|
||||||
| الشعــــــــــــر قسم يختص بالشعر |
|
|
أدوات الموضوع | انواع عرض الموضوع |
10-14-2010, 04:59 AM
|
#1 |
  |
فمان الله يا أول من سكن بين الضلـوع العـوج  فمان الله يا أول من سكن بين الضلـوع العـوج عسى دربك سفير و يا عسـى الله مـا يخلينـي توكل لا توادع رح عسى درب الجفـا المسهـوج يصادف درب فرقى عقبهـا مـا تلمحـك عينـي سمحت من الهوى ومن القصيد ومن زراق الموج ورميت أغلى مجاديف الغـرام وجيـت بيدينـي أبغرق في عذابك لا رحلـت و يصبـح المنتـوج قصيد في حياتـي سلوتـي و أن مـت يرثينـي واذا هبن بنات الريح للذكـرى بـدون سـروج أبسرج مهرة النسيان و أرحـل مـن عناوينـي وبنسى لين أسج و برسل الونـات فـوج فـوج وبنسى دمع عيني ينتثر و أنسـاك مـن حينـي صبور ؟ أي و الله اني ما ثنيت العزم قبـل أدوج بريضان الجفا و أظمـا لوصلـك ليـن تسقينـي شجاع ؟ اي و الله اني ما عرفت الذل قبل أسوج قدم رجلـي علـى درب لبيـت أهلـك يودينـي كريم ؟ اي والله اني ما عرفت الشح قبل تـروج دموعي في عيوني ثـم أشـح بحسرتـي فينـي أحبك ؟ حسبي الله ليت مالك في سمـاي بـروج و لا لك بالبسيطـه كـود شـي بينـك وبينـي دخيلك لا تلتفت رح بفالـك و أتـرك المرجـوج تغانم ما بقـى لـك و لا أنـا مـا عـاد يمدينـي فمان الله سق ركبك على درب السنيـن العـوج و لكن طالبـك لا أقفيـت عنـي .. لا تخلينـي |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ":: تم بحمد الله أفتتاح موقع رسول الله محمد صلى الله عليه وسلم ::" | جروح | الاسلامي | 17 | 01-31-2014 10:04 PM |
| فمان الله ياحلــم ٍ رسمت اجمل تفاصيله ... | كلي لكـ | الشعــــــــــــر | 6 | 02-21-2011 01:56 PM |
| فمان الله | واتنفسك حلم | الشعــــــــــــر | 9 | 09-13-2009 11:06 AM |
| ما الفرق بين ( إنشاء الله ) و إن شاء الله ؟؟ مهم جدا.. تصحيح لأخطاء شائعة في الكتابة | أنســ عأدي ــأإن | الاسلامي | 7 | 10-30-2008 12:13 PM |
| شلــون مآآآتت يآ فلان وهي البآآرحه كلمتني ؟! | ஐخيآل أنثىஐ | الشعــــــــــــر | 10 | 07-29-2008 10:04 AM |
العرض الشجري