03-14-2010, 11:48 PM
|
#1 |
  |
 ماكل من يركب على الخيل خيال ولا كل خيل تعجبك هي أصيـله ولاكل من يعجبك هرجه برجال بعض العرب ملسون وايده بخيله الكل يلبس ثوب وشماغ وعقال وعند اللزوم افعالهم هي قليـله الرجل تثبت له أقاويل بافعال لاقال شئ ونفذه هو دلـيله والرجل لاشفته مع القيل و القـــال ابعد عنه هذا صفاته عليــله والكذب خله عنك مافاد لو طال قول الصدق ياصاح غنم وجميـله وخلك شجاع وذي صفات للابطال اللي كما سيوف تبارق سليـله واللي شراك اشريه لو كان بالمال خلك معه وان مــــــال دور بديله واصبر ترى الدنيا تبدل بها أحوال وما كل شئ صافي تشـــــوفه تجيله وبعد الكدر تشرب صفا عذب وزلال هذا الزمن فيه استــــقامه و ميله وصاحب خليل لو جفـا الوقت مامال ترى الرجل يعرف بقيمة خليـله واقفل على سرك بكتمان و اقفال بعض العرب يسمع و ينوي بحيله وخلك أمين إذا توليت الأعمال من خان في يوم الحشر يا حليله خل التواضع فيك واضح بالافعال ترى الكبر يردي بيوم و ليـله ولاتحسد اللي عنده اموال و عيال وش ينفعك لو كان حـــسدك يزيله ولاتزور تقلب الزين بطـال الله عليم بالنوايا الدخـيله وخلك رزين ترى المخفه للاطفال واصفح عن المخـطي ولو زاد قيله واحمل همومك لو تزن وزن آلآثقال بكره تروح و تنجـــلي لو ثقـيله وصل الفروض ولا تنسيك آلآشغال محدن في الدنيـــــا درى وش بقي له وزور آلآقارب للرحم كون وصـــــال وخلك عظيم الشان وسط القـبيله وصلاة ربي عد ماهل همـــــــــــــال على النبي اللي صفـــــاته جليله --------------------
منقول .. التعديل الأخير تم بواسطة روعة الاحساس ; 03-14-2010 الساعة 11:54 PM |
|
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حركة جديده للشباب !!! | أسمع سكوتك | النقاش العـام | 7 | 05-08-2025 08:05 PM |
| ملاعب قطر 2022 خيال خيال خيال خيال وروووعة كمان | أتركيني تملكيني | القسم الريـــاضي | 8 | 05-07-2025 05:01 AM |
| حركة حركة stooop | سوكره | الصـــــــــــور | 959 | 05-04-2025 04:27 PM |
| واحد ما يعرف يركب الخيل .. ومخلينه مسخره هههههههه | سوكره | الصوتيات والمرئيات | 7 | 05-04-2025 04:11 PM |
| قصة مثل(مع الخيل ياشقرا )).. | ذبحني غلاك | القصص والروايات | 6 | 04-21-2025 03:07 PM |
العرض الشجري