قديم 01-28-2008, 12:01 PM   #1




[align=center]ناقتـي ياناقـتـي لاربــاع ولاسـديـس
وصليني لابتي مـن وراء هـاك الطعـوس
حائلاً رابع سنه من خيـار العيـس عيـس
خفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـس
تنوخذ من شدة البـرد طقطقـة الظـروس
في عيوني يكفخ الطيـر ويطيـح الفريـس
وانتهض جساس من دون خالته البسـوس
وفي خفوقي فرخ جنيتاً يضـرس ضريـس
يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفيـس
عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس
طينتاً من تربـة الخلـد والـدم محمـوس
نقشت خمساً من الخمس في يوم الخميـس
ليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس
كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس
صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس
قبتين قـاب قوسيـن قوسـاً جنـب قـوس
خصرها يحكي لنـا واقـع القـوم التعيـس
وردفها عن غطرسة بـوش يعطينـا دروس
وبالرغم من قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غير ابـو تركـي عريـس
العروسه نجـد ماهيـب حـي الله عـروس
نجد بنت المجد ونسـة مونسـة الونيـس
ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس
وعيشتي مابين أسوداً ولـو مانـي رئيـس
(خير من كوني رئيساً على شلقـة تيـوس)
وليس عيباً إن خدعني بمكـره كـل هيـس
لان مايفهـم بمكـر الهيـوس الا الهيـوس
مصطفى في مأدبـة عمـه البابـا لويـس
كبر اللقمه تحـت ضـؤ حمـراء الكـؤوس
وطسم حدتها على حائـط المبكـى جديـس
يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس
دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قيـس
والبستهم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس
درسونـا الالهـه والمـدرس هـنـا روس
ويش لاقوا من قناة السويس اهل السويـس
وويش لاقوا من تلمسان قوماً من سنـوس
كلهم من شـدة الجـوع راحـوا خندريـس
بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس
وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس
والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس
صدق لاقال العرب مايحـوص الا الخسيـس
ولايوط الروس شئياً مثل ضعـف النفـوس
[/align]





  رد مع اقتباس
قديم 01-28-2008, 02:33 PM   #2

افتراضي

قصيده رائعه

خاصة ان القاف فيها صعب شووي

لكن ابدع الفراعنه ما شاء الله عليه

يسلموووو الدلع كله على النقل





  رد مع اقتباس
قديم 01-28-2008, 07:10 PM   #3

افتراضي

الله يعطيك العافيه اختي الكريمه الدلع كله على هذه القصيده الجميله وصح لسان شاعرها

الذي اتمنى أن يكون البيرق من نصيبه
.





  رد مع اقتباس
قديم 01-28-2008, 08:06 PM   #4

افتراضي

قصيده رائعه والاروع ناقلها

صح لسان قائلها وسلمت ايادي ناقلها

يعطيك العافيه اختي





  رد مع اقتباس
قديم 01-29-2008, 07:56 AM   #5

افتراضي

يعطيك الف عافيه

الدلع كله

شاعر مبدع بصراحه ونادر وجوده

واتمنى له التوفيق في شاعر المليون


وفالك البيرق

<<<<<<<< مسوي تركي المريخي على غفله

والا حمد السعيد

ههههههههههههههههههه

تقلبي مروري





  رد مع اقتباس
قديم 01-29-2008, 11:51 AM   #6

افتراضي

[align=center]Mjro00o7
ضناني الشوق
انت عمري
اسير الجروح


[/align]





  رد مع اقتباس
قديم 01-29-2008, 12:33 PM   #7

افتراضي

نقل رائع الدلع لشاعرنا السبيعي





  رد مع اقتباس
قديم 02-15-2021, 08:56 AM   #8

افتراضي

تعبيرات متفردة وكلمات مختارة بقافية ليس غريب عليه
شكرا لننقل ولأمتاعنا به





  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صورة شبيهة ناصر القصبي تغزو تويتر عيونك دنيتي الاخبـار الساخنــه والاحــداث المثيــرة 4 09-27-2013 11:35 PM
عصير الفراعنه [اسم ناصر الفراعنه اصبح لـ التسويق] غالي الاثمان المنتدى العـام 14 05-26-2008 08:51 PM
قصيدة المبدع .....ناصر الفراعنه .....(دثريني ) أيــــمــــووووني الشعــــــــــــر 5 04-07-2008 01:27 PM
شرح قصيدة حيرت النقاد ( لناصر الفراعنه ) Mjro00o7 الشعــــــــــــر 5 03-11-2008 04:28 PM
قصيدة ناصر الفراعنة في الخيل ابو فيصل الشعــــــــــــر 3 03-08-2008 10:18 PM



الساعة الآن 02:48 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas