قالها وهو على فراش الموت
قصيدة قالها رجل يدعى ناصر عند موته رحمه الله تعالى ويقال أنه لم يأت بقصيدة قبلها يقول فيها : </b></i>الاوله يالله يالله يالله ** يامن عطى مده ولا من عطواه ياجيدٍ كل الخلايق ترجاه ** ياخالقي رافعلك الطرف والنون طالبك تغفرلي ذنوب ٍ عليه ** شي سبب لسني وشي من يديه جنيتها يالله تهون عليه ** وتكتب لي التوبة مع من يتوبون والثانية طالبك ياعالم الشان ** طالبك تهديني على درب الاحسان لامن حصى ذنبي بكفة وميزان ** وترجح الاحسان لاجوا بيزنون والثالثة طالب علي الجلالي ** طالبك يامولاي تلطف بحالي لاما فرقت أهلي وجملة عيالي ** وامسيت للخالق مقبل ومسنون والموت حق ولا معانا تنكار ** مرسل من الرحمن ساطي وجبار لاما حصل وقته فلا عاد معذار ** يالله تسهل ميتة العبد بالهون تغفر ذنوب العبد لا امسى لحاله ** حطوه في لحد ثقيله رماله لاعد حسب لاهله ولاا زكى عياله **ولاعد يحس للي لروده ينوحون وفارق الدنيا ولام القرابة ** وامسى صديقه يلتفت في ثيابه ويقول واوجدي لسقم غدابه **راح المسير وكل الامة يسيرون هذا جوابٍ من ضميري بنيته ** بنيت هذا القيل يوم احتسيته هرجٍ صحيح ولا جوابي غبيته ** وافطن اهل الفكر واللي يخافون واللي بيعمل بهذي التماثيل ** يسمع جوابي يوم رديت في القيل يلزم سبيله لا على نفسه يعيل ** اللي يقع مايظبط العقل مجنون والا سفيه ورايح في الغواية ** ويقول يا كم من يخلق الله كماية رغبان في الدنيا أباخذ هواية ** وحبلها يطوى وهم ما يحيطون واتسمعوا في ذا القيل ياجمع الامات ** هذا الأمل غر الذي قبلكم فات كم من شديد بعافية بعدها مات ** وامسى إهابه وراح في الأرض مدفون واقوا عليه اثنين شافوا حسابه ** وان كان ماهوا صالحٍ واعذابه لو كان مايقرا قرا في كتابه ** وشاف ماسواه بالعين والنون واختم بذكر الله عدد نور الانوار ** وعد من لبى لبيته ومن زار قبر الرسول اللي شفيع من النار ** صلوا على المختار ياللي تصلون |
قصيدة رائعة فيها من الحكمة والموعظة تسلم ع الطرح لاعدمناك مودتي ذبحني غلاك |
ܓܓܓܨ سلمت الايادي..~ يعطيك العافية..~ مودتي..~ ܓܓܓܨ |
من أجمل ما قرأت
قصيده تحوي الكثير من الدروس والعبر لاهنت عابر سبيل وتقبل تحيتي |
سلمو ذبوحه علىى مرورك العطر برائحة الفل والياسمين تقبلي تشكراتي
|
يسلمو صرخه على تواجك المميز وعلى مرورك العطر براحئة العود والمسك تقبلي تشكراتي
|
يسلمو ابو خالد على مرورك ولا نعدمك يالغلا تشكراتي لك
|
تسلم يمناك على الطرح اخي عابر لك جزيل الشكر..~
وبنتظار جديدك...~ |
يسلمو صموته ع المرور ودي لككككككككككككككككككك
|
تسلم يدك عابرسبيل على الطرح الرأأأأأئع
ولاعدمناك يالغلاااااا |
الساعة الآن 05:43 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas