العودة   منتديات جروح > ©§¤° الاقسام الادبية °¤§©¤ > القصص والروايات

القصص والروايات يختص بالقصص والروايات الادبيه

إضافة رد
 
أدوات الموضوع انواع عرض الموضوع
قديم 04-08-2008, 04:17 AM   #1


في البداية بعطيكم فكرة مبسطه عن أشخاص القصة..

أبو إبراهيم: داخل شراكة مع أخوه وهم من أكبر أصحاب الشركات بالبلد.
إبراهيم الولد البكر يدرس رابع كليه في علوم الإدارة عمره 22 سنة
أخته ريـم تدرس ثالث ثانوي ..
أم إبراهيم وأبو إبراهيم منفصلين عن بعض من كانت ريـم في بطن أمها.
أبو إبراهيم كان متزوج قبـل ماينفصل عن أم إبراهيم بشهور ..
وله عيال من زوجته الثانيه وهم:
فيصل +ديمه: ثاني ثانوي أصغر من ريم بسنه وهم توأم
لينا:ثالث متوسط..
أبو إبراهيم كان رجال ونعم فيه,, أخوه محمد توفى هو وزوجته في حادث سيارة وهو اللي تولى تربية ولد أخوه الوليد وأعتبره مثل فيصل بس الإختلاف كان في فارق السن حتى فيصل الوليد هو اعز أصدقاؤه رغم فرق
أربع سنين اللي بينهم لكن كانت أفكارهم جدا متقاربه من بعض.
الوليد يدرس جامعه قسم ترجمه...
و ريم عايشه مع أمها وأخوها إبراهيم في بيت تكفل في مصاريفه أبو إبراهيم كانت أم إبراهيم طالبه من أبو العيال أنه يخلي العيال بحضانتها وأبو إبراهيم يعرف إن العيال لا يمكن يستغنون عن أمهم وأن الأم ماتقدر عنهم خلاهم يعيشون عندها ويجي كل ويك إند ياخذهم يقعدون عنده في البيت لأجل يشوفون إخوانهم..
أم إبراهيم لها أخو من الأب أصغر منها بفارق سنوات كبير..
................




الجزء الأول

( ونــبــدأالحــيـــن الـــقــــصــــــة)إبراهيم : ريـــــم يالله ياريـــم تأخرنا أبوي دق علي 3 مرات يسأل عننا ..
ريـم: زين ان شاءالله بس جايتك فكنا من شرك..
التفت إبراهيم على أمه حب راسها وودعها والأم تقول كل يوم كلمني طمني عليك وعلى أختك دير بالك على أختك لا يكون أحد يزعلها !! قال إبراهيم ولا يهمك يالغاليه انا أقدر ماأكلمك ؟؟
نزلت ريــم من فوق وهي شايله عباتها وتبرطم على الشغالة
إبراهيم : شفيك شفيك ؟؟
ريــم : مدري متى تفهم هذي وتكوي عباتي من غير قول؟؟!!
إبراهيم: الله يعينها عليك بس هي فيها حيلك هالعجوز ؟؟
ريم : تقول شيء ؟؟
إبراهيم : لا سلامة راسك عجلي بس ورانا طريق..
ريم : وش طريقه كلها ربع ساعه وحنا طابين بالخبر
التفتت ريم على أمها وودعتها وحبت راسها ومسكتها امها وحضنتها بقوه كان عندها احساس بشيء بس ماتدري وشو (وأعطتها الديباجه المعتاده من نصائح و..و..وإلخ)
وقامت تبكي الأم من غير حيلها وعلى طول خمتها ريم وخمها إبراهيم وهو يقول يمه كأننا أول مرة نروح حنا كل ويك اند نروح ونرد بس قطعتي قلبي..وكلها يومين وبنرد إن شاءالله والأم تقول الله يردكم بالسلامه لاتطولون علي.. وحبتها ريم وحضنتها بقوة وهي تقول بس يايمه ..خلاص ياإبراهيم مابي أروح واخلي أمي روح أنت وسلم لي عليهم وأنا بتم عند أمي ..
إبراهيم: لا وينك انتي مافيني استحمل هوش ابوك لا درى انك مو معي ؟؟
الأم : لا خلاص ياريم خلاص يا يمه روحوا وانا بنتظركم بس لا تطولون علي ..
وودعوا أمهم وراحوا يركبون السيارة وريم كان قلبها يتقطع على صياح أمها ..
ركبوا السيارة وبالطريق كان الجو شوي جامد ومافي أي تعبيرات حب إبراهيم يغير الجو على أخته خاصة وانها طالعه وهي متكدرة على أمها قال لها بوقف عند المحطه أعبي بنزين تبين شيء من البقاله ناظرت ريم على طول التانكي وقالت:مو كأن التانكي مليان وش بتعبي ؟؟
لقط إبراهيم وجهه وقال لا بس ابي البقاله تبين شيء منها قالت سلامة راسك ؟!
وقف إبراهيم عند البقاله ونزل والتفت على ريم وقال لها شوي وبرد ..
ريم صرخت إبراهيم بليز لا تنسى تقفل السيارة أخاف !!
ضحك إبراهيم وقال ما تكبرين انتي ولا يهمك بقفل السيارة واشيل المفتاح عقب مانزل جلست ريم تتفرج على الأشرطة الموجوده لقت شريط منوعات شغلته وكانت الأغنيه لـ حسين الجسمي (أمي) وكانت تقول الأبيات:

ياأمي ياغلا الـــدنيا وأصدق عاطفه في الكون
وأدفى حظن يحـظني واكــبر قــلــب يــحـويـني..
أنـا بــك دنــيتي جنــه وبـــسماتــك مـطـر ومزون
وضحكاتك ربيع أخضر زهــــــوره فــتــحـت فيــني
اذا شـفتــك أرى الــدنيا صبــاحك بالفــرح مسكــون
وإذا غبتــي عن عيونــي يغــيـــب النــور عـــن عيني

وقفت ريم عند هالبيت بالذات وإذا( غبتي عن عيوني ** يغيب النور عن عيني )
نزلت منها دمعه حارقه فعلا دمعه من القلب دخل عليها إبراهيم ولقاها تصيح ماكان يشوفها لانها متغطيه لكن كان يحس بصوت صياحها ركب السيارة وسكر المسجل وقال لها: ليش ريامي تبكين فقدتيني ؟!! وهو يضحك
ريم : إبراهيم مو متفيقه لك ابي امي ردني لها
إبراهيم: ريامي امك مافيها الا كل خير ان شاءالله اذكري ربك انا اقول وش طيحك على هالشريط ظاقت يعني من بد كل الاشرطه مافتحتي غير هذا الشريط؟؟وش هالنحاسه؟؟
ريم : إبراهيم ابي امي واللي يسلمك ابي امي وصارت تصيح مثل الطفل التفت عليها
إبراهيم وقال : ريامي بكره لا تزوجتي وش بتسوين ؟؟ زين عندي لك حل نكلم امي نطمن عليها ؟؟؟شرايك؟؟
اشرت له ريم براسها يعني ايه مسك الجوال ابراهيم واتصل في امه ..
إبراهيم: هلا بهالصوت هلا بالغاليه شخبارك؟؟
الأم : هلا بك ياولدي أنا بخير بشرني عنكم تولهت عليكم؟
إبراهيم : أمداك تونا طالعين من عندك
الأم: يابوي انا اتوله عليكم وانتم بجنبي
إبراهيم: فدييييتك يا الغاليه زين كلمي ريم تراها ابلشتنا كله تصيح مثل البزران
ريم: هلا امي فديت هالصوت شخبارك شعلومك وش مسويه تولهت عليك
إبراهيم داخل عرض يقول لريم: حشا كم حرف في الثانيه تقولين؟؟
ريم تناظره بنظرات تهدد وتشر بيدها اصبر علي ..
الأم:هلا في بنتي هلا بك بخير انا ياعمري بس لا تشغلين روحك فيني
ريم: فديييييييييييتك يمه ابي ارد لك مابي اروح لابوي هالويك اند
الام : لا خلاااص يمه انا بخير روحي وردي لي بالسلامه لا تطولون علي
ريم : يمه مااوصيك على روحك ديري بالك على حالك..
إبراهيم: يكفي قرق حبيبتي هذا يصرف فوااااتير
ريم: يمه شوفي ولدك البخيل يبخل علي بمكالمتك ذبحنا والمشكله كأنه دافع من جيبه فلس كله من ابوي الله يخليه لنا
الام : زين بنيتي لا ياكلك الحين اخوك يالله بخاطرك ديري بالك على روحك وسلمي لي على اهلك..
ريم : ان شاءالله مع السلامه
الام : الله معك
وعطت ريم الجوال لـ إبراهيم وهي تقول يوووه عسى مارفعت فاتورتك هالدقيقتين ؟؟

طبعاً القصه طويله كذا جزء ماراح انزلها الا لما أحصل تفاعل
يعني اللي متحمس راح اشوف ردوده وربي القصه روعه لاتفوتكم<<<نوع من انواع الحماس^ـ^
دمتم بحب
ايمووووني





  رد مع اقتباس
قديم 04-08-2008, 04:40 AM   #2

افتراضي

يسلمو ايموني على القصه





  رد مع اقتباس
قديم 04-08-2008, 07:25 AM   #3

افتراضي

يعطيك الف عاااااااااافيه ايموووني





  رد مع اقتباس
قديم 04-08-2008, 05:27 PM   #4

افتراضي

اخس عليك ياايموني والله اني قاعده اقرى ومتابعه بحمااااااس يالله عجل بالجزء الثاني


روح الروح





  رد مع اقتباس
قديم 04-08-2008, 11:14 PM   #5

افتراضي

يلا ننتظر الجزء الثاني





  رد مع اقتباس
قديم 04-10-2008, 06:38 AM   #6

افتراضي

يسلمووووووو علـــــــــــــــى المــــــــــرووور وانــــــــــــــا جالس ادوور في الجزء الثاااااااااااااااني





  رد مع اقتباس
قديم 09-23-2010, 11:38 AM   #7

افتراضي

يعطيك الف عآآفيه

لاعدمك
يالغلـآ

ودي لعيونك





  رد مع اقتباس
قديم 02-18-2015, 04:30 PM   #8

افتراضي

بسم الله الرحمن الرحيم


طرح ...
ولا أأأأأأأأأأأأأأأأأأأأأأأأأأأأأأأأأأأأأجمل
يعطيك العافيه

تسلم الأيادى

تقبل تحيتى
بارك الله فيك
سنه سعيده
أسعد الله أيامك
فى أمان الله





  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لا تسمح لأحد أن يملأ فنجانك ,, املأه بإرادتك روعة الاحساس القصص والروايات 14 11-21-2011 06:41 PM
الدخول للرجال فقط ولا مانع من إصطحاب النساء للأهميه ابو خالد عالم الزوجيه و الاسره والمجتمع 11 11-04-2010 05:32 AM
قطع رأس أمه وهي تصلي فانظروا ماذا فعل الله به...؟؟ مضيع الطاسه القصص والروايات 12 09-23-2010 12:26 PM
قصه شبيهه بالخيال ومؤثره>> سوكره القصص والروايات 6 09-23-2010 12:10 PM
(ياقو قلبك) رائعة الصديق العزيز / سعيد بن مانع مـحـمـد الصوتيات والمرئيات 12 09-21-2010 05:46 AM



الساعة الآن 08:52 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas