(الحصان اليعربي )
 

https://a.top4top.io/p_1464ejgdk0.jpeg

شاقني شوف الحصان اليعربي
لنه اجمل خيل من بد الخيول
مايقارن به مهجن واجنبي
ياحلو خيل الصحابه والرسول
امتدحها الله ومجدها النبي
وفارس بذاك الزمن فيها يصول
لا لمحت الخيل مسيت شنبي
والكدر والضيق عن بالي يزول
يالسان اهرج ويايد اكتبي
وصفي اللي ياعسى يلقى قبول
ودي اكتب بالخيول اللي ابي
حبها يفرض علي ابدع واقول
كن راس اليعربي راس الضبي
والعيون وساع بارقها يهول
وجبهته ميدان واذنيه طلبي
كنها بشخوصها العود النحول
والمناخر والصدر مينا دبي
والظهر عن متر ما يمكن يطول
والحوافر مستديره لولبي
وذيله المرفوع يختال ويجول
وان رقص مايقهره تل الصبي
وان وقف يازين وقفاته ملول
رافعن راسه كما الشهم الابي
أو كما الطربان لا سمع الطبول
وان بغيته للختل جاك يحبي
بالحساسه كنه الطيرالجفول
بالوفا ماحدن يجاريه يهبي
حبه لراعيه اشد من الذلول
لجل عينه قامت حروب وسبي
ومن جهل بالخيل بالدنيا جهول
ذا كلام اللي يحب اليعربي
لنه افضل خيل من بد الخيول

لجل عينه قامت حروب وسبي
ومن جهل بالخيل بالدنيا جهول

ذا كلام اللي يحب اليعربي
لنه افضل خيل من بد الخيول

يا سلام عليكِ يا روووعة

ابيات جميلة جداً في وصف الخيول العربيه

وكل شطر بيت عن قصيده كاملة وصف رائع وتصوير اروع

يسلم ذوقكِ وانتقاءكِ واختياركِ وان دل على شي

انما يدل على ذائقتكِ الشعرية

والخيل فيه عزة لا يستطيع الإنسان أن يفهمها

إنّها تحزن ولا تبوح، وتتألم ولا تنكسر

احسنتي الوصف وبارك الله فيكِ بهذا الطرح وهذا العطاء

تقبلي مروري المتواضع

العاطفي

بطونها كنز وظهورها عز
وقدرتها على تحمل المتاعب والمشاق يفوق كل وصف
يعطيك العافيه روعة احساس ع جمال الإنتقاء

الله يعطيك العافيه
يسلمووو

الله لايحرمنا من مروركم العطر
وجمال ردكم الراقي
باقات من الورد:

يسلم راسك
ويعطيك العافية