السلام عليكم ورحمة الله وبركاته
الله يمسيكم ويصبحكم بالخير .. كلن ووقته
والله اني احترت من اي اقسام المنتدى ابدا واشارك ولكن للشعر فينا علامه .. فاتكلت على الله وزيّنت لي كم بيت مطلعها استوحيته من احدى الخواطر المنسوجه بين جنبات هذا الصرح علها مثل ما يقولون من القلب إلى القلب
كذا عايش بدون احساس تايه
بشر همــه رضــى الله ثم امّــه
ولاحــــب التــجــبــــر والنــكــايــــه
ولاحــــب التغطــرس والمذمّــــه
واخاف الحــزْن لا عتّــم سمايــه
ولو حزنــــي تجرعتــــــه بسمّــــه
واسوا شي تسال عن هوايه
ترى العشاق لو ينسون ..( خمّه )
وجيت الــمنتداكم فالبدايه !!
لفت شوفي بحر يا مر جمّه
مواضيع الغياب 😢 .. اللي كمايه
عليها الشوف من مابه يعمّه
بسبّــــة علّتــي مدري دوايــــه
دوا يــا مــاحــلا شوفه وشمّــه
ولكن للنصيــــب احيان غايــــه
وانا راضــي ولو جرحــي بدمّــه
وبه للشعــر منبــر يـــا شقايــه
اذا ما جبــــت علــمٍ لــه متمّــــه
وبه عالم ولا اعرفهم عسايه
مجي بالغايبه ولا المطمه 🙌
مــع الوافيــن دايم يا وفــايــه
ومن ما شافني ما شلت همّه
وذا وانا بدون احساس .. تايه
بشر والاسم باللي طاب سمّه
وسلامتكم واعتذر عن القصور او الاطاله
اعذب التحايا لكم
التعديل الأخير تم بواسطة جرـرـرح ; 04-19-2018 الساعة 02:50 AM
|