ضمدي جرح المفارق بالوصال

لايطول البعد ويموت الجريح

يعشقك عشق اليتاما للخيال

لا استباحوا ذكريات اهل الضريح

وردة البستان مال ابها الدلال

وانكرت كفي وطاروق المديح

وانكرت حتى السواقي الظلال

والمطر والهمس والشوق الصريح

عودها بعد استوى مضرب مثال

جعلها تحرم على الكف الشحيح

كفها الفنجال وكفوفي دلال

وقهوتي شوقي وقلبي له صحيح

سقتها والعمر قافيه الزوال

ولجل عين مواصلك امشي واطيح

اتعبتني فالهوى روح وتعال

واشعلتني مع هبايب كل ريح

عاشق يمزج خياله بالمحال

واخر جروحه من اعماقه يصيح

مابقاله في هوى الدنيا مجال

غير دمعٍ من على خده يسيح

قالها والشوح في روس الطوال

وقبل يرقا يسمع لصدره فحيح

مير تدري جا على بالي سؤال

لو اموت بسبتك تاتستريح..؟

كان لا ارجوك عجل بالوصال

وكان جاوبت بنعم مات الجريح