قديم 07-12-2017, 04:50 PM   #1

الجـافيه

:



؛؛مدخل؛؛

المحبه...دونها حلم ...كبير
والتواصل...مايجيها...بالصدف

أنشد اللي...عن دروبه...مستخير
دام جرح السالفه...مبطي...نزف

أستمع له...وأحتواها...للأخير
وماحصل له...ماتمنى...للأسف










((ذيك الاماكن))


الخافق اللي...فاقدك...ياطلة الغيم...الحقوق
.........................عقب...المواصل والغلا...صار العنا ...ماريته

أشرف على...ذيك الأماكن...بين ضيق...وبين شوق
.........................وأليا ذكر...ذيك الليالي...ماتمنى ...جيته

صحيح...من قال المحبه...صدها سم...الخفوق
.........................أليا طغت...فوق الحدود...أقفت على...حريته

الله على...قلب تناسا...سالفتنا...والحقوق
.........................الظاهر أنه...للجفا...عقب الغرام ...مبيته

ماودي...أظلمهاكذا...مير الطواري...ماتروق
.........................عاد الزمن...يكفي من أول...بالحشا...جنبيته

والخافق...اللي محتضنها...من غلاها...مايفوق
.........................عاد...العلوم الباقيه...تطغى عليها...نيته

حتى الحروف...اللي عسفها...ماتخاويها...الطروق
.........................من عقب...كانت لا أحتزم...تسوقها...جنيته

حتى الطيوف...العابره...ضامت على...كل العروق
.........................الله حسيبك...يازمن كانك...تجامل...سيته

كانت...أماني خافقه...حزاتها...وقت الشروق
.........................مير الظلام...اللي تمادى...مارحم...أمنيته

عزاه...ياخطو الطواري...لانصت...قلب شفوق
.........................عزاه...كان العيد...عبره سابقت...عيديته

ماعاد له...قلب على...ضمة محانيها...يتوق
........................دام الجفا...وقع حضوره...في حشا...ملكيته







؛؛خروج؛؛

الحب / والاشواق / والطيف / والغيره
تجمعن لامن سهيت وذكرتك

والصد/ والحرمان / والدمع / والحيره
أليا لفن في ضيقتي..ماعذرتك





  رد مع اقتباس
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يا حما م الدوح هيجت الغرام روعة الاحساس الشعــــــــــــر 7 04-20-2010 05:18 AM
بلوى الغرام روح الروح الشعــــــــــــر 8 04-15-2008 05:07 PM



الساعة الآن 06:32 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas