|
يستاهل الحب من ضم الغلا جوفه
مدهاله القــلب يتمشى به لحــاله يستاهل الـورد من عطربه كفوفه والي عطا الحب وسط العين منزاله بوحي |
الود ماهو غصيبه واللي رحل وش نبي به
دام الوفا مايجيبه ماظن ينفع جوابه.. مانطرد اللي تغلا واللي تغلا يخلى مادام عني تسلا ياناس عادي غيابه.. |
استبرد الجو بس ما استبرد الخاطر
في داخلي نار.. تحرق برد دنيتنا نـار الغياب اللي كوتني وانـا ناطر شمس اللقا تشرق وتشرق محبتنا |
حي الله اللي يعشق الشعر مثلي
ويسعى ورى كل المعاني الجميله وأليا لقى له بيت محكم و أصلي من فرحته في وسط قلبه يشيله |
الله يا سرع الليالي والايـام
احت سنه من عمرنا مادرينا . قبل امس اذكر توّنا بأول العام واليوم بالعام الجديد ابتدينا |
يا احلى من السكر على كبد مغليك
ياللي من اسلوبك على الروح هيمنت ! |
حي المساء اللي يساوى ملايين
واللي بدونك مالقى المساء لونه يسعد مساك ي مساء غناة المحبين انا اشهد ان الورد بك يوصفونه |
ياسحايب اقبلي وامتلي مي
وصبي ع كل ارجاء المدينه واحب صوت المطر يجي للحي والي فقد ه الاجواء اقول الله يعينه |
لو عطيتك بين أقواسي ( ) فراغ
وقلت لك كمّل .. . تراني ناطرك ؟ ويش تكتب وش . . تعبر بالصيـاغ إكتب اللي الآن دار . . بخاطرك !!? |
اشره على اللي معتبرني رفيقه
ماشره على اللي معتبرني عدوه لوشانت طبوع العدو بحريقه ماهمني لوشفت منه الجفوه اعتب على اللي له علاقة وثيقه وش لون يصخي بالوفاءولأخوه هذي حقيقه وان بغيت الحقيقه ذنبه مثل من يدعون النبوه بوحي |
أنا معكِ ماني مثل باقي الناس
لو ادمت قيود انتظاركِ يديني تذكّريني لا امتلى قلبكِ احساس وان مرّ بالكِ أحتياج .. اذكريني |
مجبور أنا أعيش من بعد فرقاك
وأخفي جروحي بين نفسي وذاتي |
الله يا سرع الليالي والايـام
احت سنه من عمرنا مادرينا . قبل امس اذكر توّنا بأول العام واليوم بالعام الجديد ابتدينا روعة احسااس ,كيم معجب |
إسمع كلام الروح لاتسمع الصوت
أحيان صوتي كبرياءه . . يغرّك . ودي أقول : اشتقت لمواصلك موت وماودي لحظات انكساري تسرّك |
شطر يوديني على جمر إلاهات
وشطر يجنبني دروب المحبه العقل ضايع بين عشق ومتاهات والقلب تايه في بحر من يحبه |
خذها بساطة واعرف ان الغلا فـوق
غيث الغـلا مـا ينحـدر دوم يرقـا |
اكسر مفاهيم الخجل وانثر الشوق
لاصار صندوق الغلا زاد شوقه كم عاشق من نار الاشواق محروق كتم الغلا بالقلب زود حروقه لاتقتل احساس الهوى في يد العوق صدق الغلا مافيه شي يعوقه بوحي |
اتاني طيف عبله ف المنام
فقتلني ثلاثآ في اللثام |
قلبه معي ويحط عينه على الغير
طبعه كذا دايم يحب المعاند طفلٍ شقي يغار من قلب ويغير يفرح ليا اثعى في جميع المساند |
لـ عيونها لو عشـت غـربه وترحال
تبقـى بـ قلبي هي أميرة زمنها شيخة غلاي اللي لها القلب منزال عمري لها فدوه وروحي وطنها |
طيف لمحته حلم ماهوب فايد
ياماقطع صبحي على القلب شفه لاياحسايف واقع الشوف كايد ياواقعي شف لي مع الوقت صرفه اماعلى لقياه عطني وكايد والا لهيب الشوق في القلب طفه بوحي |
شوف الشوق في عيني يناديك
تحكي غلاه العيـن قبل شفاتـي افهم ترى محدن عندي يساويك إنت الغلا وكل الغلا في حياتي |
:
أيامه السود خلت قلبه الأبيض يصد عن كل حاجه خاطره فيها |
