|
الفرق بين أجازات اليابانين وأجازاتنا
http://gfx2.hotmail.com/mail/w4/pr01...icons/rose.gifــــــــــــــــــــــــــــــــــــــــــــــــــ ــــــــــــــــــــــــــhttp://gfx2.hotmail.com/mail/w4/pr01...icons/rose.gif تعلم أن اليابانيين أكثر شعوب العالم المتقدم حرماناً من العطلات .. إذ لا يتعدى متوسط إجازاتهم تسعة أيام في العام بينما الفرنسيون هما أصحاب النصيب الأكبر من العطلات بمتوسط يبلغ 34.5 يوم سنوياً. وتمنح الولايات المتحدة العاملين ثاني أقل عدد من العطلات سنوياً بمتوسط 17 يوماً يأخذ معظم العاملين منها 14 يوماً .. ويمنح النيوزيلنديون 19.5 يوم سنوياً يستهلكون منها نحو 17 بينما يستخدم الأستراليون 16.5 يوم تقريباً من إجمالي العطلات وعددها 20 يوماً. مساكين يا اليابانيين صدق أنكم شعب محروم من الراحه تهجولون في ذا الدنيا لا راحه ولا نوم ولا فلة حجاج علشان تقدمون إختراعات تفيد الإنسانيه همن بتموتون واللي ما اسلم منكم بيخلد في النار وخلوا الإنسانيه وسوني ومتسوبيشي وتويوتا تنفعكم اقول خلوكم مثلنا بس والله يا الإنسانيه ما قامت ولا قعدت عندنا فالين ام الحياة.. إجازات ونوم وتسدح وتبطح ولله الحمد والمنـّه شوفونا أيام السنه 365 وإجازتنا 355 يوم الموظفين ..شهر أجازه نظاميه و10 أيام إضطراريه و3 شهور تروح ما بين إجازاة وفاة والديه وعمانه وعماته وخواله وخالاته وامهاته من الرضاع وابوانه من الرضاعه وأصدقاه من الرضاع الموظف السعودي هو الوحيد في العالم اللي تتوفى له 12 جده و12 جد في السنه.. ومنها شهرين إستئذانات من المدير علشان يجدد الرخصه والإستماره ويضيف ولده في دفتر العائله ويسجل ولده الثاني في المدرسه ويطلع ولده الثالث من مرورالناصريه .. و55 يوم يطلع من الدوام يبلغ الشرطه عن شغالته المنحاشه و3 شهور إجازات مرضيه منها شهر ونص في السنه إجازات خلع أسنان .. تماسيح مهوب موظفين وبعدين مدري وش ذا الأسنان اللي يخلعونها وتنبت .. تصدقون يا جماعه ان بعضهم يكون باقي عليه ويتقاعد سنتين ويجيب إجازه مرضيه بسبب خلع ضرس عقل واللي موقع الإجازه طبيب نساء وولاده والطلاب والطالبات إجازات الصيف 3 شهور ومعها مكرمه من أهالي الطلاب نص شهر وإجازة حج 20 يوم معها مكرمه 10 أيام من أهالي الطلاب والطالبات و10 أيام إجازة نص سنه ومعها 15 يوم مكرمه من أهالي الطلاب والطالبات وإجازة ربيع ومعها 15 يوم مكرمه من أهالي الطلاب والطالبات وإجازات أمطار وإجازات غبار وغيابات بسبب الأنفلونزات وغيابات للطلاب بسبب هزايم فرقهم .. واللي مسكوه المرور وخلوه يفك أنوار الزينون وعلم ابوه ولعن جدفه ..وتعبت نفسيته وغيابات للطالبات بسبب ان بطونهم توجعهم وغياب لأن نفسياتهم تعبانهم .. وأسباب تعب نفسيات البنات متعدده اللي قصت شعرها وطلع وع واللي محد عطاها وجه على البي بي واللي طلعت لها حبة شباب في خشمها وقاعده طول الليل تراقب ذا الحبه لين تعبت نفسيتها .. ميسي مهيب حبة شباب الزبده أن الطلاب ما يصفى لهم من دراسة الـ8 شهور إلا 18 يوم اما المدرسات والموظفات فحدث يا اها بس ولا حرج إجازات مثل الإجازات الرسميه للطلاب والطالبات واضيفوا لها إجازات مرضيه أثناء الحمل وإجازات نفاس ممكن توصل لـ 3 شهور عشان كذا ذا المدرسات هم أكثر من يحمل ويولد بزعمها إنها بتكثر أمة الإسلام وهي تبي تتبطح وتتسدّح طبعاً إضافه للإجازات المرضيه بأنواعها المدرسه تراجع كل التخصصات الطبيه علشان تجيب منهم إجازه أسنان وأنف وأذن وباطنيه وبوليه وجلديه ونساء وولاده وعظام وإصابات ملاعب وإجازه علشان فيها ضيقه وشاكه إنها منظوله على طاري الضيقه .. قسم لو للرقاة الشرعيين صلاحيات منح إجازات مرضيه ان ما تلقون مداوم في مدارس البنات إلا البواب والفرّاشه و5 طالبات دافورات نرجع لمحور حديثنا .. وغياب بعض أيام الأربعاء لإنها بتروح لزواج ولازم تمسك سرا عند الكوافيره من الضحى وإجازه مرضيه بعض أيام السبت لأنها كانت عازمتن حمولتها وتعبت مع ان حمولتها كانوا عندها يوم الأربعاء .. الحين الشغاله هي اللي تتعب والمدرسه هي اللي تاخذ إجازه!!! انا اقترح إقتراح بيفيد الإنسانيه وهو اننا نتناسب إحنا واليابانيين نتزوج منهم ويتزوجون منا نعطيهم مما أعطانا الله من زود العيون ويعطونا مما أعطاهم الله من زود العقول نعطيهم مما أعطانا الله من الحرص على المظهر ويعطونا مما أعطاهم الله من الحرص على الجوهر وبكذا بننتج للإنسانيه نسل يحبه قلبها.. والله يا إنها بتنبسط فينا ذا الإنسانيه هاه !! لا لا هونت عن إقتراحي اخاف ان تأثيرنا يكون اقوى في الفهاوه والدلاخه والرفاله والرباده وتأثيرهم يكون أقوى في صغر العيون وحب الجوهر وتطلع عندنا سلاله تحوم التسبد همن عاد تقعد بها الإنسانيه .. دلاخه وعيونن نقوب .. ولا مظهر ولا جوهر ولا سوني ولا متسوبيشي ولا حتى تويوتا يارس قيير عادي |
ههههههههههههههه لاهنت على الطرح
|
ههههههههههههههههههههههههههههههه
طرح جميل ورائع يالغالي لاهنت يالغلا |
ههههههههههه لورانس
يمدحون التهجين بارك الله فيك ع الطرح سلمت يداك |
ماساه والله متى نصير شعب عملي كما امرنا الله ان نعمل
عقولنا فيها تناقضات خلها على ربك لو عرفنا لذت النجاح ما تنازلنا عنها عز الله فالحين في الاكل والكسل ومشاكل تافه وغير تافها قم بس قم ويعننى ومحشش وعزيزي ومثلاً وفالحين في التنكيت اللي بطعم وبدون طعم ما ادري ليه ما تمسك معي الا الصبح فلسفه تقبل مروري اخوي وكل الشكر على الموضوع الرائع والتهجين فكره اييدها ههه |
ܓܓܓܨ
سلمت الايادي..~ يعطيك العافية..~ مودتي..~ ܓܓܓܨ |
هههههههههههههههههههههههههه
لورانس لايشوفون اليابانين اجازاتنا ويحسدونا سلمت يداك ع الطرح الظريف |
اقتباس:
منور يالغالى والف شكر لمرورك الكريم |
اقتباس:
الاجمل هو مرورك يالغالى ودمت بحفظ المولى |
اقتباس:
ههههههههههههههههههههههههههههه والله التهجين حليو بس أخاف المولود يمسك خواله اليابانين والف شكر ياابوخالد على مرورك ودمت بحفظ الرحمن. |
| الساعة الآن 06:59 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas