جاني واحد يسأل شنهو المحال؟
 

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :
خَل الكلمهـ
فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!

والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير

يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العقال
والمصيبه الشعب ما أختار الأمير

وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شي ودِّك فيه ولا يمكن يصير ..!

روعة الاحساس
هذا انتٍ مثلما عرفناك
وتعودنا على نهج سيرك
نهج متميز باسلوبه
وقلم متفرد بعرش الكلمه
وحرف رقيق ومشاعر تفيض
بالطف
روعة الاحساس
خاطره ولا اجمل لك مني
كل محبة صادقه
وتقدير

أبو مازن


معذوره أحرفي آن آتخذت الصمت بحرم أحرفك عنوان

لآنك نور المكان والحرف الراسم لتفاصيل الضياء ووقته

وكل أوقاتي وأزمنتي قد أنارت بحضورك

ممتن لهذا الحضور الرائع

لك حبي وتقديري

ابو خالد



يا نسيم الفل يا عذب الحضور
يا مطر غطى بساتين وصخور
يا وفا باقي على مر العصور
القمر يظهر وفي برجه يدور
والكلام العذب ينثر بالسطور
عندما ترد زمردة الحب والذوق والجمال
تتلألأ الأقلام وتتراقص السطور
وتعزف الحروف على الصفحات
أجمل ما نطقه لسان وخطه بنان
لك مني جل الشكر والتقدير والاحترام
على هذا الرد المعطر بنفسك الزكيه
دمت بحفظ الرحمن

صح لسان شاعرها احمد الصانع وسلم آحساسك

يعطيك العافية يالغلا على روعة مانثرتي بمتصفحك الجميل

لاعدمناك

سارة

ما اسعدني حين تلامس حروفي نفحات عطرك
وهمسات حرفك تطرب روحي وحرفي
تتركني في حالة انتشاء
لحضورك المهيب انتظار وشوق

تقبلي خالص محبتي

ذبحني غلاك


لمرورك الف نغم

تورق له اغصان الروح طربا

شكــرا ولا تفي السكب الرائع

لكِ صادق الود

يسلم راسك
ويعطيك العافيه