الليل موحش والصدر لاضاق للوحده شفوق
لانوخت سود الليالي فالضلوع اركابها
والصدر عدن للحزن والدمع دلوه كل موق
اول نهايات الهموم تمر عبر اهدابها
ياليل يغريني ظلامك وانت للعاشق اتروق
لاجادت هجوس القصايد في غياب احبابها
للي تضلل في بساتيني وتطعمه العذوق
وتمطر مزوني من بكور الوسم فوق اشعابها
البارحه لاحت من الفرقا على خدك ابروق
وانا خطاي اردد الحجه مع غيابها
لو راق فكري للشعر ماراق قلبن في شوق
غيبتك كم مره سألت النفس ويش اسبابها
البعد عتمه والحزن مالامس اكفوف الشروق
والشمس من زود الحيا عيّت تزيح احجابها
لو قلت عادي هالجفا ياكذبت احساس الصدوق
اللي اضلوعه من صدا الفرقا تعاوا ذيابها
لوحت بكفوف الفراق وشدت ارحال الخفوق
وطويت بيت العشق وامالي شلعت اطنابها
خطاي في حقك وفا وخطاك في حقي يفوق
اعتاب نفسن كل ماتخطي يجيك اعتابها
مال الجفا شيمه ولا للمعاند الايام ذوق
ياشرهة اللي هقوته خابت وضاع احسابها
لو اعترف اني من الهفه على الوصل امحروق
تبقا عزاي الكلمه اللي لو اموت احيابها
اطيح ! لكن منكسر ونطحت ؟ قالو طاح فوق
كبوة اصيل ولا لحقها لوم من ركاّبها
|