كلمات البوم ((انتظرته)) لرفيق الليل




البوم انتظرته ويحتوي على 6 اغاني

الاغنيه الاولى...
لك خافقي
كلمات : مخاوي الليل .
الحان : مساعد العيسى




ليـتـك لعـيـنـي قـريـبـه
كان أبسهر ونومي لجفني حـرام

عمـري عطـابـه صخيـبـه
ما يضيع العمر ودامك له غـرام

أنتظر متى على الفرحـة تجيـن
ودنيتي في ناظري بقربك تزين

طرفـي اشتكـى لـي شــوق
بالله شــســوي بـــــه

ما بقى من هالعمر كثر اللي راح
وشوفتك يا شوق تبري الجـراح

لــك خـافـقـي شـــراي
بموانـسـك تـطـري بـــه

عشت لك وغير إحساسي ما أقول
وبأنتظر لو غيابك لـي يطـول

ردي عـلــى الـولـهــان
لا يـهـون بــك تعـذيـبـه



الاغنيه الثانية...
يا شوق
كلمات : فهد بن خالد .
الحان : خالد عبدالرحمن



ماني على فرقاك يا شوق نـاوي
مير الزّمن له وقفةٍ بين الأحبـاب

يشهد على ما أقول قلـبٍ شقـاوي
دمعٍ نثرته بان من بيـن الأهـداب

كانك على ذبح الوفى فيني قـاوي
تذبح خفوق اللي يحبـك ولا تـاب

واللي بقى من وقتنا مـا يسـاوي
لحظة نعانيها من البعـد أغـراب

لا يا نجوم الليـل مانـي بهـاوي
فرقى مناة الروح ولو طالت أسباب

يا ناصحين القلب ما لـه مـداوي
غير الحبيب اللي له القلب طـلاّب



الاغنيه الثالثه...
حقيقة
كلمات : مخاوي الليل .
الحان : خالد عبدالرحمن



حقيقة فعلك مـا يطـاق
ومن يستحق فينا العتـب

وإن كان تنوين الفـراق
سهله عليك بـلا سبـب

قليـل أحـسّ بطيبتـك
كثيـر مـنـك الـلـوم

لا تتعبينـي وش بـقـى
مرض الشقـا لـي دوم

مـا بيننـا دار الزعّـل
ما أظلمك في كل الخطـا

والجد أبقى مـن الهـزل
والتضحية أصل العطـا

وشلون أبمشي بطاعتـك
وانتـي علـيّ تقسـيـن

إخذي القـرار براحتـك
ما أسألك زين أو شيـن

من كثر خوفـي والألـم
ما عاد أحس بأي خـوف

سرت الخطا بليل الظَّلَـم
عرفت حالك سمع وشوف

إن كان لـي حـقٍ أبيـه
وإن كان ما لي أنسحـب

واللـي تبينـه اتبعـيـه
قلبك يبي منهـو يحـب



الاغنيه الرابعه...
اهلا هلا بك
كلمات : سعود بن عبدالله .
الحان : خالد عبدالرحمن



أهلاً هلا بك يا بعد كل مـن لـي
يا أغلى من الغالين يا روح روحي

يفزّ لـك قلبـي وأرحّـب وأهلّـي
تطيب في قربك جميع الجروحِـي

لك طلعةٍ مثل القمـر يـوم هلّـي
خلاّ سـواد الليـل نـورٍ يلوحِـي

يمّك دعاني زايـد الشـوق كلّـي
جيتك وأنا قلبـي بحبـك يبوحِـي

تعال نحكي عن مشاعرك قل لـي
واحكي لك همومي وجرحي ونوحي

هـاج الغـرام وتلّـه الـود تلِّـي
قلبٍ قبل عرفك حياتـه مزوحِـي



الاغنيه الخامسه...
انتطرته
كلمات : رياض ابراهيم .
الحان : خالد عبدالرحمن



إنتظرته وقلبـي إحساسـه يقـول
صوت خلي اليوم ما أظن أسمعـه

الخبـر عنـدي وغيبتـه بتطـول
وقتي من اليوم حسابـه باجمعـه

ضاق بي صدري وأدوّر له حلول
في ضميري نار شوقـي مولعـه

عشت في دنيا أدور بهـا وأجـول
عشت فيها بضيق وعايشت السعه

ما لقيت اللي على دربي صمـول
كود بعض النـاس وقتـه يمنعـه

روضتي جفّت وأنا خلـي سيـول
مبعـدٍ عنـي وقلـبـي يتبـعـه

طبعها اللي يوصف بالطبع الخجول
بين كـل النـاس عنـدي أرفعـه

الغريب اللي أسولف لـه وأقـول
عن هوى نفسـي كلامـي أقنعـه

ما يلام اللي مثـل حالـي ينـول
لو قضـى ليلـه يساهـر مدمعـه

لي على الغالي وشوفاتـه ميـول
زود شوقي له غرامـي أصنعـه

لو حصل لي شوفته همي يـزول
وقتها أنسى البشر وأجلـس معـه

أذكر إنـي بغيبتـه دايـم أقـول
هو حياة القلب هـو لـه مطمعـه

فرحتي يا خالـد بيـوم الوصـول
بـا فـرح لقلبـي بهـمٍّ ودّعــه



الاغنيه الاخيرة...
من دلعك
كلمات : مخاوي الليل .
الحن : خالد عبدالرحمن



من دلّعـك .. خـلاّك تختـال
العزّ الله إنـه بدلالـه متّعـك

من صوّرك .. سبحانه اختـار
بالزين أحلاها صورة شرّعك

مـنـك اغـتـذى الـشـوف
وأنــا اغـتـذت روحــي

دونــك بـحـر خـــوف
وسـلاحــي جـروحــي

وقتي معك .. نظرة وترحـال
صدفة تبيّن لي مشارف مطلعك

ما أروعك .. يا ملفت أنظـار
خليت كل الخلق خلفك تتبعـك

مـنـك اغـتـذى الـشـوف
وأنــا اغـتـذت روحــي

دونــك بـحـر خـــوف
وسـلاحــي جـروحــي

ليته معك .. وقت اللقـا طـال
شفّيتها نفسي قبل مـا أودّعـك

من يمنعك .. تمشي وتختـال
ولا ترى بالخلق منهو يمنعـك

مـنـك اغـتـذى الـشـوف
وأنــا اغـتـذت روحــي

دونــك بـحـر خـــوف
وسـلاحــي جـروحــي



يتبع......