|
https://i2.wp.com/th01.deviantart.ne...by_Kikyo15.jpg يحق لك يازين نايم ومرتاح واناعيون طولت في سهرها يمرني طيفك مع الليل سواح واسامره لين يتبين سفرها واسأل عليك الشوق والشوق فضاح كم نظرة لأهل الهوى ماسترها بوحي |
يعجبني اللي ما يحسب المخاسير ولا همته عسر .. الحياة وغثاهااااا يفزع مع المحتاج .. ويبادر الخير يعطي ولو روحه بكفه عطاهااااا ويفرح إليا جوه .. النشاما مسايير وكفه كريم ولا حسب وش وراهااااا وفي مجلسه تلقى الدلال المباهير ونفسه خفيفه .. والمراجل رقاهااااا |
خلك معي أقرب من الشوف للعين
و ابقى معك مثل العيون و نظرها |
ياجعلني مافقدك ليله ولا يوم
ياللي زماني ودنيتي كلها فيك اغليك وانت بداخل القلب مرسوم لك صورةٍ بالقلب وشلون اوفيك |
للي سعى لحلمه لقاه
حتى ولو دربه طويل .. عندي قناعه بالحياه مافي كلمة مستحيل :) |
سلامتك .. من كل حاجة تضرك
و سلامتي .. من غيبة اللي عشقته ! يمرني اكثر من اللي .. يمـرك [ باآب الحزن ] يفتح وانا ما طرقته! حالي .. لو اني بـ أوصفه ، مآا يسرك دمي من التفكير .. شفني ..حرقته ! |
مرتبك واحس في صوتي وجع
كل شي فيني غريبه حالته الكلام اللي فـي قلبي لو طلع تخلص دموعي وهي ماقالته |
من يمنع الضيقة على قلب مرتاح ومن يحتوي ضخ الغلا داخل الدم هذي هي الدنيا بها هم وأفراح ليت الفرح يقضي على زايد الهم |
أستنسخ اشباهك ولوّ مالك اشباه
واتأملك.. في ناس ما يشبهونك :) |
تعبت اعاند خافقي واقول ما ابيك
وانت عيوني غصب ساكن نظرها واصـــــارع اشواقي اذا حل طاريك واكذب على الجلاس واكتم خطرها واقـــــول ما اعرفك وانا ميت فيك والنفـــــــس كن الي طراك طعنها |
صاير يمون الحزن والحزن دمه ثقيل
لا شاف قلبي ضحك بكاه من ضحكته. |
بشويش غطّ الحلم وافتح جفونكـ ..
حتى نعرف شلون نصبح على خير .. وشهو الصباح الا اغاني عيونكـ .. من نظم أهدابك ولحن العصـآفيـر .. |
خذني على قدّ الوله واشتياقي
ترى الكرم بالحبّ حاجة عظيمة |
أشيائنا المُبهمة فتنة غمُوض وسكُوت
كلٍّ حسب نظرته / بيشُوف تفسيرهــآ ! قلُوب متنوّعــة / متفـاوتــه بـ القنُوت وعقُـــول أنماط مختلفة بـ / تفكــيرهآ ! كثيـر فينآ مشــاعـر قبل تُولـــد تموت , وكثيـر أحاسيـس تقتلهآ / تعـــــابيرهآ ! |
أنا اللي يستر البسمة مع طاريك
أحبك بس أحبك من طرف ساكت . |
https://encrypted-tbn0.gstatic.com/i...wPh9DllIqNPg&s ياعين نامي هالسهر ليه ياعين ؟؟ منتي على قل المنام محدوده خلي السهر للي مع الحب لاهين اللي محبتهم بصدق معدوده وش عاد لوذولا مع الليل باقين يرجون في هالليل لقيا ودوده عاشوا حقيقة حبهم مع محبين عاشق ومحبوبه يحس بوجوده ماهوب مثلك ماوفوا لك محبين اللي خذوا صدق الشعور ببروده ناس خذت درب المحبين سالين ماقصدها زهر الغرام ووروده بوحي |
كنت اقول اني لو تضيق الوسيعة ما اضيق
واكتشفت ان البني آدم ضعيف ولو قوى كل ماسقت القدم يمّ السعة ضاق الطريق وكل ماحطيت رجليني على درب التوى امتلت عيني من الماء وفي صدري حريق والطعون اللي من ايدين الحبايب مو سوى والله اني كنت أدف طويق واطيح طويق لين صرت اطيح لو يلفح طرف ثوبي هوا |
حبك سمـا بالقلب تضوي بروقه
.والشوق هماله من الوسم هطال والطيف مثل الشمس حزة شروقه والصد صيف ٍ للمعاليق سلال |
المكابر بالهوى صعب تفسيره
بين ابيه و بين كيفه ولا جاني |
مايهم الشوق دام المفارق صار أهم
أوعدك أني ماعاد أقترب لك أوعدك . كافي أني شفت فرق الحقيقه والوهم أسعد الله خاطري وأنت الله يسعدكً |
يصير أحبك من جديد
من غير حب قد مضى !؟ ودي معك أرجع وأعيد كل الزعل ..وكل الرضى ! قربك هنا حبك قصيد عطرك نسم جمرك غضى تحت أمرك قل وش تريد الأرض لك ..لين الفضى وجهك هو الحظ السعيد وانا السعيد اللي حظى |
ان تضايقت ودريت ان الظروف تموّت
وابتلشت بـ همّك وتشتيته وجمّاعه لا تعلق في متاهات الزمن وتصوّت دوّر اسمي بين الاسما وارفع السماعه ! |
آليا كسر في خاطرك شخص تغليه
حتّى المعاتب .. تستحي من عتابه .. |
ضمّني خل الضرر .. بينك و بيني
الضرر من ضمّتك شي إضطراري |
http://www.hamsatq.com/kleeja/uploads/1451585850811.jpg جاوبيني في الهوى صرخة عشق واسمعي مني تناهيد الغرام كم ندهتك كل مايسري شفق والليالي تنسج خيوط الظلام بس انا والشوق والرجوا رفق والشعور الي يغذيه الهيام صوتي الي ذاب حسه واحترق انده ويرجع علي نفس الكلام بوحي |
أنا الحساسة اللي كلها أشجان
معه حتى المشاكل مالها أي حل على قد الغلا ، أزعل من الغلطان ومن غيره لو انها جات ما بـ أزعل |
https://pbs.twimg.com/profile_images...f_400x400.jpeg اكتب لها حلوالقصايد والأبيات واكتب خواطرصادق العشق فيها واجي على الموعد مع الشوق لهفات اسابق اوقات اللقاء واحتريها يمكن تجي واروي قصيدي حكايات سوالف عين الغرام تحكيها ويروح كل الليل وتغيب نجمات وانا على رجوا وعوده يجيها مغيراعاتب سرعة الوقت بسكات واشره على وقتي ولا اشره عليها بوحي |
هذا نصيبي من الايام .. من صغري
احيان اقوى الحزن واحيان ما اقوى لو تدري الناس ويش اشيل في صدري ما عاتبتني على شغلات ما تسوى :) |
https://78.media.tumblr.com/b316ebc8...m8iuo1_500.jpg وصلاة ربي عد ماطاير طار وعد النجوم اللامعات السهيرة وعد الرمال وعد همال الأمطار واعداد من يسكن بلاد وديرة مع ماخلق بالكون في بر وابحار مع مثلهن واكثر صلاة كثيرة على النبي الي من الله مختار محمد الي للخلايق بشيرة بوحي |
ان تضايقت ودريت ان الظروف تموّت
وابتلشت بـ همّك وتشتيته وجمّاعه لا تعلق في متاهات الزمن وتصوّت دوّر اسمي بين الاسما وارفع السماعه ! |
http://www.ksa-5.com/wp-content/them...es/noimage.jpg احدهم قال اكتب بيتين للي فبالك للي فبالي بيتين بس ؟! اللي فبالي مايكفيه بيتين الله عليه اللي توطن فبالي لو اكتب ابيات الغلا له ملايين والله ماتكفي ولوهي جزالي مستوطن قلبي له شهوروسنين ومتملك بالعشق روحي وحالي له في رفوف القلب كتب ودوواين وحروف عشق سطرتها الليالي وشلون ابين له غلاته بشطرين وله منزل في داخل الروح عالي لكن عسى الله مايفرق محبين والله لا يبين غلا كل غالي بوحي |
ي سلام عليك ي العذب انشهد ماتكفيه بيتين
صح لسانك على هالجمال ... ولاترضى علي من الكلام الشين وأنا بنته وهو يجمد على الشارب ولاتسأل وأنابعز الحزن تبكين؟ هذي أرضك إذآك تحبها حارب أبي تفتل معي فكرةوتنقض لين ماحس إنك مثل حمل على الغارب أبي تغمس يدينك في شعوري زين معك مابي أحس ان الشغف هارب ولاتفرد جناحك وأنت ظلك عين معي في كل حاجة سدد وقارب |
تعال خذني مثل ما ياخذ النوم
عين المريح إللي من الهم خالي |
إذا أصبح وجودي في حياتك ثقيل وغث
حشيمة غلاك اتحدّ نفسي على الصدّه َ قبل لحظةٍ فيها الخطا للغلا يجتث قصرت الخُطى لو كان لك حب و مودّه ! |
مااحلى المسا لاخالطه لون الاشفاق لاصاريجمع بين برق وغيمه جوه خيال ويشبه لجو عشاق ضمت مشاعرهم هماليل ديمه بوحي |
بتزين الليّالي ونتلاقى على التيّسير
وبنسُولف تحت قمرا التّعاليل ونغني |
https://encrypted-tbn0.gstatic.com/i...zLBnuogGvsIOXA الحشرجة في الحب ماتعني الموت تعني كلام في الهوى ضاع نصه هرج تعلق بين الأنفاس له صوت بوح تعثر بالحـــيا فــيه غـصه صوت ينادي بالحشا وسط تابوت تمكنت منه المشاعر ترصه وده يبوح بداخله شي مكبوت بس الخجل لخبط مفاهيم نصه شاعرويكتب في هوى قطعة التوت يمكن قصيد الشوق يلقى منصه بوحي |
الخطوه اللي ماتعزك بممشاك
لا تهتويها واقصر المشي عنها لا صار ماترفع مقامك بدنياك احذر تجاملها وترخص ثمنها . |
https://encrypted-tbn0.gstatic.com/i...eEVKLUUhTqfaCd
على نفس المكان الي اجي له والفكر ينساح كتبت البوح واسرار العمر للنور يقراها انا والليل والمغنى سوالف والأمل مالاح وجيران القمر ملت تحرا نور قمراها غدا جو السهر معتم بعد لبس الظلام وشاح بعد ماعودت كل النجوم لدرب مسراها كذا صار الوعد ليل وحيش وممتلي اشباح على قلب فقد زين الوعود الي تحراها بوحي |
حُب التملُك طبع سيء وحسّاس
مثل السراب اللي يخيّل لك الما مانقدر نسيطر على رغبة الناس لو في مشاعرنا لهم حُب جمّا :( |
| الساعة الآن 08:04 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas