07-05-2008, 11:33 PM
|
#286
|
|
الصاحب اللي شد واقفت مطاياه
ما يدري إنه حط بالجوفي حرايق
أكبر دليل إن الجفى منه ما أقواه
أموت و أحيا في غيابة دقايق
واللي تحبه حيل ياشين فرقاه
جربتها و عندي عليها وثايق
ينساني الله إن كان في البعد بنساه
ماغيره بعيني من الناس لايق
ماقد خبرنا الطير يزهد في مرباه
الا إذا ماهو له الجو رايق
الشاهد الله صاحبي همي يرضاه
ماقد جرحته وش بلاه متضايق
يا خوفتي و يا حسرتي وين دنياه
خوفي عليه مغيرين الحقايق
الأمر لله قدر البعد و أقصاه
يالله عساها ماتزود العوايق
|
|
|
|