روعة الاحساس
04-20-2010, 07:04 PM
قصيدة الشاعر الامير/ محمد السديري في حرب .
يقول الامير محمد السديري ردا على قصيدة سبيل بن سند واعتذاره عن مايقال انه قال في حرب واوجه القصيده لى محمد العسيلي يعتذر منه ومن حرب عامه.
فيقول الشاعر محمد السديري:
اهلا عـدد مامـال ريـح بنبـوب
من خاطر هرج الردى مـا هذابـه
أحلى من السلسال في صافي الكوب
والذ من نقع المطـر مـن ربابـه
من خاطر يشفق على كل محبـوب
ويجعل رفيقـه دون كـل القرابـه
يكن لـه ماكـن يوسـف ليعقـوب
ويحمى قفاه بحضرته مـع غيابـه
ويذريه مايشكي عنا كـل لاهـوب
ويزيد له بالطّيب عـن ماهقـا بـه
العمر من دونه رخيصٍ ومجلـوب
ولايستمـع بهـروج حـيٍ حكابـه
نفتح له صدورٍ تذرّا ورى جيـوب
وعن ما يعيـب منزهيٍـن شنابـه
يا بن العسيلي ما بكم كل معيـوب
حاشا ولا فـي طيبكـم مـا يعابـه
لكم على الجودا محاريـف ودروب
وراسين مثل المعتلي مـن هضابـه
ودياركم حامينهـا بكـل مسلـوب
باللـي غزاهـا مشرعيـنٍ ذبابـه
حامينها عن ضيم غاصب لمغصوب
ويا ما دخلتم دونهـا مـن حرابـه
يا ما نثرتم دونهـا الـدم مسكـوب
اروى لعطشان الثّرى مـن ترابـه
ياهل السّبايا اللي لها الاصل منتوب
معمّقات مـن عصـور الصحابـه
سلايل من فوقها الحرب لحـروب
دايم على الـرّدات عـوج رقابـه
وان جا نهار مشعل الحرب مشبوب
فانتم على الطّوعات مثـل الذيابـه
نعمٍ بكم والسيف مشهر ومقضـوب
إن حل بأطراف الجهامـه ضبابـه
اعني بني سالم ومسروح ووهـوب
ما قولها با هـل الـرّدى والخيابـه
وادي الرّمه من ولبهم صار مهيوب
بـروس البلنـزا مبعديـنٍ رحابـه
اليا غزوا يمّه غـزاة لقـوا شـوب
وطبّوا على بحـر تلاطـم غبابـه
الطّيب لأهل الطّيب يذكر ومنسوب
وكلٍ علـى طولـه تفصّـل ثيابـه
والناس في دنياك غالب ومغلـوب
وكلٍ علـى شفّـه يوجّـه ركابـه
واللي من أفعال الرّدى فيه شـاذوب
هذاك كسّـاب الخنـا فـي شبابـه
اختر رفيقٍ بالقسى يقضـي النـوب
وجنّب عن المنزوع قـل لا هلابـه
وقد رد الشاعر محمد العسيلي بهذه القصيده :-
قال العسيلي وان بدا راس مشـذوب
مرقاب حرك مابضميـري وجابـه
وبديت باسم الله عن الكـل مطلـوب
سايق هماليل المطـر مـن سحابـه
وابديت مافي خاطري يمه وصـوب
من خاطر جاش وجهش كـل مابـه
اهلا هلا ترحيبـةٍ تقضـي النـوب
ترحيبـة المشفـق برؤيـة غيابـه
تحية مثل العسـل صافـي الـذوب
والذ من نقـع المطـر فـي شرابـه
برسالـةٍ كلـف بهـا لـي منـدوب
من اعز مخلـوقٍ وصلنـي جوابـه
من السّديري ماركـم فيـه مكتـوب
عبارت تطلق وجه من هـو كتابـه
كتـاب تمليتـه وقرّيتـه حــروب
واشهدتهم واقـع خطـاه وصوابـه
لاشك ماحصّلـت بالخـط عـذروب
مافيه موضوع عـن الزّيـن شابـه
كلامه الطّيـب قفـل كـل دالـوب
جميـع دالـوبٍ عنـه صـك بابـه
واجاب على كـل ماكـان مطلـوب
فهـم سؤالـي واعتنـى بالاجـابـه
اجابةٍ تفتـح لهـا صـدور وقلـوب
وتغلق لهـا ابـواب عليهـا رقابـه
سلم وغنم من قام في كـل ماجـوب
وجاب الكلام اللـي حسبنـا حسابـه
محمد فداك من المـلا كـل زاروب
اللي صلاحـه مـا يعـادل خرابـه
حقّك عليّه مانسـب العلـم مقلـوب
وحقّي عليك الصّدق في كـل جابـه
لو كل علـم يـم حاكيـه منسـوب
وترجع مناقيده علـى اللـي حكابـه
لاشك احب الصدق والصدق مرغوب
عند الرجال اهل الشـرف والمهابـه
واصاحب اللي صحبته مابها عيـوب
واجفى الجناب اللـي يملّـه جنابـه
واجنّب اللي كـل ماحتجتـه يـذوب
ويروح ضحضاحٍ تلاشـى سرابـه
تذهب مواعيـده مواعيـد عرقـوب
ادراج ريـح الله يخـيّـب شبـابـه
وللي لبس لي بالصداقه ميّـة ثـوب
ماهـو صديـق ولا هبابـي هبابـه
هذا كلام اللـي بـدا راس مشـذوب
راس الطّويل الـي تقطـع سرابـه
يقول الامير محمد السديري ردا على قصيدة سبيل بن سند واعتذاره عن مايقال انه قال في حرب واوجه القصيده لى محمد العسيلي يعتذر منه ومن حرب عامه.
فيقول الشاعر محمد السديري:
اهلا عـدد مامـال ريـح بنبـوب
من خاطر هرج الردى مـا هذابـه
أحلى من السلسال في صافي الكوب
والذ من نقع المطـر مـن ربابـه
من خاطر يشفق على كل محبـوب
ويجعل رفيقـه دون كـل القرابـه
يكن لـه ماكـن يوسـف ليعقـوب
ويحمى قفاه بحضرته مـع غيابـه
ويذريه مايشكي عنا كـل لاهـوب
ويزيد له بالطّيب عـن ماهقـا بـه
العمر من دونه رخيصٍ ومجلـوب
ولايستمـع بهـروج حـيٍ حكابـه
نفتح له صدورٍ تذرّا ورى جيـوب
وعن ما يعيـب منزهيٍـن شنابـه
يا بن العسيلي ما بكم كل معيـوب
حاشا ولا فـي طيبكـم مـا يعابـه
لكم على الجودا محاريـف ودروب
وراسين مثل المعتلي مـن هضابـه
ودياركم حامينهـا بكـل مسلـوب
باللـي غزاهـا مشرعيـنٍ ذبابـه
حامينها عن ضيم غاصب لمغصوب
ويا ما دخلتم دونهـا مـن حرابـه
يا ما نثرتم دونهـا الـدم مسكـوب
اروى لعطشان الثّرى مـن ترابـه
ياهل السّبايا اللي لها الاصل منتوب
معمّقات مـن عصـور الصحابـه
سلايل من فوقها الحرب لحـروب
دايم على الـرّدات عـوج رقابـه
وان جا نهار مشعل الحرب مشبوب
فانتم على الطّوعات مثـل الذيابـه
نعمٍ بكم والسيف مشهر ومقضـوب
إن حل بأطراف الجهامـه ضبابـه
اعني بني سالم ومسروح ووهـوب
ما قولها با هـل الـرّدى والخيابـه
وادي الرّمه من ولبهم صار مهيوب
بـروس البلنـزا مبعديـنٍ رحابـه
اليا غزوا يمّه غـزاة لقـوا شـوب
وطبّوا على بحـر تلاطـم غبابـه
الطّيب لأهل الطّيب يذكر ومنسوب
وكلٍ علـى طولـه تفصّـل ثيابـه
والناس في دنياك غالب ومغلـوب
وكلٍ علـى شفّـه يوجّـه ركابـه
واللي من أفعال الرّدى فيه شـاذوب
هذاك كسّـاب الخنـا فـي شبابـه
اختر رفيقٍ بالقسى يقضـي النـوب
وجنّب عن المنزوع قـل لا هلابـه
وقد رد الشاعر محمد العسيلي بهذه القصيده :-
قال العسيلي وان بدا راس مشـذوب
مرقاب حرك مابضميـري وجابـه
وبديت باسم الله عن الكـل مطلـوب
سايق هماليل المطـر مـن سحابـه
وابديت مافي خاطري يمه وصـوب
من خاطر جاش وجهش كـل مابـه
اهلا هلا ترحيبـةٍ تقضـي النـوب
ترحيبـة المشفـق برؤيـة غيابـه
تحية مثل العسـل صافـي الـذوب
والذ من نقـع المطـر فـي شرابـه
برسالـةٍ كلـف بهـا لـي منـدوب
من اعز مخلـوقٍ وصلنـي جوابـه
من السّديري ماركـم فيـه مكتـوب
عبارت تطلق وجه من هـو كتابـه
كتـاب تمليتـه وقرّيتـه حــروب
واشهدتهم واقـع خطـاه وصوابـه
لاشك ماحصّلـت بالخـط عـذروب
مافيه موضوع عـن الزّيـن شابـه
كلامه الطّيـب قفـل كـل دالـوب
جميـع دالـوبٍ عنـه صـك بابـه
واجاب على كـل ماكـان مطلـوب
فهـم سؤالـي واعتنـى بالاجـابـه
اجابةٍ تفتـح لهـا صـدور وقلـوب
وتغلق لهـا ابـواب عليهـا رقابـه
سلم وغنم من قام في كـل ماجـوب
وجاب الكلام اللـي حسبنـا حسابـه
محمد فداك من المـلا كـل زاروب
اللي صلاحـه مـا يعـادل خرابـه
حقّك عليّه مانسـب العلـم مقلـوب
وحقّي عليك الصّدق في كـل جابـه
لو كل علـم يـم حاكيـه منسـوب
وترجع مناقيده علـى اللـي حكابـه
لاشك احب الصدق والصدق مرغوب
عند الرجال اهل الشـرف والمهابـه
واصاحب اللي صحبته مابها عيـوب
واجفى الجناب اللـي يملّـه جنابـه
واجنّب اللي كـل ماحتجتـه يـذوب
ويروح ضحضاحٍ تلاشـى سرابـه
تذهب مواعيـده مواعيـد عرقـوب
ادراج ريـح الله يخـيّـب شبـابـه
وللي لبس لي بالصداقه ميّـة ثـوب
ماهـو صديـق ولا هبابـي هبابـه
هذا كلام اللـي بـدا راس مشـذوب
راس الطّويل الـي تقطـع سرابـه