الموضوع: خل العـذر يآ موجع الليل بالنــآآي....ليلك عجل و السآلفه سرمـــديه...!!
عرض مشاركة واحدة
قديم 01-07-2011, 10:36 PM   #1

افتراضي خل العـذر يآ موجع الليل بالنــآآي....ليلك عجل و السآلفه سرمـــديه...!!

للشاعر ( رشيد الدهام )











خل العذر ياموجع الليل بالناي
ليلك عجل والسالفه سرمديه

اطول من الضيقات وابعد من بكاي
اشد من صد الخوي عن خويه

ياما ذكرت الوقت والوقت نساي
وياما قتلت الروح والروح حيه

انا بطبعي لاتثاقلت شكواي
على صدر غيري بقت داخليه

تكبر وتكبر مثلها ضحكه شفاي
ويردد اللي مادرى ياهنيه

وانت ان شقيت بغلطتك هاتها جاي
اغلط بكيفك واترك العذر ليه

انا اللي اسف وااعتذر عن سوياي
اسف على غلطتك واسف عليه

الذنب ذنبي والخطايا خطاياي
ولا انت ماجا منك ذنب وخطيه

ذنبي وعذري في الهوى طيب مبداي
ضحيت لاجلك لين صرت الضحيه

تدري وش ابغى تقولي قبل فرقاي
تدري وش ابغى تقول عن طيب نيه

ودي تقول.. ولا تدري وش الراي
تسكت مادام السالفه سرمديه





  رد مع اقتباس