيـك وأنساك..قبـل تـروح
محمد جارالله السهلي
|