قديم 10-14-2018, 08:29 PM   #1



خلوها يا اهل الشعر أخماس وأسداس
قصيدتي هذي خطيرة مثيره

لله وللتاريخ ولكل هالناس
ولهالحياة الزايلة والمريره

وأللي مهوب لذروة الفكر عساس
ينظم لأصحاب النفوس الكسيره

الله الأول قبل لفظ الانفاس
عز وجل من الظنون الصغيره

ما مثل مثله مثل ولا له أجناس
يخلق مخلوق ولا يستشيره

أذل له وانصاع له وأحني الراس
أللي جعلني ما اعبد رب غيره

عساه يكسوني من السندس ألباس
في يوم يعرى به الأمير والأميرة

شاعر وذنبي غير وسكوتي أجراس
ونفسي على مالله عطاها فقيره

من كثر ما أعطي حب واخلاص واحساس
أنا ما عاد أعرف وشلون أصيره

في عقلي الباطن عقيده ونوماس
وفي واقعي خوف وتردد وحيره

هل يا ترى ببني على حلمي أساس
أم يا ترى ببقى على هالوتيره؟

والافلاس ماهو أفلاس من حلم الافلاس
إذا ما تملك لنفسك بصيره!

ما خلق شي إلا بقدر ومقياس
ما شي يغلب شي أو يستعيره

أللي خلق خوف وخلق ضيقة وياس
خلق أمن وأفراح وحب وبريره

لذلك الله لا يوليني أنجاس
ويكسوني بفضله ومنه وخيره

الرب إذا تحتاج له صرت نبراس
والإنسان إذا احتاج له صرت أسيره

والناس ناتج ناس استلطفوا ناس
أبناء رغبة واستهامه وغيره

لولا التلاطف وأللي ما بين الأقواس
ما شفت هالعالم شفوحه غفيره

ندور ويدور بنا كل هوجاس
ومن أجل ذلك روسنا مستديره

الكل تايه في مصيره ومحتاس
وماهوب هو أللي يحدد مصيره

فيا ليت ما تنسى الذواليق غراس
وما ينسى مجرى المياه وخريره

أعلم أللي عاث من بعد ما جاس
ترى الجهل راس الأمور الشريره

الإنسان لو يملك من الجن حراس
أحقر ذبابه قادره تستثيره !

وين الملوك أللي على أقباب الافراس
راحو وخلو المغريات الكبيره

هالأرض ياللي يرجل الناس تنداس
بواقي ابن داؤد وابن المغيره

الله يلعن كل مشرك وخناس
والله يلعن هالحياة القصيره

صغير الادراك وصغير الباس
يشوف كل الناس مثله صغيره

يا قلب برد كل ما هب نسناس
ما دام هاليمنى نديه جديره

يفداك من رزقه قتات وتمراس
لولا رئتينه ما طلع زفيره

شفاه من طرد الملذات يباس
وهو على عد الرواة وغديره

حديثه فما قال حمزه فعباس
ما حدث لمسلم عن أبو هريره

العمر فرحه وحده وعشرة أتعاس
ومن لا يجيره خالقه من يجيره

ومن عاش شاف وكل غبه بغطاس
والصدق خيرة مذخرته الذخيره

كل ما اكتشفت من الأصاحيب بلاس
أقول يالله جعل فالأمر خيره

خيره تعرف إن به من أصحابك اخساس
خيره ولكن يا عساها الأخيره

أقسى جروح الناس تغلبه بنعاس
ما يذبح الإنسان إلا .. ضميره

بعض البشر مثل ابتسامات الاعراس
على كثر ماهي مثيره ضريره

وحيد ولا عندك من الناس جلا س
أخير من شر الكلام وسعيره

والكل ما يخلو من أخباث وادناس
في كل نفس هناك حاجه حقيره

فمن قبل لا سوي مشاكل مع الناس
عندي مع نفسي مشاكل كثيره






  رد مع اقتباس
قديم 10-14-2018, 09:07 PM   #2

افتراضي

رائعه بكل معنى الكلمه
ذووق راقي واسلوب فريد
سلمت اناملك استاذنا العاطفي
لك ذوق راقي دوما
لك جزيل الشكر ♥
دمت بحفظ الرحمن





  رد مع اقتباس
قديم 10-15-2018, 04:55 PM   #3

افتراضي

هلا وغلا
باختي الغالية قطر الندىء
تشرفت بمروركِ وتعليقكِ واذا كان هناك ذوق فانتي اصلة ومنبعه
ونحن نتعلم منكِ الذووووق
شكراً لكِ مره آخرى على تشريفي بمروركِ
وربي يعطيكِ الف عافية متمنياً دوام التواصل
اخوكِ المقصر
العاطفي





  رد مع اقتباس
قديم 04-27-2019, 03:28 PM   #4

افتراضي

يسلم ذوقك





  رد مع اقتباس
قديم 04-27-2019, 03:29 PM   #5

افتراضي

يسلم ذوقك قصيده رائعه





  رد مع اقتباس
قديم 04-27-2019, 07:36 PM   #6

افتراضي

هلا وغلا

اختي الغالية

والذوق منكِ وفيكِ

وتشرفنا بمروركِ وحضوركِ

ربي يخليكِ ويحميكِ ويديمكِ بينا اخت وعزيزه على قلوبنا






  رد مع اقتباس
قديم 08-16-2019, 03:52 PM   #7

افتراضي

صح احساسك الفاخر
ابداع شعري راقي

حضور يليق بجمال المفردة

وروعة الفكر المميز

دمت راقي





  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خطيره بنت جروح تبغى ترحيب يليق بها ههههه خطيره منتدى جروح للترحيب 13 05-11-2016 05:21 PM
اغلق ثلاث ثغرات خطيره بالاكس بي‏ شٍـٌٍـوٍوٍوٍقٍ الكمبيوتر والانترنت 8 06-15-2015 01:31 AM
أ اضرار خطيره يسببها السهر وقله النوم هَمَسآت قَلْب الصحه والطب 9 07-22-2013 01:37 PM
سلطآت منو و و عه شكلهآ خطيره =$ شموخي قهر عذالي بالهناء والعافيه 7 11-18-2011 02:31 AM
تحذير من استخدام كاميرا اللاب توب خطيره جدا شٍـٌٍـوٍوٍوٍقٍ المــاسنجــــــــــــــر 9 06-22-2009 02:32 AM



الساعة الآن 03:38 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas