منتديات جروح - عرض مشاركة واحدة

عرض مشاركة واحدة

01-18-2012, 02:49 PM	#1
	ليل الحزن امى [OVERLI اه ياليل الحزن ابكيت دمعى وبكيت امى بكيت الحبيبه اللى بحبها عطيت اللى بصدرها ارتميت اللى بصدقها وفيت اللى لعطفها رضيت واللى بفقدها بكيت اه ياليالى مضت..شق صوتى سكون الليل اه ياليالى قست..حطمنى غيابها حيل اه ياليل الحزن سهرتنى...عذبتنى..حيرتنى وبصمت اشيل الجرح وزفرات بصدرى تهز ضلوع القلب ويش حيلتى دامنى مانسيتها ويش قيمتى دامنى مابكيتها اه لو ابكيك عمر ماتجف دموعى وان جف القلم اكتب لك بدمع عينى وارثيك واقول اجمل قصيد واكتب لك من جديد ولاخلص الورق انقش لك بصفحات قلبى واكتب لك بدمى وعروق قلبى اه ياليل الحزن امشى بهمى حزين ضايع محروم من الحنين ويش قيمة الدنيا بلا صوتك ويش الحياه دام القبر ضمك اه ياليل الحزن ارفق بحالى ماغيرها على غالى ماغيرها تخطر ببالى ويش يفيد كثر التحسر الغالى غاب وانصك الف باب وباب مااحد يحس بفقد الحبيبه غيرى انا احبها بصدق وحقيقه اهى منى قريبه اه ياليل الحزن اشعل غيابها نار تلهب بصدرى وتعبت انا من طول صبرى كوانى غيابها وطفت عقبها كل الشموع مانى بناسى...ولانى بسالى ببقى حزين عليها وابكى لااجلها لاان حياتى من حياتها اه ياليل الحزن من غابت فقدت الحنان وعقبها كرهت الزمان كيف وهى واحة الامان اه ياليل الحزن ابحرت بشطك وتلاعبى امواجك...وتكسرت مجاديفى وغرقت بوسطك اه يامى تعبت....تالمت...تندمت واتعبت من معى اشوفها قدام عينى فى نومى...فى ضحكتى..فى خطوتى فى كل يومى اشوف خيالها اسمع صدى صوتها وانادى ياامى..ياامى..ياامى ولاتجيب ارجع كسير محزون اتمتم بكلام مجنون ياليل الحزن امى صارت فقيده عند ربها شهيده بجنة الفردوس سكنها لااجل طيبها وعملها ياليل الحزن خلنا نتوب لاان هذا قدر مكتوب نصبر ....نحتسب عند رب الكون نستمد منه العون انه يخفف جراحنا ويجبر كسرنا فى غلاة الروح امى...امى...امى يانغمه يطرب لها سمعى وينساب لها دمعى بقلمى [[جروح المشاعر]]