غلطان ياللي تنطوي كل ماضقت
إضحك لو ان النفس فيها .. وفيها تأكد إن المشكلة ( مسألة وقت ) بيمر ذكراها .. وتضحك عليها |
:
ألا ياوجُودي وجد من خانه التعبيـر تحاشى الكلام ولا لقى ما يعبّر به ! |
اللي موّصلني غرامه للجنون
آكبر دوافع... حبّنا صراحّته يقول ادوّر راحتك باللي يكون مايدري إن راحتي من رآحته |
على كف الغلا ينبت على وعد اللقا ورده
تحرا مدت كفوف الغضي تقطف معانيها تفرعن لونها وسط العروق الي سقت وده بقلب يرتجي شوفه بنبضاته يغذيها عسى نورالبني يوفي ويقطف ورده بيده ورود الشوق تتحرا بكل الحب يسقيها بوحي |
:
ما للغياب أعذار ياللي تغيبون بلّوا معاذير الجفى ، واشربوها |
من يشوف النفس مااركض وراه
عادة فيني ومن طول الأمد ماحنيت الراس الا للاله الاله الواحد الفرد الصمد العقل غالي ولااعطي من بغاه لويسومه حامد والاحمد والعيون اللي لهالعالم تراه ثابته بالراس لوفيها رمد بوحي |
:
تْغيب .و ياكلني عليك ..الخوف ولازلت .في قلبي .مثل ماكنت - لاتقول شف غيري ! ماراح أشوف أنا ما أحب غيرك .. " أحبك أنت " |
ابغير اريل القلب ونظامه
واقلب الموجة على شي ابيه واترك ارسال اللي يتعبني كلامه مايبي قلب العنا هم يجيه ودي اتابع قناة ابو دلامه واسمع اللي يطربون متابعيه لكن اللي يخنقون الابتسامه ما اجامل بثهم ولا احتريه كل شخص يتبع القلب ومرامه وكل نفس تأكل اللي تشتهيه ومن عصاه القلب لايلحق ملامه لايعاتبني ولا اشره عليه بوحي |
،
الجو هذا مايبي غير انا وانت نطلع لو انا نرجع البيت مرضى وتقول تغليني ؟ وانا أقول هونت تزعل واجي .. واحب عينك وترضى .. |
اظاهر ان الوضع مؤسف ومخجل
خجلان من يبغى يوضح بيانه لأن بعض الناس بالحيل يجفل ياطا على زل الحرير بليانه دامك على خط السريعات عجل الناس طارت وانت فيه حبيانه باب المنى ذا الوقت ماهومقفل حتى الأمل تقدر تجيه بمكانه دام العطا مسموح وش فيك تبخل خلك كريم وزود العقد دانه ترا البخيل بقلة البذل يفشل محروم من عطف الرفيق وحنانه هذي حقيقة لوبعض ناس يزعل كلام اقوله من قبيل الأمانه بوحي |
صح الله لسانكِ يا اخوي عذب
... عمري فدا عمـــرك وانا اقولها دوم ياقطعة مني بعيـــــــــــــــني اشيلك في عيني انت الناس والحب والقوم مافيه مثلك لو زعل كل جيــــــــلك |
العاطفي
صح بدنك اخوي العاطفي وتسلم على اعجابك واشادت لك كل التحايا |
يا اخوي عذب
انت الفخر وانت نار على علم بيض الله وجهك وفخورين بكِ وبوجودك معنا ومستمتعين بكلماتك وقوة معانيهاا وشهادتي فيك مجروحة لانك اكبر من تقييمي وهذه ليست مجاملة ... |
لاتقول ان الليالي فرقتنا ... لا تقول ظروفنا عيت علينا
|
صعب علي .. ارسم ملامح نهآرك
و صعب علي .. آتخيل الصبح دونك ! بيت القصآيد كلها صآر دآرك وكل المعآني .. صادقآت يبونك وياسيدي كآن المحبه شعآرك لوّن صبآحي بـ ضحكة من عيونك |
استغفرالله عن كل اللذي قلته
ان كان يغضب اله الكون سبحانه ولوفات شي من الرغبات مانلته فالحمدلله على فضله واحسانه بوحي |
يانور عيني عليك الشوق يفضحني
احاول اخفيه و عيونــي تسولف به احب و اشتاق و الهجران يذبحني واكتب شعوري قصيد ولا تكلف به |
| الساعة الآن 04:53 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas